21 قىركۇيەك, 2023 بارلىق ايماقتار
اقتاۋدا اۋرۋحانادان ءورت شىقتى
6 قاباتتى ماڭعىستاۋ وبلىستىق اۋرۋحاناسىنىڭ 3-قاباتىنان ءورت شىعىپ, 470 ادام ەۆاكۋاسيالاندى. بۇل تۋرالى ماڭعىستاۋ وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىنەن ءمالىم ەتتى, دەپ حابارلايدى qamshy.kz اقپاراتتىڭ اگەنتتىگى.
فوتو: اشىق دەرەك كوزدەرىنەن
&ldquo؛20 قىركۇيەك كۇنى ساعات 22:38-دە اقتاۋ قالاسىنىڭ 26 شاعىن اۋدانى 71/3 عيماراتى, ياعني وبلىستىق اۋرۋحانادا ءورت شىققانى تۋرالى اقپارات ءتۇستى. توتەنشە جاعدايلار دەپارتامەنتىنىڭ كۇش-قۇرالدارى شاقىرۋعا جىبەرىلدى. وقيعا ورنىنا جەتكەننەن كەيىن 6 قاباتتى عيماراتتىڭ 3-قاباتىنداعى ۋرولوگيا بولىمشەسىنەن جەلدەتۋ كانالىندا جانۋ وشاعى تابىلدى&rdquo؛, - دەلىنگەن ءباسپاسوز مالىمەتىندە.
اۋرۋحانادان 470 ادام ەۆاكۋاسيالانعان. ونىڭ ء150-ى توتەنشەلىكتەردىڭ كۇشىمەن شىعارىلعان.
زارداپ شەككەندەر مەن جاراقات العاندار تىركەلمەگەن.
ورت ساعات 23:31-دە سوندىرىلگەن.
تۇتانۋدىڭ سەبەبى انىقتالعان.
ايتا كەتەيىك, ءقازىر ماڭعىستاۋ وبلىستىق اۋرۋحاناسى شتاتتىق رەجيمدە جۇمىس ىستەپ جاتىر.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر