• usd 468.56

  • eur 497.56

  • rub 7.3

  • cny 67.18

30 قاڭتار, 12:26:15
الماتى
-3°

جان تاڭاتار الەۋمەتتىك جەلىدە اعىلشىن ءتىلىن قازاقشا ۇيرەتەتىن ەكسپەرت رەتىندە تانىمال. «؛zhan academy»؛ ورتالىعىنىڭ نەگىزىن قالاۋشى. qamshy.kz اقپاراتتىق اگەنتتىگى حالىقارالىق دەڭگەيدەگى celta كوۋچ جان تاڭاتاردىڭ سۇحباتىن وقىرمان نازارىنا ۇسىنادى.

اعىلشىن تىلىنەن ساباق بەرۋىڭىزگە نە سەبەپ بولدى؟

بارلىعى «؛اۋىلدىڭ بالاسى وقيدى دەيسىڭ بە؟»؛ دەگەن سوزدەن باستالدى... وسىدان 5 جىل بۇرىن تالىمگەرىممەن بىرگە ينستاگرامداعى نىسانالى اۋديتوريانى انىقتاۋ ءۇشىن كەزدەستىك. مەنەن «؛كىمگە اعىلشىنشا ۇيرەتكىڭ كەلەدى؟»؛ دەپ سۇرادى. ءوزىم اۋىلدا تۋىپ-وسكەن سوڭ اۋىل بالالارىنا اعىلشىنشا ۇيرەتكىم كەلەتىنىن ايتتىم. تالىمگەرىم بولسا «؛وي, قويشى! اۋىلدىڭ بالالارى وقيدى دەيسىڭ بە؟!»؛ دەپ قولىن ءبىر سىلتەدى. ءبىرتۇرلى بولىپ, كوڭىلىمە الىپ قالدىم.

مەن جامبىل وبلىسى, مەركى اۋدانى, ءتاتتى اۋىلىندا ءتۋىپ-وستىم. قانشا جەردەن اۋىلدىڭ قىزى بولسام دا كىشكەنتايىمنان «؛امەريكاعا بارامىن, اعىلشىنشا سويلەيمىن»؛ دەپ ارماندادىم. سول سەبەپتى اۋىل بالالارىنىڭ دا ارماندارىن قۇنسىزداندىرۋعا بولمايدى دەگەن ويدا بولدىم. الايدا تالىمگەرىم ءبىرىنشى اقشانى ويلاۋ كەرەگىن, ال اۋىل بالالارى اعىلشىن ءتىلىن ۇيرەتەتىن كۋرستى ساتىپ الا المايتىنىن ايتىپ قويمادى. كەيىن نىسانالى اۋديتوريا مۇعالىمدەر بولسىن دەگەن ورتاق شەشىمگە كەلدىك.

mo

«؛اۋىلدىڭ قىزى»؛ دەپ شەتتەتىلگەن كەزىڭىز بولدى ما؟

اكە-شەشەمنىڭ قارجىسى جەتپەگەن سوڭ وقۋ كەزىندە الماتىداعى اپامنىڭ قولىندا تۇردىم. اپام «؛اۋىلدىڭ بالالارى قالانىڭ ءومىرىن كوتەرە الماي, بۇزىلىپ كەتەدى»؛ دەپ ويلاپ, ماعان ءتيىسىپ, تۇرتپەكتەي بەرەتىن. سول سەبەپتەن بە ەكەن ءوزىمدى قالادا جايسىز سەزىنەتىنمىن. كوشەگە شىقسام بارلىعى «؛مىنا قىز اۋىلدان كەلگەن»؛ دەپ ساۋساعىمەن مەنى كورسەتىپ تۇرعانداي كۇي كەشتىم.  ؛

اۋىلدان كەلگەن سوڭ ورىس تىلىنەن قينالدىم. ال اعىلشىن تىلىندە سويلەۋ ودان ون ەسە قيىن. اكەم «؛سەنى وقىتۋعا قاراجات جەتپەيدى»؛ دەپ اۋىلعا شاقىرسا دا ۋنيۆەرسيتەتكە وقۋعا ءتۇستىم. 4 جىل وقۋىمدى ءوزىم تولەدىم. ءبىراق وقۋدى اياقتاسام دا اعىلشىن تىلىندە ەركىن سويلەي المادىم. بۇل ؛&ndash؛ ماسەلە ءقازىر دە وزەكتى.

اعىلشىن ءتىلى ماماندىعىن اياقتاعاندار ەركىن سويلەي المايدى. بۇل &ndash؛ قازاقستانداعى جۇيەنىڭ ناتيجەسى. ۋنيۆەرسيتەتتە ستۋدەنتتىڭ دەڭگەيىن تەكسەرمەي, ءبارىن ءبىر جۇيەمەن وقىتادى. ەڭ باستىسى &ndash؛ ديپلوم الىپ شىعۋ. ءبىزدىڭ توپتاعى ستۋدەنتتىڭ 90%-ى اعىلشىنشا سويلەمەي ديپلوم السا, 10-ى اتا-اناسىنىڭ كومەگىمەن شەتەلگە بارىپ, قوسىمشا كۋرس وقىپ اعىلشىنشا سويلەدى. ءبىز سياقتىلار داياشى, بارمەن سەكىلدى قاراپايىم جالدامالى جۇمىستار ىستەيدى.

جان تاڭاتار

سىز اعىلشىن ءتىلىن قالاي مەڭگەرىپ الدىڭىز؟

بىراز ۋاقىت وتكەن سوڭ بالا كەزدەگى ارمانىم ەسكە ءتۇسىپ, مەكتەپكە ءمۇعالىم بولىپ جۇمىسقا تۇردىم. مەكتەپتە 10 جىل بويى جۇمىس ىستەپ كەلە جاتقان مۇعالىمدەردىڭ دە اعىلشىنشا سويلەي المايتىنىن كورىپ تاڭعالدىم. ءبىراق مەن ولاردىڭ جولىمەن جۇرگىم كەلمەدى. وسىلايشا, 1 جىلدان سوڭ مەكتەپتەگى جۇمىستان شىقتىم.

بىر جىل ۋاقىتىم تەككە كەتپەدى. سەبەبى وزىمە اعىلشىن ءتىلى ۇنايتىنىن, باسقالارعا ءتىل ۇيرەتۋدەن راحاتتاناتىنىمدى ءتۇسىندىم. ءتىل ۇيرەنۋدى جالعاستىرىپ, شەتەلدىك مامانداردان ءدارىس الا باستادىم. 2016 جىلدىڭ وزىندە اعىلشىن ماماندارى 25 مىڭ تەڭگەگە وقىتاتىن. سول جىلدارى جولداسىمنىڭ قولداۋىن قاتتى سەزىندىم. 150 مىڭ تەڭگە نەسيە الىپ, اعىلشىن ءتىلىن ۇيرەنۋگە كىرىستىم. ۋاقىت وتە كەلە ونلاين تۇردە ءبىلىم الۋدى جالعاستىردىم, ءتۇرلى مەتوديكالارمەن تانىستىم.

تاجىريبەم جوعارى جانە قولداناتىن مەتوديكام ءتيىمدى بولعان سوڭ 2018 جىلدارى مەنى كوپتەگەن وقۋ ورتالىقتارى شاقىرىپ, داۋلەتتى وتباسىنىڭ بالالارىنا اعىلشىنشا ۇيرەتە باستادىم.

بىردە سونداي وقۋشىمنىڭ اناسى «؛سىزگە راقمەت! قىزىم امەريكاعا وقۋعا ءتۇستى. شەتەلدىكتەر ۇستازى كىم ەكەنىن سۇراپ, ماقتاپ جاتىر»؛ دەپ حابارلاسقان كەزدە قاتتى قۋاندىم.

جان تاڭاتار

قازىرگى بالالاردى قانداي مەتوديكا قىزىقتىرادى؟

«؛mini story»؛ دەگەن مەتوديكام بار. حوكك ەسىمدى امەريكالىق ۇستازىمنان ۇيرەندىم. قاراپايىم عانا وقيعا جەلىسى ارقىلى ساباق ءتۇسىندىرۋ ماعان قاتتى ۇنادى. ويلانا كەلە «؛نەگە ايۋدىڭ قۇيرىعى شولاق؟»؛ دەگەن سەكىلدى قازاق ەرتەگىلەرىن اۋدارىپ, جۇيەلەپ شىقتىم. 20 وقيعا جازىپ شىقتىق. وقيعا ارقىلى ەرەجەلەردى تۇسىندىرسەك, ادام تەز ەستە ساقتاپ قالادى. ءتىپتى وقيعانى قايتالاپ ايتىپ بەرىپ, اعىلشىنشا سويلەي الاتىنىنا تاڭعالىپ جاتقان شاكىرتتەرىم كوپ. وقيعا سوڭىندا ءتۇيىن ياعني مورال بار. ءار وقۋشى وقيعاعا قاتىستى ويىن ورتاعا سالادى.

الەۋمەتتىك جەلىدە امەريكالىق celta باعدارلاماسىمەن ءبىلىم العانىڭىزدى جازىپسىز. وسى باعدارلاما تۋرالى تولىعىراق ايتىپ وتسەڭىز.

celta &ndash؛ اعىلشىن تىلىندە ساباق بەرەتىن مۇعالىمدەرگە ارنالعان كۋرس. پاندەميا كەزىندە 850 مىڭ تەڭگەگە وقىدىم. قازىرگى باعاسى 1,5 ميلليونداي. ءبىراق اقشا تولەپ قاتىسا سالاتىن كۋرس ەمەس. ارنايى ىرىكتەۋدەن وتتىك. العاشىندا انگلياعا بارىپ وقىعىم كەلدى. الايدا ول جاقتا ونلاين بولعان سوڭ ىستامبۇلعا باردىم. celta-عا قاتىسۋ ءۇشىن 3 بولىمنەن تۇراتىن سىناقتان ءوتتىم: تەست تاپسىرۋ, ەسسە جازۋ جانە ينتەرۆيۋدەن ءوتۋ.

مەنىمەن بىرگە سامانتا ەسىمدى امەريكالىق وقىدى. ول تۋعان ءتىلىن قانشا جەردەن جاقسى بىلسە دە تەستتەن قۇلادى. ءبىز, مىسالى, قازاقشا جاقسى سويلەسەك تە ەرەجەلەردى باسقالارعا جوندەپ تۇسىندىرە المايمىز عوي؟! سول كەزدە كەز كەلگەن اعىلشىننان ساباق الا بەرۋگە بولمايتىنىن ءتۇسىندىم.

پراكتيكا كەزىندە تۇرىك بالالارعا اعىلشىن ءتىلىن ۇيرەتتىك. ءار دەڭگەي بويىنشا الدىمىزعا وقۋشىلار كەلدى. ولار اعىلشىنشا تۇسىنبەيدى, ال ءبىز تۇرىكشە بىلمەيمىز. ءبىراق ساباقتى ءتۇسىندىرىپ, اقپاراتتى جەتكىزە الۋ &ndash؛ شارت. وسىنداي بىرنەشە باقىلاۋ بولادى. ۇشەۋىنەن قۇلاعان ادامعا سەرتيفيكات بەرىلمەيدى. ءبىزدىڭ توپتاعى يراندىق جىگىت ساباقتىڭ سوڭى تاياپ قالعاندا قۇلاپ, سەرتيفيكاتىن الا المادى.

جان تاڭاتار

العاشىندا اۋىل بالالارىنا اعىلشىنشا ۇيرەتۋدى ارماندايتىنىڭىزدى ايتقان ەدىڭىز. سول ارمانىڭىز ورىندالدى ما؟

الماتىداعى وقۋ ورتالىعىن اشقان كەزدە ىشتەي بىرنارسە جەتىسپەيتىندەي بولىپ كورىنەتىن. 1 ملن, 2 ملن تەڭگە اقشا اينالىمىن جاساساق تا جايسىزدىقتى سەزىندىم. الماتىنىڭ ءبىر بۇرىشىندا وتىرىپ, تەك سول جاقتا تۇراتىنداردى وقىتۋدى قالامادىم.

سول سەبەپتى 2020 جىلى ونلاين ءبىلىم بەرۋدى قولعا الدىم. اۋىلدىڭ بالاسىن وقىتۋ ءۇشىن ءبىرىنشى ءمۇعالىم تاربيەلەۋىم كەرەگىن ءتۇسىندىم. ءقازىر شاكىرتتەرىمنىڭ 80 %-ى &ndash؛ مۇعالىمدەر. ەڭ قىزىعى, كوبى اۋىلدىق, اۋداندىق مەكتەپتەردە ءمۇعالىم بولىپ جۇرگەندەر. دەمەك اۋىل بالالارىنا اعىلشىن ءتىلىن ۇيرەتەمىن دەگەن ويىم ىسكە استى.

اسەل بولاتقىزى

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر