• usd 468.56

  • eur 497.56

  • rub 7.3

  • cny 67.18

21 اقپان, 16:55:04
الماتى
+35°

الماتى اكىمى ەربولات دوساەۆ حالىقپەن كەزدەسۋ بارىسىندا coca-cola جارناماسى ءۇشىن وشىرىلگەن قار بارىسى مۋرالىنا قاتىستى جاقىندا بولعان جانجالعا پىكىر ءبىلدىردى.

دوساەۆ مۋرالدارعا رەسمي مارتەبە بەرىلمەسە, ماسەلە شەشىلمەيتىنىن قاداپ ايتتى.

قازىرگى ۋاقىتتا الماتى قالاسىنىڭ جوبالىق كودەكسى پىسىقتالۋدا, وندا مۋرالدار ءبولىنىپ, جارنامانى ورنالاستىرۋ مەن وزگەرتۋگە قاتىستى ماسەلەلەردى ساۋلەت جانە قالا قۇرىلىسى باسقارماسىمەن كەلىسۋ قاجەتتىگى كورسەتىلگەن.

«؛وكىنىشكە قاراي, coca-cola جارناماسىنا قاتىستى وقيعا ميب جۇمىسىنىڭ سالدارىنان بولدى - وكىلدەر كەلىسىمگە قول قويىپ, قوسىمشا 1,5-2 ميلليون تەڭگە العان. ال كومپانيا ءبۇيىر قابىرعاعا «؛بۇل بىزدىكى»؛ دەپ جارناما ءىلىپ قويعان . جانە بۇل - دۇرىس, ويتكەنى بۇگىنگى مۋرالدارمەن نە ىستەۋگە بولاتىنى تۋرالى ناقتى ەرەجەلەر جوق. قالادا ءارتۇرلى قابىرعا سۋرەتتەرى بار: قورعاۋدى قاجەت ەتەتىن ونەر تۋىندىلارى جانە ءارتۇرلى سەبەپتەرمەن ءبىر ۋاقىتتا پايدا بولعاندارى دا جەتەدى. ولار قالانىڭ ءسانى ەمەس. وڭىرلەر بويىنشا قابىرعا سۋرەتتەرىنىڭ ءتىزىمىن جاساپ, شەشەمىز. مۋرالداردى زاڭداستىرۋ كەرەك. قالامىزداعى عيماراتتاردىڭ قاڭىراپ بوس تۇرعان سۇر قابىرعالارىن تولتىرۋ ءۇشىن ءبىز سۋرەتشىلەرمەن جۇمىس ىستەيمىز»؛, - دەدى دواسەۆ.

ەسكە سالايىق, بۇعان دەيىن الماتىلىقتار قار بارىسى بار قابىرعا سۋرەتىن وشىرگەنى ءۇشىن نارازى بولعان ەدى. ونىڭ ورنىنا coca-cola جارناماسى پايدا بولىپ, الەۋمەتتىك جەلىلەردە سىن تۋدىردى.

كەيىنىرەك coca-cola كومپانياسى جارناما ءۇشىن باسقا ءۇيدىڭ قابىرعاسى تاڭدالعانىن, ءبىراق تۇرعىنداردان قاجەتتى كەلىسىمدى الۋ مۇمكىن بولماعانىن ايتتى.

سودان كەيىن بالاما رەتىندە مەنشىك يەلەرى بىرلەستىگى رۇقساتىمەن قار بارىسى بار قابىرعا ۇسىنىلعان.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر