• usd 433.3

  • eur 464.19

  • rub 6.48

  • cny 64.56

28 مامىر, 03:00:17
الماتى
+18°

فوتو: شىمكەنت قالاسى اكىمىنىڭ ءباسپاسوز قىزمەتى

مەملەكەت باسشىسى كىتاپحانالار جۇمىسىن جاڭاشالاندىرۋ قاجەتتىلىگىن اتاپ, كۇنىمىزدە قارقىندى دامىعان ەلەكتروندى فورماتپەن قاتار ءداستۇرلى كىتاپحانانىڭ اعارتۋشىلىق ءرولى ەشقاشان جوعالمايتىنىن ايتقان بولاتىن.

بيىل شىمكەنتتە 10 كىتاپحانا جاڭعىرتۋدان ءوتىپ, ولاردىڭ مازمۇنى زاماناۋي قىزمەتتەرمەن تولىقتى. سولاردىڭ ءبىرى مودەرنيزاسيادان ءوتىپ, زامان تالابىنا ساي جاساقتالعان شىمكەنت قالاسىنداعى كوزى كورمەيتىن جانە ءالسىز كورەتىن ازاماتتارعا ارنالعان ارنايى كىتاپحانا.

تاۋەلسىزدىكتىڭ 30 جىلدىعىنا وراي وقىرماندار يگىلىگىنە تاپسىرىلعان نىساندى قالا اكىمى مۇرات ايتەنوۆ ارالاپ كوردى.

فوتو: شىمكەنت قالاسى اكىمىنىڭ ءباسپاسوز قىزمەتى

ادامدى جان-جاقتى دامىتاتىن ورتا &ndash؛ بۇل كىتاپحانا ەكەنىن ايتقان قالا باسشىسى بيىل قالادا ون كىتاپحانا جاڭعىرتۋدان وتكەنىن جەتكىزدى.

«؛جاڭعىرتۋ &ndash؛ وتكەننەن قول ءۇزىپ, جاڭا قۇندىلىقتارعا جول اشۋ دەگەن ءسوز ەمەس. شىن مانىندە جاڭعىرۋ &ndash؛ قولىمىزداعى بارىمىزدى جاڭا قىرىنان تاني ءبىلۋ دەگەندى بىلدىرەدى. حابارلارىڭىز بار, ينتەرنەت ءداۋىرى &ndash؛ جاستارىمىزدى ادەبي قۇندىلىقتاردان الىستاتىپ بارادى. اقپارات ءداۋىرىن تۇمشالاي المايمىز, وعان بەيىمدەلۋىمىز قاجەت. كىتاپحانالاردى وي-سانانىڭ ورتالىعى رەتىندە العا جىلجىتۋىمىز قاجەت. سوندىقتان, ولاردىڭ قىزمەتىن جاڭارتىپ, جاستاردى تارتاتىن ورتا رەتىندە قىزمەتىن جانداندىرۋدامىز كەرەك»؛,-دەدى م.ايتەنوۆ.

فوتو: شىمكەنت قالاسى اكىمىنىڭ ءباسپاسوز قىزمەتى

مودەرنيزاسيادان وتكەن رۋحاني ورتالىقتىڭ جۇمىسىمەن تانىسۋعا الماتى قالاسى مەن جامبىل جانە قىزىلوردا وبلىستارىنىڭ زاعيپ جاندارعا ارنالعان كىتاپحانا باسشىلارى دا ارنايى كەلدى. ولاردىڭ ايتۋىنشا, قازاقستاندا زاماناۋي ينتەرەرمەن بەزەندىرىلگەن, بارلىق ازاماتتارعا تەڭدەي مۇمكىندىك جاسالعان وسى سىندى جاڭعىرتىلعان كىتاپحانا كەمدە كەم.

فوتو: شىمكەنت قالاسى اكىمىنىڭ ءباسپاسوز قىزمەتى

كەلۋشىلەرگە كرەاتيۆتى وقۋ بۇرىشتارى قويىلعان جانە ەلەكتروندى كىتاپ كاتالوگتارىمەن تانىسۋعا مۇمكىندىك بار. كونفەرەنس زالدار قاراستىرىلىپ, زاماناۋي تەحنيكالارمەن جابدىقتالعان, ينتەرنەت بايلانىسىمەن قامتىلعان.

سونىمەن بىرگە بالالاردىڭ قوسىمشا ءبىلىم الىپ, ويناپ تىنىعۋىنا ارنالعان «؛baby books»؛ زالى, دەمالىس بۇرىشى مەن مۋزىكا تىڭداۋعا ارنالعان ورىندار دا بار. وقىرماندار قاجەتتىلىگى ءۇشىن كوفە-بار قىزمەت كورسەتىپ, كىتاپحانالىق ورتادا عىلىمي دەباتتار, ديسكۋسسيالار وتكىزۋگە مۇمكىندىكتەر اشىلعان. سونداي-اق مۇندا ءتۇرلى باعىتتاعى كەزدەسۋلەر, ادەبي توك-شوۋلار, بيبليو-اۋكسيوندار, بەنەفيستەر, پراكتيكۋمدار, بليس-ۆيكتورينالار ۇيىمداستىرۋعا ۇتىمدى ورتا تۇزىلگەن.

كىتاحانادا وقىرماندارعا ارنالعان جازعى مەزگىلدەگى ساحنا, جازعى كىتاپ سورەلەرى, ەرەسەكتەر مەن بالالارعا ارنالعان اتكەنشەكتەر, زاماناۋي كاپسۋلالار جانە بالالار الاڭشاسى ورناتىلعان.

بۇل كىتاپحانا ءوز قىزمەتىن 1969 جىلى باستاپ, بۇگىندە 7 مىڭنان استام زاعيپ جاندارعا كىتاپحانالىق قىزمەت كورسەتەدى. كىتاپحانادا «؛دىبىستى كىتاپتار شىعارۋ»؛, «؛برايل كىتاپتارىن باسىپ شىعارۋ»؛ بولىمدەرى مەن قازاقشا بەدەرلى-نۇكتەلى ءشريفتىڭ اۆتورى اقان قاسىموۆتىڭ اتىندا زال بار.

اۋديوفورماتتاعى كىتاپتار سانىن ۇلعايتۋ جوباسى شەڭبەرىندە بيىل ادەبيەتتەردى دىبىستاۋ جۇمىستارىنا قالالىق تەاتر ارتىستەرى مەن مادەنيەت قىزمەتكەرلەرى جۇمىلدىرىلدى.

فوتو: شىمكەنت قالاسى اكىمىنىڭ ءباسپاسوز قىزمەتى

ارنايى كىتاپحانانىڭ كىتاپ قورى 140 مىڭنان استام ادەبيەتتەن تۇرادى. ونىڭ ىشىندە بەدەرلى-نۇكتەلى ءارىپتى, جازىق باسپالى, ديسكىدە, ناشار كورەتىندەرگە ارنالعان ءماتىنى ۇلكەيتىلگەن ارىپتەر جازىلعان ادەبيەتتەر مەن مەرزىمدى باسىلىمدار, كىشى قالىپتاعى مۇسىندەر, بەدەرلى-گرافيكالىق قۇرالدار قامتىلعان. اۋديو ادەبيەتتەر قورى 5 مىڭنان استام كوركەم شىعارمالاردان تۇرادى.

مودەرنيزاسيا جۇمىستارىنان كەيىن وقىرمان سانىن 14 مىڭعا, كەلۋشىلەر سانىن 110 مىڭعا, كىتاپ بەرىلىمىن 170 مىڭعا جانە كىتاپ قورىن 150 مىڭعا ارتتىرۋ كوزدەلۋدە.

شىمكەنت قالاسى اكىمدىگىنىڭ ءباسپاسوز قىزمەتى

"قامشى" سىلتەيدى
ىلمەك سوزدەر: شىمكەنت كىتاپحانا

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر