ماڭعىستاۋلىق كاسىپكەرلەر تۇڭعىش رەت حالىقارالىق ىرىمشىك بايقاۋىندا قازاقستاننىڭ نامىسىن قورعاماق

تۇپقاراعان اۋدانىنداعى «؛جەتى لاق»؛ فەرماسىنىڭ نەگىزىن قالاۋشى كوبزەۆتەر وتباسى-ەشكى مەن تۇيە سۇتىنەن ىرىمشىك ونىمدەرىن شىعارۋمەن اينالىسادى. بيىل ولار mondial du fromage-2023 حالىقارالىق ىرىمشىك بايقاۋىنا قاتىسادى. ەرەكشە اتاپ وتەتىن جايت, بۇل حالىقارالىق كونكۋرسقا قازاقستاننان ۇمىتكەرلەر بۇرىن سوڭدى قاتىسپاعان. وسى جونىندە جانە ىرىمشىك ءوندىرىسىنىڭ مۇمكىندىكتەرى تۋرالى كاسىپكەرلەر ءوڭىر باسشىسى نۇرلان نوعاەۆقا ءتۇپقاراعان اۋدانىنا جۇمىس ساپارى كەزىندە ايتىپ بەردى, دەپ حابارلايدى ماڭعىستاۋ وبلىسى اكىمىنىڭ ءباسپاسوز قىزمەتى.

ماڭعىستاۋلىق «؛جەتى لاق»؛ فەرماسى le mondial du fromage-2023 حالىقارالىق ىرىمشىك بايقاۋىندا قازاقستاننىڭ ونىمدەرىن تانىستىرادى. بۇل قازاقستاندىقتاردىڭ كونكۋرس ۇيىمداستىرۋشىلارىنان اككرەديتاسيا العان العاشقى جاعداي.

2020 جىلدان باستاپ جۇمىس ىستەيتىن «؛جەتى لاق»؛ فەرماسى ءتۇپقاراعان اۋدانىنداعى اقشۇقىر اۋىلىندا ورنالاسقان. كاسىپكەرلەر پاستەرلەنگەن ەشكى ءسۇتىن, يوگۋرت, ايران, سۇزبە, قايماق جانە ىرىمشىكتىڭ 12 ءتۇرىن شىعارادى.

كوبزەۆتەر وتباسى ايىنا 3,5 توننا ەشكى ءسۇتىن وندىرەدى. فەرما 10 گا جەردى الىپ جاتىر, ونىڭ ءتورت گەكتارى ەشكى وسىرۋگە ارنالسا, قالعان ايماقتا جەم-شوپ قويماسى مەن ءسۇت وڭدەۋ سەحى ورنالاسقان.

- بيىل ءبىز ءوندىرىستى دامىتۋعا باعىتتالعان قايتارىمسىز 5 ملن تەڭگە گرانت ۇتىپ الدىق. سونىمەن قاتار, «؛اۋىل اماناتى»؛ باعدارلامالارىنىڭ قاتىسۋشىلارىمىز. اۋىل شارۋاشىلىعى كاسىپورنىن ءوز اقشاڭا دامىتۋ وتە قيىن, وسى تۇرعىدا مەملەكەت اۋىل شارۋاشىلىعى وندىرۋشىلەرىنە كوڭىل ءبولىپ, قولداۋ كورسەتىپ وتىرعانى قۋانتادى. بيىلعى جىلى ءبىز ءۇشىن ماڭىزدى وقيعا mondial du fromage-2023 حالىقارالىق ىرىمشىك بايقاۋىنا قاتىسۋ. وندا ءبىز ءوز ونىمدەرىمىزدى تانىستىرامىز. ايتا كەتۋ كەرەك, ەلىمىز تاۋەلسىزدىك العالى بەرى قازاقستان العاش رەت الەمدىك ىرىمشىك جاساۋشىلار بايقاۋىنا ءوز ونىمدەرىن ۇسىناتىن بولادى, - دەدى ىرىمشىك دايىنداۋشى الەكساندرا گريگولوۆا.

وڭىر باسشىسى نۇرلان نوعاەۆ كاسىپورىننىڭ جەتىستىگى مەن ماڭعىستاۋ ىرىمشىك وندىرۋشىلەرىنىڭ الەۋەتى زور ەكەنىن اتاپ ءوتتى.

- ماڭعىستاۋدا وندىرىلەتىن قازاقستاندىق ىرىمشىكتەر جاقىن ارادا وتاندىق ەكسپورتتى دامىتۋدىڭ نەگىزگى درايۆەرى بولا الادى. سىزدەر حالىقارالىق دەڭگەيدەگى بايقاۋدا ەلىمىزدى تانىستىرۋ مۇمكىندىگىنە يە بولعانىڭىز قۋانتادى. سىزدەرگە ساتتىلىك تىلەي وتىرا, كاسىپكەرلەردىڭ باستامالارىن قولداۋعا ءارقاشان دايىن ەكەنىمىزدى ايتقىم كەلەدى - دەپ اتاپ ءوتتى نۇرلان نوعاەۆ.

فرانسۋزدىق le mondial du fromage بايقاۋى قىركۇيەك ايىنىڭ 10-12 ارالىعىندا تۋر قالاسىندا وتەدى. ەۋروپادا وتەتىن بۇل حالىقارالىق ءىس-شارا ءسۇت ونىمدەرىن شىعارۋشى كاسىپكەرلەردىڭ ءوز ونىمدەرىن ۇسىنا الاتىن جوعارى دەڭگەيدەگى الاڭ بولىپ تابىلادى.