الماتى وبلىسىنىڭ اكىمى تالعارداعى بالالاردى وڭالتۋ ورتالىعىنا باردى

الماتى وبلىسىنىڭ اكىمى مارات سۇلتانعازيەۆ تالعار قالاسىنداعى بالالاردى وڭالتۋ ورتالىعىندا بولدى, دەپ حابارلادى وبلىس اكىمىنىڭ ءباسپاسوز قىزمەتى.

بۇل مەكەمەنىڭ بىرەگەيلىگى-مۇندا ەرەكشە قاجەتتىلىكتەرى بار بالالاردى وڭالتۋ جانە قوعامعا بەيىمدەلۋ ءۇشىن بارلىق جاعدايلار جاسالعان. 40 بالاعا ارنالعان ورتالىق زاماناۋي مەديسينالىق تەحنيكامەن جابدىقتالعان.

وبلىستىڭ جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى ايگۇل احمەتوۆا اتاپ وتكەندەي, ەستۋ, تىرەك-قيمىل اپپاراتى, كورۋ, سويلەۋ, قارىم-قاتىناس جانە مىنەز-قۇلقى بۇزىلعان ءاربىر بالا ءۇشىن وڭالتۋدىڭ جەكە باعدارلاماسى ازىرلەنۋدە.

&ndash؛ بۇل جەردە كەشەندى پسيحولوگيالىق-پەداگوگيكالىق, تۇزەتۋ جانە وڭالتۋ كومەگىن الا الاتىن الماتى وبلىسىنىڭ بارلىق وڭىرلەرىنەن كامەلەتكە تولعانعا دەيىنگى بالالار ەم الادى. ورتالىقتا ماماندار اۋتيزم, سەرەبرالدى سال اۋرۋى جانە باسقا دا ءبىرقاتار اۋرۋلار دياگنوزى قويىلعان بالالارمەنجۇمىس جاسايدى. ورتالىق قىزمەتكەرلەرى-كلاسسيكالىق پەداگوگيكالىق جانە دەفەكتولوگيالىق ءبىلىمى بار پەداگوگ-دەفەكتولوگتار, ؛&ndash؛ دەپ اتاپ ءوتتى ايگۇل احمەتوۆا.

وبلىس اكىمى مەكەمە جۇمىسىمەن تانىسىپ, ماماندارمەن اڭگىمەلەستى.

ورتالىق قىزمەتكەرلەرىنىڭ ايتۋىنشا, ارنايى جابدىقتالعان دەنە شىنىقتىرۋ بولمەلەرى بالالاردىڭ دەنساۋلىعىن تەز قالپىنا كەلتىرۋگە كومەكتەسەدى, ال مونتەسسوري پەداگوگيكاسىن قولدانۋ وزدىگىنەن دامۋعا سەپتىگىن تيگىزەدى. ورتالىقتىڭ ەرەكشەلىگى ءاربىر بالانى وڭالتۋ جەكە باعدارلاما بويىنشا جۇرگىزىلەدى جانە وبلىستىڭ باسقا اۋداندارىنان كەلگەن بالالارعا بارلىق جاعدايلار بار.

كەزدەسۋدى قورىتىندىلاي كەلە, وبلىس اكىمى مارات سۇلتانعازيەۆ ەرەكشە قاجەتتىلىكتەرى بار بالالارعا ارنالعان وسىنداي مەكەمەلەردىڭ جەتىسپەۋشىلىگىنە نازار اۋداردى. وبلىس باسشىسى اكىمدجىك تاراپىنان قاجەتتى قولداۋدىڭ بارلىق كەشەنىن كورسەتەتىنىن اتاپ ءوتتى.