26 قىركۇيەك, 2022 news
فوتو: ۇقك ءباسپاسوز قىزمەتى
قازاقستان شەكاراسىنان زاڭسىز وتپەك بولعان رەسەي ازاماتتارى ۇستالدى, - دەپ حابارلايدى ؛قر ۇقك ءباسپاسوز قىزمەتى. ؛
"2022 جىلعى 25 قىركۇيەكتە شەكارا قىزمەتى قوستاناي وبلىسى بويىنشا دەپارتامەنتىنە قاراستى "توبىل" بولىمشەسىنىڭ شەكارا ناريادى جۇمىس ىستەپ تۇرعان وتكىزۋ پۋنكتتەرىن اينالىپ ءوتىپ, شەكارا بۇزباقشى بولعان رەسەي فەدەراسياسىنىڭ ءۇش ازاماتىن ۇستادى", - دەپ حابارلادى ۆەدومستۆونىڭ ءباسپاسوز قىزمەتى.
شەكارا بۇزۋشىلار ءوز ارەكەتتەرىن رەسەيدە جۇرگىزىلىپ جاتقان ءىشىنارا جۇمىلدىرۋدان قاشپاق بولعاندارىمەن ءتۇسىندىردى.
"ۇستالعاندارعا قاتىستى ودان ءارى جاۋاپ الۋ ءىس-شارالارى جۇرگىزىلۋدە, ونىڭ ناتيجەسىندە اتالعان ادامدار رەسەيلىك تاراپقا بەرىلەدى. قازاقستاننىڭ شەكارالىق قاۋىپسىزدىگىن سەنىمدى قامتاماسىز ەتۋ ماقساتىندا شەكارا كۇزەتى مەن وتكىزۋ پۋنكتتەرى بولىمشەلەرى كۇشەيتىلگەن رەجيمدە جۇمىس ىستەيتىنىن ەسكە سالامىز", - دەلىنگەن حابارلامادا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر