"؛جالاڭ اياق, جىلاپ تۇر"؛. الماتىدا مەدرەسەدەن قاشىپ شىققان ءجاسوسپىرىم اۋرۋحاناعا ءتۇستى

«؛الدىمنان ءبىر ءجاسوسپىرىم شىعا كەلدى. جالاڭاياق جىلاپ تۇر. قورىققانىنان كولىكتىڭ ارتىنا تىعىلىپ قالدى. نە بولعانىن سۇرادىم. ول ماعان سوققىعا جىعىلعانىن ايتتى»؛, دەيدى وقيعا كۋاگەرى ابزال شاكەنوۆ الماتى تەلەارناسىنا بەرگەن سۇقباتىندا.

سول اراداعى بار ادام بالاعا كومەك بەرىپ, ءمان-جايدى پوليسەيگە حابارلاپتى. ال جەتكىنشەكتىڭ ءوزى اۋرۋحاناعا جەتكىزىلگەن. دارىگەرلەر سوققىدان ونىڭ ميى شايقالعانىن انىقتادى.

اۋرۋحانادا جاتقان بالا وقيعانىڭ ءمان-جايىن بۇگە-شۇگەسىنە دەيىن ايتىپ بەردى. ول وقيعاعا دەيىن دە ءوزىن ناشار سەزىنگەن. ءبىراق مەكەمە قىزمەتكەرلەرى ونىڭ ءسوزىن ەلەمەپتى. «؛وقىماۋ ءۇشىن ويلاپ تاپقان سىلتاۋىڭ»؛ دەپ جەتكىنشەكتىڭ سوزىنە سەنبەي, كيكىلجىڭ شىعارعان.

«؛مەن وقىمايمىن, كەتەمىن»؛ دەسە, ۇستازى «؛بار كەتە بەر, قايدا كەتەسىڭ؟»؛ دەگەن. ول جۇگىرىپ بارا جاتقان كەزدە, ۇستاپ قالىپ, بەتىنەن ۇرعان. بالانىڭ پسيحيكاسىنا دا اسەر ەتىپ تۇر. بالا شارشادى. شىنىن ايتقاندا, بەتى-اۋزىنىڭ ءبارى ءىسىپ تۇر»؛, دەدى بالانىڭ اناسى نازيرا اسىلبەكوۆا.

بيىك قورشاۋ, ۇلكەن عيمارات ىشىنەن شىققان وسى شۋدان كەيىن پوليسەيلەر ءمان-جايدى انىقتاۋعا كىرىستى.

«؛قازىرگى تاڭدا دەنە جاراقاتىنىڭ اۋىرلىق دەڭگەيىن انىقتاۋ ماقساتىندا سوت-مەديسينالىق ساراپتاما تاعايىندالدى. ساراپتاما قورىتىندىسى شىققان ساتتە ءىس ماتەريالدارى سوتقا جىبەرىلەدى»؛, دەدى قالالىق پد-نىڭ رەسمي وكىلى سالتانات ازىربەك.

ايتا كەتەيىك, بۇل پانسيوناتقا قاتىستى العاشقى داۋ ەمەس. قايىرىمدىلىق مەكەمەسى كۇدىكتى ارەكەتىمەن بۇعان دەيىن دە بىرنەشە رەت كوزگە تۇسكەن. بىلتىرعى قاڭتاردا ولارعا ءتارتىپ ساقشىلارى اۋقىمدى تەكسەرىس جۇرگىزىپ, وقيعا ورنىنان قازاقستاندا تىيىم سالىنعان ءدىني ادەبيەتتەر تابىلعانىن مالىمدەدى. سول كەزدە دە مەكەمەدە بالالارعا ءتۇرلى قىسىم كورسەتىلگەنى ايتىلعان بولاتىن. قۇزىرلى ورگانداعىلار دەرەگىنشە, مۇنداي پانسيوناتتار الماتىدا عانا ەمەس, ەلدىڭ وزگە وڭىرىندە دە بار. جالپى سانى 90-نان اسادى. بارلىعى ءبىر قايىرىمدىلىق قورىنا قارايدى. بۇگىندە سول قاۋىمداستىقتىڭ قىزمەتى سوت شەشىمىمەن توقتاتىلعان, الايدا ۇكىم زاڭدى كۇشىنە ەنبەگەن. سەبەبى باسى داۋعا قالعانداردىڭ اپپەلياسيالىق شاعىم تۇسىرۋگە ءالى قۇقىعى بار.