فوتو: اياتجان احمەتجاننىڭ facebook پاراقشاسىنان
بىلىم سالاسى بويىنشا ساراپشى, ەلورداداعى ؛قايىم مۇحامەدحانوۆ اتىنداعى 90-گيمنازيانىڭ ديرەكتورى اياتجان احمەتجان ماجوريتارلىق تارتىپكە ساي, قالالىق ءماسليحات سايلاۋىنا كانديدات اتانۋ ءۇشىن قۇجات تاپسىرعانىن ءمالىم ەتتى. بۇل تۋرالى ول facebook پاراقشاسىندا جازدى.
؛
ساراپشى ءماسليحاتقا بارىپ, استانا دەڭگەيىندە ءبىلىم سالاسىنا, ۇلتتىق ماسەلەلەرگە, الەۋمەتتىك ماسەلەلەرگە بارىنشا اسەر ەتۋگە نيەتتى. سونداي-اق ول ءماجىلىس سايلاۋىنا ەمەس, ءماسليحاتقا تۇسۋگە بەل بايلاۋىنىن سەبەبىن ءتۇسىندىردى:
؛
"كۇلبىلتەلەمەي اشىعىن ايتايىق. سايلاۋ جاريالانعالى بەرى قالجىڭ-شىنى ارالاس ءار نارسەنى ايتىپ كەلەمىز. الەۋمەتتىك جەلىنىڭ ەموسياسىنا سەنسەك, ءۇمىت ارتاتىندار كوپ. ءبىراق الەۋمەتتىك جەلىدەگى ءار وڭىردە تۇراتىن قاۋىمنىڭ ءبارى موجاريتالدى جولمەن دوداعا تۇسەتىن كانديداتتىڭ سايلاۋشىسى ەمەس. ءار كانديداتتىڭ سايلاۋشىسى - ءوزى تۇسەتىن ءوڭىردىڭ حالقى. سوندىقتان الەۋمەتتىك جەلىدەگى لايىق پەن پىكىرگە ەمەس, شىنايى جاعدايعا تالداۋ جاساعان دۇرىس.
؛
&ldquo؛سايلاۋعا تۇسسەڭشى, پارلامەنتكە بارساڭشى&rdquo؛, - دەپ جەلىدە دە, ومىردە دە ايتىپ جاتقاندار كوپ. ارينە, سەنىم ارتقاسىن ايتادى. سەنىمدى اقتاۋ - اۋىر جۇك. سوندىقتان ناقتى شەشىمىمدى ايتايىن.
؛
كوپ ويلانا كەلە استانا قالاسى ءماسليحات دەپۋتاتتىعىنا كانديداتۋرامدى ۇسىندىم, ءوتىنىشىمدى جۇما كۇنى جازدىم. الدا كانديدات رەتىندە تىركەلگەندە تاعى حابارلايمىن.
نەگە قالالىق ءماسليحات, نەگە پارلامەنت ءماجىلىسى ەمەس؟
؛
سەبەبى, بىرىنشىدەن, استانانىڭ اتىنان ءتۇسىپ جاتقان پارلامەنتكە لايىقتى كانديداتتار كوپ. استانادان بەرىلگەن ەكى-اق ورىن, وعان مەن سىيلايتىن arman shorayev, sultan khan zhussip اعالارىمىز ءتۇسىپ جاتقاندا, ولارمەن تالاسقانىم, ولاردىڭ داۋىسىن ءبولىپ, ازايتۋعا ىقپال ەتكەنىم ابەستىك بولار.
؛
ەكىنشىدەن, ءوزىم مەكتەپ ديرەكتورلىعىنا ءۇش جىل ۋاقىتقا ۇلكەن ماقسات قويىپ كەلگەنمىن. قازىرگە ەكى جىل بولدى, ەندى ءبىر جىل ۋاقىتىم بار. سوندىقتان ورتا جولدان تاستاپ كەتۋ اتا-انا جانە قوعام الدىنداعى جاۋاپسىزدىق بولار. ۇلتتىق مەكتەپ جوباسىن تولىق اياقتاپ, ءبىراز تىرلىك ىستەپ كەتۋىم كەرەك. ال ءماسليحات دەپۋتاتتارى ءوزىنىڭ نەگىزگى جۇمىسىنان كەتپەيدى.
؛
ۇشىنشىدەن, ساياسي تاجىريبەمىز كەرەمەت ەمەس, بىزگە ءالى بۇل جاقتا ءوسۋ, تاجىريبە جيناۋ كەرەك. ال ءماسليحات سايلاۋىنا ءتۇسۋ, مۇمكىندىك بوپ جاتسا ءماسليحات دەپۋتاتى بولۋ - سول تاجىريبە جيناۋعا مۇمكىندىك.
؛
تورتىنشىدەن, ارينە, ول سايلاۋداعى ادىلدىك, مۇمكىندىك. ونى ويلاماي, باعامداماي مەن دەپۋتات بولامىن دەپ ايقايلاي بەرۋ اقىماقتىق بولار. پارلامەنتكە وتەتىنىمە سەنبەيمىن. ەندى ءماسليحاتقا مۇمكىندىك بار دەپ ويلايمىن.
؛
سوندىقتان بار مۇمكىندىكتەردى پايدالانا وتىرىپ, استانا دەڭگەيىندە ءبىلىم سالاسىنا, ۇلتتىق ماسەلەلەرگە, الەۋمەتتىك ماسەلەلەرگە بارىنشا اسەر ەتە الاتىنداي ءماسليحاتقا بارۋعا شەشىم قابىلدادىم.
؛
قالعان اڭگىمەنى رەسمي تىركەلىپ, كانديدات اتانعان سوڭ ۇگىت-ناسيحات كەزەڭى باستالعاندا ايتارمىز. ايتپەسە قازىرگە ارتىق اڭگىمە ايتىپ قويىپ زاڭسىزدىققا ۇرىنبايىق".
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر