17 ءساۋىر, 2024 news
تۇركىستاننان تاسقىنعا كومەك جىبەرىپ جاتقاندا مەرت بولعان ازامات جەرلەندى
تۇركىستان وبلىسىنىڭ تۇرعىنى قايىربەك الىمبەكۇلىنىڭ ارتىندا جارى مەن 7 بالاسى, مۇگەدەك ءىنىسى قالعان. بۇل تۋرالى جۋرناليست دياس نۇراقىن جازدى.
فوتو: اشىق دەرەككوزدەن
جۋرناليستكە كەلگەن حاتتا:
"13.04 كۇنى اتىراۋعا كومەككە اتتانعالى جاتقان باۋىرىمىز "حوۆو" جۇك كولىگىن ۆاگونعا ارتىپ جاتقاندا وقىستان كولىك دوڭعالاعى ۆاگوننان تايىپ كەتىپ, ءوز كولىگىنىڭ استىندا قالىپ قويىپ, 7 بالانىڭ اكەسى 37 جاستاعى قوسپانوۆ قايىربەك الىمبەكۇلى دەگەن باۋىرىمىز مارقۇم بولدى. بالا كۇنىمنەن بىرگە وسكەن ءارى كورشىم, ءارى دوسىم ەدى. وتە مەيىرىمدى كىمگە كومەك قاجەت بولسا, قول ۇشىن سوزۋعا اسىعىپ تۇراتىن ازامات. سوڭعى ءىس ارەكەتى دە ەلى ءۇشىن كومەككە اسىعۋ بولىپتى. كومەككە اتتانار الدىن وتە قۋانىشتى حالدە بولىپ ءجۇر ەدى, جاقسى تىلەكتەر ايتىپ شىعارىپ سالىپ ەدىك, امال نەشىك جەتە المادى", - دەپ جازىلعان. ؛
ىنتالى اۋىلىنىڭ تۇرعىنى قايىربەك الىمبەكۇلىن جەرلەۋ راسىمىندە مارقۇمنىڭ جولداسى سارا 7 بالامەن جەسىر قالعانىن ايتادى.
"بۇگىن جەرلەدىك. قولىمدا ەكى قاينىم بار. بىرەۋى ءۇشىنشى توپتاعى مۇگەدەك. بالالارىمنىڭ ۇلكەنى - 16 جاستا. 10-سىنىپتا وقيدى. ال ەڭ كەنجەم ؛ - 2 جاستا", - دەدى.
قازىرگى ۋاقىتتا جەرگىلىكتى جۋرناليستەر وتباسىنا ارنالعان قور اشىپ, قارجىلاي كومەك كورسەتۋدە.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر