فوتو: qamshy.kz
ماڭعىستاۋ وبلىسىنىڭ مادەنيەت, ارحيۆتەر جانە قۇجاتتاما باسقارماسىنىڭ تاپسىرىسى بويىنشا «؛وتپان تاۋدان-ۇلىتاۋعا»؛ رەسپۋبليكالىق جوباسى جۇزەگە اسىرىلۋدا. جوبا اياسىندا سۋرەتشىلەر مەن ۆيدەوگرافتاردان قۇرالعان ماڭعىستاۋلىق ءبىر توپ شىعارماشىلىق يەلەرى - «؛وتپان تاۋدان-ۇلىتاۋعا»؛ اتتى 20 كۇندىك ەكسپەديسيا ۇيىمداستىردى. ساپار بارىسىندا قاتىسۋشىلار جول تالعامايتىن كولىكتەرمەن ەلىمىزدىڭ جەتى وڭىرىندە بولىپ, ونداعى مادەني نىساندارىنىڭ جاي-كۇيىمەن تانىستى. ەكپەديسيانىڭ نەگىزگى ماقساتى-ىشكى ءتۋريزمدى ناسيحاتتاۋ جانە قازاقستاننىڭ تاريحي-مادەني, كورىكتى جەرلەرىمەن تانىسۋ, دەپ حابارلايدى ماڭعىستاۋ وبلىسى قوعامدىق كوممۋنيكاسيا ورتالىعى.
ماڭعىستاۋلىق سۋرەتشىلەر «؛وتپان تاۋ &ndash؛ سارايشىق &ndash؛ بوكەي وردا &ndash؛ قورقىت اتا &ndash؛ قوجا احمەت ياسساۋي - جادىگەرلەر كەشەنى»؛ مارشرۋتى بويىنشا ساياحاتتادى. ءوز ءىسىنىڭ شەبەرلەرى وبەكتيۆتەرىنە ارالاعان وڭىرلەرىنىڭ تاريحي-مادەني ساۋلەت ەسكەرتكىشتەرىن, مۇراجايلارىمەن مەن اسەم تابيعاتىن سىيعىزدى.
ەكسپەديسيا قۇرامىنا اقتاۋ سۋرەتشىلەر وداعىنىڭ مۇشەسى تىنىشبەك بالتاباەۆ, سۋرەتشىلەر ايمۇرات تاڭاتوۆ, داۋرەن ارالباەۆ, اسحات نۇرمۇحانوۆ, ازامات كۇرەعۇلوۆ, جانىبەك سۇيىنبەكوۆ, ونەر كوللەدجىنىڭ ستۋدەنتتەرى ايتولقىن ساندەشوۆا, سىمبات بەرىكقىزى, ارۋجان قۋات, سونداي-اق ۆيدەوگراف نۇركەن ءتاجىباي كىردى. ەكسپەديسياعا قاتىسۋشى ايمۇرات تاڭاتوۆ ساپار بارىسىندا جاسالعان تۋىندىلار ادامداردىڭ تابيعات پەن ۇلتتىق بىرەگەيلىكتى ساقتاۋعا دەگەن قىزىعۋشىلىعىن ارتتىرۋعا جول اشاتىنىن اتاپ ءوتتى.
"ەكسپەديسيا بارىسىندا ءبىز قازاق تاريحىنداعى ەڭ جۇمباق قالا-سارايشىققا باردىق. سونداي-اق, ەلىمىز ءۇشىن ماڭىزدى قايراتكەرلەر ماحامبەت وتەمىسۇلىمەن يساتاي تايمانۇلىنىڭ قابىرلەرىن ارالادىق. 175 جىل بۇرىن تاراس شەۆچەنكو ەكسپەديسيامەن بارعان اقتوبە وبلىسىنداعى ىرعىز اۋىلىن كورۋ باقىتىنا يە بولدىق. اقسۋ-جاباعىلى قورىعىن, قوجا احمەت ياسساۋي جانە جوشى حان كەسەنەلەرىن ارالادىق. ءبىز ساياحات بارىسىندا تۇراقتاعان ءاربىر جەرىمىزدە ەتيۋد جازدىق. سۋرەتشى رەتىندە بۇل ساپار مەن ءۇشىن تاريحقا ءبىر ساتكە بولسىن ۇڭىلۋگە تاماشا مۇمكىندىك بولدى", - دەدى ايمۇرات تاڭاتوۆ.
ەكسپەديسيا اياسىندا اتىراۋ, باتىس قازاقستان, قىزىلوردا, تۇركىستان وبلىستارىنىڭ كاسىبي سۋرەتشىلەرىنىڭ شەبەرلىك سىنىپتارى ۇيىمداستىرىلدى. ولار اتىراۋ وبلىسىنىڭ «؛حان ورداسى سارايشىق»؛ تاريحي-مەموريالدىق كەشەنىندە, باتىس قازاقستان وبلىسىنىڭ «؛بوكەي وردا»؛ تاريحي-مۋزەي كەشەنىندە, قىزىلوردا وبلىسىنىڭ «؛قورقىت اتا»؛ كەسەنەسىندە, تۇركىستان وبلىسىنىڭ «؛ازىرەت سۇلتان»؛ تاريحي-مەموريالدىق كەشەنىندە, ۇلىتاۋ وبلىسىنىڭ «؛جوشى حان»؛ تاريحي-مەموريالدىق كەشەنىندە, سونداي-اق «؛جادىگەرلەر كەشەنىندە»؛ ءوتتى.
ماڭعىستاۋدا تانىمال ۆيدەووپەراتور نۇركەن ءتاجىباي ءوزىنىڭ تاجىريبەلى ساياحاتشى ەكەنىن ايتا كەلە, «؛وتپان تاۋدان - ۇلىتاۋعا»؛ ەكسپەديسياسى باسقا ساياحاتتارمەن سالىستىرعاندا ساناسىندا ەرەكشە اسەر قالدىرعانىنا توقتالىپ ءوتتى.
"سۋرەتشىلەرمەن ساياحاتتاۋ-بۇل دوستارىڭمەن نەمەسە تۋريستەرمەن ساپارلاردان ەرەكشەلەنەتىن تاڭعاجايىپ تاجىريبە. سۋرەتشىلەرگە كەنەپتە كورگەندەرىن جەتكىزۋ ءۇشىن ۋاقىت پەن شابىت قاجەت. سۋرەت سالۋ پروسەسى وتە قىزىقتى جانە قاراپ تۇرعان ادامدى ەلىتىپ اكەتەدى. ماعان ۇلىتاۋ وبلىسىنا, اسىرەسە جەزقازعانعا ساپار وتە ۇنادى. جەرلەستەرىمىز ءبىزدىڭ مادەنيەتىمىز جانە مۇرالارىمىزبەن ءبىز ويلاعاننان الدەقايدا جەتە تانىسۋعا ۇمتىلادى دەپ ۇمىتتەنەمىن", - دەدى نۇركەن ءتاجىباي.
ماڭعىستاۋ وبلىسىنىڭ مادەنيەت, ارحيۆتەر جانە قۇجاتتاما باسقارماسىنىڭ باسشىسى ءابىلقايىر بايپاقوۆ مۇنداي ءىس-شارالاردى وتكىزۋ تاجىريبە مەن ءبىلىم الماسۋعا, ءوزارا بىرىگىپ جوبالار جاساۋعا, قازاق مادەنيەتىن تانۋعا جانە ءتۋريزمنىڭ دامۋىنا ۇلەس قوسۋعا بىرەگەي مۇمكىندىك بەرەتىنىن اتاپ ءوتتى.
ايتا كەتەيىك, پلەنەر-ەكپەديسيانىڭ ناتيجەسى رەتىندە كۇزدە استانا قالاسىندا ماڭعىستاۋ سۋرەتشىلەرىنىڭ تۋىندىلارىنىڭ كورمەسىن ۇيىمداستىرۋ جوسپارلانعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر