• usd 468.56

  • eur 497.56

  • rub 7.3

  • cny 67.18

18 ماۋسىم, 05:15:09
الماتى
+35°

18 قىركۇيەك, 2023 الەم

وزبەك بيلىگى «ساقال» مەن «حيدجابقا» سوعىس اشتى

ەندى ولار قازاقستانعا اعىلا باستاۋى مۇمكىن.

اشىق دەرەككوزدەن

وزبەكستاندا ساقال وسىرگەندەر مەن حيدجاب كيگەندەرگە قارسى ناۋقان قايتا كۇش الدى, دەپ حابارلايدى ورتالىق ازيانىڭ جاڭالىقتار قىزمەتى.

"وزودليك" راديوسىنا جىبەرگەن ۆيدەولارعا قاراعاندا, ءاندىجان قالاسىنداعى بانك كوللەدجىندە وقيتىن حيدجاب كيەتىن ستۋدەنتتەردەن ونىڭ ورنىنا ورامال تاعۋدى تالاپ ەتىپ جاتقانىن كورۋگە بولادى.

بانك كوللەدجىنىڭ ستۋدەنتتەرى "وزودليك" راديوسىنا ۆيدەو جىبەرىپ, بۇل قانشالىقتى زاڭدى ەكەنىن ءتۇسىندىرىپ بەرىڭىزدەر دەپ ءوتىنىش ايتقان.

وزبەكستاننىڭ ار-ۇجدان ەركىندىگى جانە ءدىني ۇيىمدار تۋرالى" زاڭنىڭ جاڭا رەداكسياسىنداعى 14-بابىندا ء"دىني مەكەمەلەردە جۇمىس ىستەيتىندەردى قوسپاعاندا, وزبەكستان ازاماتتارىنا قوعامدىق ورىنداردا "كۋلتتى ناسيحاتتايتىن" كيىم كيۋگە تىيىم سالىنادى" دەپ جازىلعان.

بۇحارا قالاسىنداعى ينجەنەر-تەحنولوگيا ينستيتۋتىنىڭ ستۋدەنتى فاتيما ابدۋللوح وزبەكستان پرەزيدەنتىنىڭ قىزى سايدا ميرزياەۆاعا اشىق حات جازىپ, وقۋ ورنى باسشىلارى حيدجابتى شەشۋگە ماجبۇرلەپ جاتقانىن جەتكىزگەن.

وتكەن اپتادا وزبەكستان مۇسىلماندارى ءدىني باسقارماسىنىڭ باسشىسى, ءمۇفتي نۋريددين حوليكنازاروۆ يسلامدا كيىمگە قاتىستى قاتاڭ تىيىم جوق ەكەنىن ايتقان. ول قىز-كەلىنشەكتەردى بەتتەرىن بۇركەمەي, اشىق, سالت-داستۇرگە ساي كيىنۋگە شاقىرعان.

وزبەكستاندا سونىمەن بىرگە ساقال وسىرگەندەرگە قارسى رەيد ءجۇرىپ جاتقانى ايتىلادى الەۋمەتتىك جەلىلەردە.

"قامشى" سىلتەيدى
ىلمەك سوزدەر: تاشكەنت

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر