05 تامىز, 2022 news
فوتو: tengrinews.kz
الماتى وبلىسى ۇزىناعاش اۋىلىندا اتىس بولىپ, ءبىر ادام قازا تاپتى, دەپ حابارلادى وڭىرلىك پد-نىڭ ءباسپاسوز قىزمەتى.
پوليسيانىڭ مالىمەتىنشە, 4 تامىز كۇنى ساعات 16:20 شاماسىندا جامبىل اۋدانى ۇزىناعاش اۋىلىنىڭ اۋرۋحاناسىنا ءۇش جەرگىلىكتى تۇرعىن وق جاراقاتىمەن تۇسكەن. زارداپ شەككەندەردىڭ ءبىرى جانساقتاۋ بولىمىندە قايتىس بولدى.
"پوليسەيلەر دەرەۋ دەرەكتىڭ بارلىق ءمان-جايىن انىقتاۋعا جانە قىلمىسقا قاتىسى بار تۇلعالاردى ۇستاۋعا باعىتتالعان شارالاردى قولعا الدى. جەدەل-ىزدەستىرۋ ءىس-شارالارى بارىسىندا جوسپار جاريالانىپ, ايماقتىق پوليسيا بولىمشەلەرىنىڭ جەكە قۇرامى كۇدىكتىلەردى ۇستاۋعا جۇمىلدىرىلدى" دەلىنگەن حابارلامادا.
الدىن الا مالىمەت بويىنشا جانجال جەرگىلىكتى تۇرعىندار اراسىندا دۇشپاندىق قارىم-قاتىناسقا بايلانىستى بولعان. قازىرگى ۋاقىتتا وقيعاعا قاتىسى بار ادامدار تولىعىمەن انىقتالىپ, ولاردى ۇستاۋ بويىنشا ءىس-شارالار ءجۇرىپ جاتىر.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر