19 شىلدە, 2019
قازاق مەنتاليتەتى مەن كايدزەن جۇيەسىنىڭ نەگىزدىك ۇقساستىعى
ء
الميساقتان قازاقتىڭ تەكتىلىك تەورياسى عىلىمنىڭ سان سالاسىنىڭ الدىن وراپ كەتكەنى امبەگە ايان. اعا مەن بالا, جەزدە مەن بالدىز, ۇل مەن اكە قارىم-قاتىناستارى ەشقانداي زەرتتەۋدى قاجەت ەتپەيتىن, قانمەن دارىپ, جاتىردا قالىپتاسقان بىرىزدىلىك.
قازاقتا «؛جاۋاپكەرشىلىك»؛ دەگەن جۇگى التى اتانعا اۋىر تۇسەتىن ءسوز بار. وسى قۇدىرەت ەل باسقارعان ادامعا, ءسوز ايتاتىن كىسىگە دارىسا, ەلگە قۇت. ال جاۋاپكەرشىلىك جالپى قازاقتىڭ بويىنداعى قاسيەت. اقساقالىنىڭ ءبىر اۋىز ءسوزى ەلدى, كەيۋاناسىنىڭ ءبىر اۋىز ءسوزى كەلىندى تاربيەلەگەن ۇلتتىڭ ءتارتىپ, قوعامدىق ءھام وتباسىلىق قۇرىلىمدىق جۇيەسى ەشقانداي جۇيەگە قاعاز بەتىندە نەگىزدەلمەسە دە, وتە تياناقتى ءارى عاسىرلار مەجەسىندە قالىپتاسۋ كەزەڭىنەن وتكەن ءبىرىزدى دۇنيە.
«؛تويوتا»؛ كومپانياسىنىڭ تاريحىن ايداي الەمگە جاريا ەتىپ, كۇللى دۇنيەگە ءموشھۇر ەتىپ جۇرگەن كايدزەن جۇيەسىنىڭ كەي العىشارتتارى, قاعيداتتارى قازاقتىڭ قانىنا باياعىدان ءسىڭىپ كەتكەن.
وزىڭنىڭ جۇمىسىڭدى ءسۇيۋ, جۇمىس ورىنىڭدى جانە بىلىكتىلىگىڭدى دامىتۋ, كاسىبي شەبەرلىگىڭدى ارتتىرۋ دەگەندەي نارسەلەر قازاقتىڭ «؛ۇيات»؛ دەگەن ءبىر سوزىندە جاتىر.
قازاق &ndash؛ كاسپيي مەن التايدىڭ اراسىن ەن جايلاعان كوشپەندى ءھام اردا حالىق. بايگە شاپقان, جۇيرىك جاراتىپ, سىلاڭداتىپ جورعا مىنگەن ەلدىڭ ىشىندە جىگىتتىك باسەكەگە كوپ تۇسەتىن-دى. بىردە بەلدەسىپ, بىردە قامشىلاسىپ, كەيدە دويىر سالىسىپ, بولماسا كوكپار تارتىسىپ جۇرەتىن ەلدە جىگىتتىك كۇش پەن شەشەندىك, سىمبات پەن مىنەز اسا جوعارى باعالانادى.
تاقىرىپقا ورالايىق. ءالقيسسا, كايدزەن جۇيەسىنىڭ نەگىزگى ساعاسى وندىرىسكە, ءوندىرىستىڭ جۇمىسىن ىلگەرىلەتۋگە باعىتتالعان. كەيىن ۋاقىت وتە كەلە جەكە ادام دا پايدالانا الادى دەپ جاريا ەتىپ, ءتۇرلى كىتاپتار باسىپ شىعارىپ كەلەدى. راسىندا, ۋاقىت پەن كۇشتى ۇنەمدەۋگە, جىلدامدىقتى ارتتىرۋعا, كاسىبي شەبەرلىگىڭدى ۇشتاۋعا تاپتىرمايتىن, زامان تالابىنداعى سۇرانىستى قاناعاتتاندىرا الاتىن جوبا دەپ اۋىز تولتىرىپ ايتۋعا ابدەن بولادى.
قازاقتا ۇل مەن اكەنىڭ, اعا مەن ءىنىنىڭ قارىم-قاتىناسىندا قاس-قاباق باعۋ, ءبىر اۋىز ءسوزدىڭ توركىنىن ۇعىپ ايشىلىق جولعا اتتانىپ كەتە بەرۋ دەگەندەي تاماشا قاسيەتتەر بارشىلىق. مىنە, ءبىز ايتقالى وتىرعان نەگىزدىك ۇقساستىق وسى تۇستان كورىنىس بەرەدى. بالا مۇرتى ەندى تەبىندەگەن جاس جىگىت پەن ونىڭ ءبىرلى-جارىم ۇزەڭگىلەسىنە تاۋ شاتقالىندا قار استىنان قىلتيعان كوكتى جۇلىپ, شىبىنسىز جازدا قوڭ جيناپ جۇرگەن كۇرەڭ قاسقا ايعىردىڭ ءۇيىرىن تومەنگە ايداپ ءتۇس دەگەن تاپسىرما بەرىلسە, جىگىتتە شەگىنەر جول جوق. ويتكەنى, وعان جاۋاپكەرشىلىك ارتىلدى.
ەتەگىنە سۇرىنە ءجۇرىپ اناسى سىقاي تولتىرىپ بەرگەن قورجىندى ەردەن اسىرا تاستايدى دا, باسىنا ورامالىن شارت ءتۇيىپ تارتىپ كەتە بەرەدى. ءارى قاراي ول اكەسىنە, نە اعاسىنا تەك ءۇيىردى ايداپ الىپ كەلۋ كەرەك. قالاي ەكەنى وزىنە عانا ايان.
كايدزەن دە تاپ وسىلاي. باسشىلىق تاراپتان تاپسىرما بەرىلەدى. قىزمەتكەر ءوزىنىڭ كاسىبيلىگىن كورسەتىپ, تاپسىرمانى بەلگىلەنگەن ۋاقىتتان ەرتە ءارى ساپالى ەتىپ تىندىرۋعا تىرىسۋ قاجەت.
جاپوننىڭ «؛ۇزدىكسىز دامۋ»؛ دەگەن ماعىناعا ساياتىن كايدزەنى مەن قازاقتىڭ ساقالىنا اق ارالاسقان اقساقالىنىڭ الدىندا ۇياتتى بولماۋ &ndash؛ نەگىزدىك فيلاسوفياسى جاعىنان بىر-بىرىنە وتە جاقىن ۇعىمدار.
قازىرگى كۇنى الماتى قالاسىندا «؛كايدزەن»؛ ورتالىعى جۇمىس جاساپ تۇر. قۇمار مۇساەۆ باستاعان ۇجىمنىڭ وسىنداي قاندا بار ىزگى قاسيەتتى وياتۋعا جۇمىس جاساپ جاتقانى قۋانتادى. وتاندىق ءوندىرىس ورىندارى مەن كومپانيالار كايدزەن جۇيەسىن ىشكەرىلەندىرىپ, ۋاقىت پەن ساپا جاعىنان ءسات ساناپ ىلگەرىلەپ بارادى.
نەگە كايدزەن قازاققا تەز سىڭەدى؟
بۇل سۇراقتىڭ جاۋابى سول جاپون مەن قازاق ساناسىنداعى ءبىر تەتىكتىڭ ۇقساس بولۋىنان. ءوزىڭدى سىيلاۋ, ءوزىڭنىڭ ابىرويىڭدى سىيلاۋ, اكەنىڭ بەدەلىن قۇرمەتتەۋ, قىزمەتىڭدە ۇزدىك بولۋ دەگەن كريتەرييلەر دالەل بولسا كەرەك.
قازاقتىڭ قانىندا بار قاسيەتكە جاپوننىڭ جۇيەلەنگەن كايدزەنى قوسىلسا, قازاقتان ارتىق ىسكەر ءھام العىر حالىق كەمدە-كەم.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر