فوتو: اشىق دەرەككوز
ulysmedia.kz سايتىنا كيبەرشابۋىل جاسالدى. بۇل تۋرالى جۋرناليست ۆاديم بورەيكا ءوزىنىڭ فەيسبۋك پاراقشاسىندا حابارلادى. ؛
"بىر ساعات بۇرىن سايتىمدى بۇزىپ, بالالارىمنىڭ, وتباسىمنىڭ جانە مەنىڭ جەكە مالىمەتتەرىم مەن فوتولارىمدى جاريالاپ تاستادى. ءقازىر سايت ىستەمەي تۇر" دەگەن سايتتىڭ باس رەداكتورى سامال يبراەۆا بورەيكاعا جازعان حابارلاماسىندا.
يبراەۆا وردا, ؛ulysmedia جانە elmedia سايتتارىنا جارتى جىلدان بەرى شابۋىل جاسالىپ كەلە جاتقانىنا ۇقكنازار اۋدارماي وتىرعانىنا تاڭ. ؛
"ولار بىرنەشە باق-قا شابۋىل جاساساق باسقالارى دا قورقىپ, ءۇنسىز قالادى دەگەن پرينسيپپەن جۇمىس ىستەيتىن سەكىلدى. پرەزيدەنتتىڭ ايتاتىنى باسقا, ونىڭ قولاستىنداعىلاردىڭ ىس-ارەكەتى باسقا. جاڭا قازاقستان وسى ما؟ ۇقك قولدارىنا تۇسكەن بالالارىم جونىندەگى مالىمەتتى جاريالاي سالدى. ەگەر ولار بولماسا نەلىكتەن وسىنداي جاعدايدا ءۇنسىز قالىپ وتىر؟ سونداي ۇقك كىمدى قورعايدى؟ وتباسىمنىڭ باسى قاتەرگە تىگىلگەن كەزدە قالايشا تاۋەلسىز باق-تىڭ جۇمىسىن ەركىن جۇرگىزە الامىن؟ مەنى, قازاقستاننىڭ ازاماتشاسىن كىم قورعاماق؟", دەپ جازدى جۋرناليست ءوزىنىڭ فەيسبۋك پاراقشاسىنا. ؛
قازاقستاندا سوڭعى ۋاقىتتا تاۋەلسىز جانە بيلىككە سىنشىل باعىتتاعى سايتتار ءجيى بۇعاتتالىپ, رەداكسيالار مەن جەكەلەگەن جۋرناليستەرگە شابۋىل جيىلەگەن. بۇعان دەيىن ازاتتىق راديوسى, وردا سايتتارىنىڭ بۇعاتتالعانى حابارلانعان. ەلمەديا رەداكسياسىنا 2 رەت شابۋىل جاسالىپ, جۋىردا الماتىلىق جۋرناليست دينارا ەگەۋباەۆانىڭ كولىگىنە ءورت قويىلعان. سوت جۇيەسى, قۇقىق سالاسىندا وتكىر جازاتىن زەرتتەۋشى جۋرناليست ميحايل كوزاچكوۆ تەرگەۋ يزولياتورىندا قاماۋدا وتىر.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر