04 قازان, 2023 الەۋمەت
سالافيتتەر ماسەلەسى ماجىلىسكە جەتتى
قازاق ۇلتىنىڭ تۇبىنە جەتپەي تۇرعاندا توقتاتۋ كەرەك.
![](/media/2023/10/04/crop--1_163_748x998_382235890_6689265087824932_8116572762413474972_n.jpg?width=600&height=480)
ايگۇل تۇرىسبەكوۆا
پارلامەنت ماجىلىسىندە بىردەن ەكى دەپۋتات يسلام ءدىنىن جامىلعان جات اعىم جايىندا دابىل قاقتى.
ەرمۇرات باپي ءوزىنىڭ دەپۋتاتتىق ساۋالىندا تەرىس ءدىني ءۇردىستىڭ ساياسي سيپات الىپ بارا جاتقانىنان الاڭدايتىنىن جەتكىزدى. ونىڭ سوزىنشە, حالىقتىڭ كەمشىن ءدىني ءبىلىم-تانىمىن پايدالانعان تەرىس ءدىني توپ جانتالاسىپ, قوعامعا جالعان رۋحاني قۇندىلىقتار مەن بوتەن داستۇرلەردى ءسىڭىرۋ قامىن جاساۋدا.
&ndash؛ قوعامدى ارابتىق-ۋاحابتىق ءدىني ۇستانىم نەگىزدە بولشەكتەۋگە باعىتتالعان بۇل ارەكەتتەرگە بىزدەر, دەپۋتاتتار جايباراقات قاراپ وتىرا المايمىز! ءبىز مىڭجىلدىق دومبىرانى حارام قىلۋعا جول بەرمەيمىز! بۇل ارەكەتتەر ەلدىڭ ۇلتتىق قۇندىلىقتار جۇيەسى مەن رۋحاني نەگىزىنە جاسالىپ جاتقان شابۋىل دەپ ءتۇسىنۋ كەرەك!
اتىراۋ, اقتوبە, ماڭعىستاۋ, ۇلىتاۋ, الماتى وڭىرىندە يسلامدىق سەكتا ەتەك جايىپ بارادى. شاعىن بيزنەس, اسىرەسە بازار ساۋداسى توڭىرەگىن ۋاحابشىلار, سالافيزم يدەياسىنا تابىنۋشىلار باسىپ بارادى. جاسىراتىنى جوق, مەملەكەتتىك بيلىكتىڭ ءوز ىشىندە دە ۋاحابيزم مەن جات اعىمداردى ناسيحاتتاۋدى قولدايتىن جوعارى لاۋازىمدى مەملەكەتتىك قىزمەتكەرلەر بار دەگەن دەرەك مەنىڭ قۇلاعىما جەتتى. ەگەر وسى ءسوز قاڭقۋ ەمەس, ناقتى جاعداي وسىلاي بولسا, وندا ءبىزدىڭ تاۋەلسىز مەملەكەتتىگىمىزگە شىنىندا دا قاتەر تونگەنى.
«؛ەسكى قازاقستان»؛ بۇل قاتەردىڭ شوعىن ۇرلەي تۇسۋدە. قازاقتىڭ ۇلتتىق دامۋىنا قاتەرلى ۋاحابيزم يدەياسىن حالىقتىڭ ءبىراز بولىگىنە سىڭىرگەن «؛ەسكى رەجيم»؛ ەلدى الەۋمەتتىك توپتارعا ءبولۋ ارقىلى ءوزىنىڭ جەكە دارا بيلىگىن مەيىلىنشە ۇزاق ساقتاۋدى كوكسەدى. ونىڭ قاندى ناتيجەسىن قاڭتار وقيعاسى كەزىندە كوردىك. ۇكىمەت قالىپتاسقان كۇردەلى جاعدايدى ءتۇيسىنىپ وتىر ما؟ قوعامنىڭ ءدىني نەگىزدە بولشەكتەنۋ قاۋپىنە قارسى ءىس-قيمىل جوسپارى بار ما؟ 12 جىل بۇرىن &ndash؛ 2011 جىلدىڭ 11 قازانىندا قابىلدانعان ء«؛دىني قىزمەت جانە ءدىني بىرلەستىكتەر تۋرالى»؛ زاڭعا ءتيىستى وزگەرىستەر مەن تولىقتىرۋلار ەنگىزۋدىڭ قوعامدىق قاجەتتىلىگىن كوتەرەتىن كەز كەلگەن جوق پا؟ ءبىز بارلىق كۇش-جىگەرىمىزدى بىرىكتىرىپ, ۇلت بىرلىگى مەن مەملەكەتتىڭ تۇراقتى دامۋ جاعدايىن ساقتاۋعا ۇكىمەت پەن پارلامەنت مۇددەلى بولۋى كەرەك دەپ ەسەپتەيمىز, &ndash؛ دەدى ەرمۇرات ءباپي.
دىني راديكاليزمگە قاتاڭ تىيىم سالاتىن كەز جەتتى دەپ, «؛اق جول»؛ فراكسياسى مۇشەلەرىنىڭ اتىنان دەپۋتات قازىبەك يسا دا پرەمەر-مينيستر مەن ۇقك كوميتەتى ءتوراعاسىنا ساۋال تاستادى:
2011 جىلى بۇل ماسەلەنى بارلىق مينيسترلىك پەن باس پروكۋراتۋرا مەن جوعارى سوت تا قولداعاندا تەك ۇلتتىق قاۋىپسىزدىك كوميتەتى قارسى شىعىپ, وسى تىيىم سالۋ زاڭعا ەنبەي قالدى. ء"دىنى بار دا, ۇلتى جوق, ساقالى بار دا, مۇرتى جوق, ەل تۇبىنە سول جەتەر" دەپ, ءبىر عاسىر بۇرىن جازعان ءماشھۇر ءجۇسىپ اۋليە شىنىندا كورەگەن ەكەن. مۇرتى جوق, تەك ساقالى ساپسيىپ تۇرعان حان ابىلايدى, ايتەكە, تولە, قازىبەك بيلەردى, ەر ماحامبەت, ۇلى اباي, جامبىل, ءاليحانداردى ەلەستەتە الامىز با؟! شەتەلدە وقىپ كەلگەن تەرىس اعىمدى «؛ۇستازدار»؛ وسى ۇلىلارىمىزدان ارتىق, اقىلى اسىپ, ءبىلىمى تاسىپ كەلگەندەر مە؟
قازىر ءان الەمىندە, ايتىستا, سپورتتا دا تايراڭداپ جۇرگەن جات اعىمنىڭ وكىلدەرى ءدىندى جامىلىپ الىپ, ارىپتەستەرى مەن انسۇيەر, جانكۇيەرلەرىنە ءوز «؛سالتتارىن»؛ كىرگىزىپ جاتىر.
وتكەن 30 جىلدىق تەرىس ساياسات قازاقتىڭ «؛نۇر»؛ دەگەن جالىندى ءسوزىن جاعىمسىز سوزگە اينالدىرسا, تەرىس ءدىني اعىمدار ءتىپتى, ەڭ قىمبات, انا دەگەن اياۋلى اتپەن قاتار اتالاتىن «؛شەشە»؛ دەگەن قاستەرلى اتاۋعا قارا كۇيە جاعىپ, «؛ۇستاز»؛ دەگەن ۇلاعاتتى ۇعىمنىڭ ءمانىن ءقۇرتتى.
دىني تەرىس اعىمداعىلار ەلدى ەكىگە ءبولىپ, مىلتىقسىز-اق مىڭداعان جاستارىمىزدى قازاقتىڭ قاتارىنان شىعارىپ قانا قويماي, ۇلتتى جويۋ ءۇشىن ەلگە قارسى ءقاۋىپتى كۇشتەرگە اينالدىرىپ جاتىر. دىنگە, تىلگە, جەرگە قارسى ەلبۇزار تەرىس اعىمداردىڭ بارىنە زاڭمەن توسقاۋىل قويىلۋى تيىس!
ەل ءۇشىن ەڭ قىمبات ۇلتقا, ادام ءۇشىن ەڭ اياۋلى اكە-شەشەگە, قازاققا ەڭ ادال دومبىراعا قارسى حارام پيعىلدىلاردىڭ ەركىن تاراپ جاتقان ەل تۇبىنە جەتەر ۆيرۋسىن شۇعىل زاڭمەن توقتاتاتىن كەز جەتتى! بۇدان كەيىن كەش بولادى, &ndash؛ دەدى قازىبەك يسا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر