06 ناۋرىز, 2024 news
فوتو: baribar.kz
2023 جىلى ۇلىبريتانيادا ەگىن جيناۋمەن اينالىساتىن بارلىق ماۋسىمدىق جۇمىسشىلاردىڭ تورتتەن ءبىر بولىگى ورتالىق ازيا ەلدەرىنەن كەلگەن, دەپ حابارلادى ؛inbusiness.kz سايتى.
باسىلىم مالىمەتىنشە, ازاماتتار اراسىندا ماۋسىمدىق جۇمىستىڭ تانىمالدىعى ەكسپونەنسيالدى تۇردە ءوسىپ جاتىر. ولاردىڭ بارلىعى ۇلىبريتانياعا ماۋسىمدىق اۋىلشارۋاشىلىق جۇمىستارى ءۇشىن seasonal worker visa مەملەكەتتىك باعدارلاماسى بويىنشا بارعان.
ۇلىبريتانيا ەلشىلىگىنىڭ رەسمي ستاتيستيكاسىنا سايكەس, 2022 جىلى قازاقستاندىقتاردان اعىلشىن فەرمالارىندا جۇمىسقا ورنالاسۋ ءۇشىن 2711 ءوتىنىم, ال 2023 جىلى 3994 ءوتىنىم بەرىلگەن.
2019 جىلعا دەيىن ۇلىبريتانياداعى ماۋسىمدىق جۇمىستاردا ؛بولگاريا, رۋمىنيا, پولشا سەكىلدى ؛شىعىس ەۋروپا ەلدەرى ازاماتتارىنىڭ ۇلەسى باسىم بولىپ كەلسە, ؛2020 جىلدان باستاپ ماۋسىمدىق جۇمىسشىلاردىڭ كوپشىلىگى ۋكراينادان, رەسەي مەن بەلارۋستەن كەلە باستاعان.
انگليا مەن ۋەلس ۇلتتىق فەرمەرلەر وداعىنىڭ مالىمەتىنشە, ۇلىبريتانيانىڭ اگرارلىق سەكتورىندا بارلىعى 471 مىڭعا جۋىق ادام جۇمىسپەن قامتىلعان, ولاردىڭ 58 مىڭى ەگىن جيناۋ ۋاقىتىندا عانا قاجەت.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر