![](/media/2023/01/23/c2948a11-c413-4e21-b369-4bb7dbf7d9b7.jpeg?width=600&height=480)
فوتو: سۇلتان حان اقۇلىنىڭ facebook پاراقشاسىنان
اليحانتانۋشى-عالىم سۇلتان حان اققۇلى 19 ناۋرىزدا بولاتىن ءماجىلىس سايلاۋىنا ءبىر مانداتتىق وكرۋگتەن تۇسۋگە بەل بايلاعانىن حابارلادى. عالىم بۇل تۋرالى facebook پاراقشاسىندا جەتكىزدى:
قۇرمەتتى دوستار, الاش ۇرپاعى!
مەن, سۇلتان حان اققۇلۇلى ءجۇسىپ, بۇگىن, 2023 جىلدىڭ 23 قاڭتارىندا, استانا بويىنشا № 1 ايماقتىق (وكرۋجنوي) سايلاۋ كوميسسياسىنا ءوزىمدى قر پارلامەنتى ءماجىلىسىنىڭ دەپۋتاتتىعىنا تاۋەلسىز ۇمىتكەر رەتىندە تىركەۋ تۋرالى ءوتىنىش تاپسىردىم.
الداعى كەزەكتى كەزەكتەن تىس سايلاۋ كەشەگى زۇلىمدىق يمپەرياسى (سسسر) مەن ادامزاتتىڭ, قازاقتىڭ قاس جاۋى - كوممۋنيستىك ديكتاتۋرادان بىزگە مۇرا بولىپ قالعان ەسكى دە جاڭا بيلىكتىڭ «؛ەستيتىن مەملەكەت»؛ جانە «؛جاڭا قازاقستان»؛ تۇرعىزامىز دەگەن ۋادەسىن ورىندايتىن-ورىندامايتىنىن ايقىندايدى دەگەن ويمەن, مەن سايلاۋعا ۇمىتكەر بولىپ قاتىسۋعا بەل بۋدىم.
اقوردا مەن ول تاعايىنداعان جەرگىلىكتى اكىمدەردىڭ سايلاۋ بارىسىنا زاڭسىز ارالاساتىنىنا, بۇرىنعىداي ورەسكەل بولماسا دا, اكىمشىلىك رەسۋرستى قوسىپ, سايلاۋ ناتيجەسىن بيلىكتىڭ قولىنان جەم جەگەن ۇمىتكەرلەر مەن بيلىك پارتيالارى تىزىمدەرىنىڭ ۇلەسىنە قاراي بۇرمالايتىنىنا ەش كۇمان جوق. ءبىراق بيلىك بۇقارا حالىقتىڭ 2019 جىلدىڭ ەرتە كوكتەمىنە دەيىنگى ۇركەك, قورقاق, جىگەرسىز توبىر ەمەس ەكەنىن ۇمىتپاۋى كەرەك. بۇل &ndash؛ ءوزى سايلاماعان بيلىككە قارسى شىققان بەيبىت نارازىلىعى 2011 جىلدىڭ جەلتوقسانىندا جاڭاوزەندە, 2022 جىلدىڭ قاڭتارىندا بۇكىل رەسپۋبليكادا اياۋسىز قانتوگىسپەن باسىپ-جانشىلعان حالىق.
يا, بەيبىت نارازىلىق اياۋسىز قانتوگىسپەن باسىپ-جانشىلدى, ءبىراق ودان حالىقتىڭ اسقاق, ازات رۋحى سۋ سەپكەندەي وشكەن جوق, باسىلعان جوق.
سايلاۋ ناتيجەسىن بۇرمالاۋ &ndash؛ ول بيلىكتى باسىپ الۋ مەن ۋزۋرپاسيالاۋ! ەندەشە ءبىز, حالىق, ەشكىمنىڭ بيلىكتى باسىپ الۋى مەن ۋزۋرپاسيالاۋىنا بۇرىنعىداي جول بەرمەۋىمىز كەرەك.
بيلىكتىڭ جالعىز كوزى &ndash؛ حالىق! - دەپ اتا زاڭىمىزدا ويىپ جازىلعان. ەندەشە ءوز بيلىگىمىزدى بۇرىنعىداي ۇستاعاننىڭ ۋىسىندا, تىستەگەننىڭ اۋىزىندا كەتە بەرۋىنە جول بەرمەيىك, ءوزىمىز قالاعانىمىزدى سايلايىق!
بىزدىڭ باقىتتى دا كەمەلدەنگەن بولاشاعىمىز, ەلىمىزدىڭ جەمقورلىقسىز, تامىر-تانىستىقسىز, ءرۋشىل-جۇزشىلسىز جانە كەلەشەككە الاڭداماي ادىمداپ دامۋىمىز بەن گۇلدەنۋىمىز ءوز قولىمىزدا!
بىزدىڭ تاعدىرىمىز &ndash؛ ءوز قولىمىزدا!
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر