اباي وبلىسىندا بالىق ءوندىرۋ سەحى اشىلدى

اباي وبلىسىنىڭ تاسساي اۋىلىندا بالىق ءوڭدىرۋ سەحى اشىلدى. ؛

بالىقشىلار اۋىلىندا بالىق ءوڭدىرۋ سەح اشىلدى. ەندى اۋىل تۇرعىندارى وزگە قالالارعا ءوز ونىمدەرىن تاسىمايتىن بولدى.

اۋىلداعى جاس كاسىپكەر باقتيار يبراگيموۆ بالىق سەحىن اشىپ, بالىقتى تولىق وڭدەۋگە مۇمكىن بەردى. سەحتىڭ قۇرىلۋى اۋىلدىڭ ەكونوميكاسى مەن الەۋمەتتىك جاعدايىنا وڭ اسەرىن تيگىزىپ, 20 جاڭا جۇمىس ورنى اشىلدى.

كاسىپورىن سازان, شورتان, كوكسەركەنىڭ ەتىن, ودان بولەك بالىق قاناتتارىن ساتادى. سەحتىڭ قۋاتتىلىعى كۇنىنە 1 تونناعا جۋىق جوعارى ساپالى بالىق ونىمدەرىن شىعارا الادى. تاسسايدا وندىرىلگەن ءونىم سەمەي, الماتى, استانا قالاسىنىڭ ساۋدا ورتالىقتارىندا سورەلەرىنە ساتىلىپ جاتىر.

بالىق سەحىنىڭ يەسى مەملەكەتتىك باعدارلامالار ارقىلى قوسىمشا قارجى الىپ, كاسىپورىندى كەڭەيتىپ, تاعى دا 50 جاڭا جۇمىس ورىنىن اشۋدى جوسپارلاپ وتىر.

تاسساي اۋىلى ەجەلدەن بالىق شارۋاشىلىعى جاقسى دامىعان ەلدى مەكەن. اۋىل اۋدان ورتالىعى كوكپەكتىدەن 60 شاقىرىم, زايسان كولىنەن 40 شاقىرىم جەردە ورنالاسقان. بۇگىندە اۋىلدا 867 ادام تۇرادى, ولاردىڭ كوپشىلىگى بالىق اۋلاۋمەن اينالىسادى.