• usd 468.56

  • eur 497.56

  • rub 7.3

  • cny 67.18

14 شىلدە, 00:28:19
+35°

27 اقپان, 2024 ەكونوميكا

qarmet-كە جۇرگىزىلگەن اۋديت: حالىقارالىق ساراپشىلار 2021 جىلعى تراگەديانىڭ سەبەبىن اتادى

باسقارۋشىلىق كونسالتينگكە ماماندانعان حالىقارالىق boston consulting group كومپانياسى 2023 جىلدىڭ جەلتوقسان ايىنان باستاپ qarmet-تە كومىر وندىرىسىنە اۋديت جۇرگىزدى.

اشىق دەرەككوزدەن الىندى

بۇگىندەرى boston consulting group كەنشىلەردىڭ جۇمىس جاعدايلارىنا جۇرگىزگەن سول اۋديت قورىتىندىسىن شىعاردى, دەپ حابارلايدى qamshy.kz كاسىپورىننىڭ ءباسپاسوز قىزمەتىنە سىلتەمە جاساپ.

كومىر دەپارتامەنتىنىڭ قىزمەتىنە جۇرگىزىلگەن زەرتتەۋ-زەردەلەۋ ناتيجەسىندە 2021 جىلدان باستاپ شاحتالارداعى بولعان قايعىلى جاعدايلاردىڭ 95%-نا كەن ورنىنداعى جارىلىستار, ءورت پەن گاز تارالۋى سەبەپ بولعان.

كاسىپورىندى جاڭعىرتۋ بويىنشا كەشەندى جۇمىستى جۇرگىزۋ ۇسىنىلدى. ول جۇيەنى بارلىق نىسانداردا ورناتۋدان باستاۋ قاجەت. جۇيەلەردى باسقارۋ ءۇشىن ءوندىرىس دەرەكتەرىن شوعىرلاندىرۋ تيىمدىلىگىن ارتتىرۋعا جانە گەوكەڭىستىكتەر سياقتى سىرتقى فاكتورلارعا جاۋاپ بەرۋدى جەدەلدەتۋگە مۇمكىندىك بەرەتىن ورتالىق ديسپەچەرلىك قىزمەتتى قۇرۋ ۇسىنىلادى.

ەسكەرتپەلەردىڭ قاتارىنا بۇعان دەيىنگى جىلدارى وزەكتىلىگى جوق تەحنولوگيالىق جابدىقتاردى ساتىپ الۋعا باعىتتالعان ءتيىمسىز ينۆەستيسيالاۋ, شاحتالاردا ەڭبەك جاعدايلارىنىڭ ءبىرىڭعاي ستاندارتىنىڭ بولماۋى جانە ت.ب. كىردى.

"bcg ءاۋديتىنىڭ قورىتىندىلارىن نازارعا الا وتىرىپ, qarmet اكسيونەرى اندرەي لاۆرەنتەۆتىڭ تاپسىرماسى بويىنشا كومىر دەپارتامەنتىندە 2028 جىلعا دەيىن جاڭعىرتۋدىڭ ەگجەي-تەگجەيلى كەشەندى ءىس-قيمىل جوسپارىن ايقىنداۋ بويىنشا بىرلەسكەن جۇمىس توبى قۇرىلدى", دەلىنگەن حابارلامادا.

اۋقىمدى ناۋقاننىڭ نەگىزى ماقساتى ەڭبەك ونىمدىلىگى مەن قاۋىپسىزدىگىن ارتتىرۋ ءۇشىن ۇزدىك حالىقارالىق تاجىريبەلەردى ەنگىزۋ بولماق.

ايتا كەتسەك, 2023 جىلدىڭ قازان ايىندا 46 ادامنىڭ ءومىرىن قيعان "ارسەلورميتتال تەمىرتاۋ" شاحتاسىندا ەڭ ءىرى اپات بولدى. بۇعان دەيىن 2006 جىلى لەنين اتىنداعى شاحتادا ءىرى اپات بولىپ, ول كەزدە 41 كەنشى توپىراق جاستانعان ەدى. وسىدان كەيىن ۇكىمەت شەتەلدىك ينۆەستورمەن اراداعى كەلىسىمشارتتى بۇزۋعا ءماجبۇر بولدى. كوپ ۇزاماي اكسيونەرلىك قوعامعا جاڭا ينۆەستور كەلدى. ول كاسىپكەر اندرەي لاۆرەنتەۆ بولدى. ديرەكتورلار كەڭەسىنىڭ ءتوراعاسى جانە اكسيونەرى لاۆرەنتەۆ بولىپ تابىلاتىن allur كومپانيالار توبى كاسىپورىننىڭ بارلىق بولىمشەسىن ءوز قاراماعىنا الدى. جاڭا قوجايىن كومپانيانىڭ بۇرىنعى اتاۋى &ndash؛ ءqarmet-تى قالپىنا كەلتىردى.  ؛

لاۆرەنتەۆ forbes نۇسقاسى بويىنشا قازاقستانداعى ەڭ ىقپالدى 50 كاسىپكەر تىزىمىندە 26-شى ورىندا تۇر.

كامشات تىلەۋحانقىزى

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر