• usd 424.85

  • eur 504.21

  • rub 5.84

  • cny 65.86

05 جەلتوقسان, 05:31:28
+5°

فوتو: اشىق دەرەككوز

اقىن, ديسسيدەنت, وپپوزيسيونەر, شاڭىراق وقيعاسىنان كەيىن 18 جىلعا سوتتالىپ, جۋىردا دەنساۋلىق جاعدايىنا بايلانىستى بوساتىلعان ارون اتابەك قايتىس بولدى. بەلسەندىنىڭ بۇگىن ساعات كەشكى 8 شاماسىندا جۇرەگى سوقپاي قالعان.

بۇعان دەيىن, ارون اتابەكتىڭ دەنساۋلىعى ناشارلاپ كوماعا تۇسكەنى, جەكە كلينيكادا جاتقانى حابارلانعان. ارتىنشا بەتى بەرى قاراعانى تۋرالى اقپارات شىققان.

بيىل 1 قازاندا پاۆلودار سوتى 2006 جىلعى شاڭىراق وقيعاسىنان كەيىن 18 جىلعا سوتتالعان ارون اتابەكتىڭ قالعان جازا مەرزىمىن بوستاندىعىن شەكتەۋ جازاسىنا اۋىستىرىپ, اقىندى "دەنساۋلىق جاعدايىنا بايلانىستى" تۇرمەدەن شىعارعان. اقىن بۇعان قارسىلىق تانىتىپ, ءوزىن تولىق اقتاۋدى تالاپ ەتكەن.

5 قازان كۇنى بەلسەندىنىڭ جاعدايى كۇرت ناشارلاپ, اۋرۋحاناعا شۇعىل جەتكىزىلگەن. كەيىن اتابەكتىڭ اۋرۋحاناعا جاتۋدان باس تارتقانى بەلگىلى بولدى. ارتىنشا ول ۇيىندە جاساندى تىنىس الۋ اپپاراتىمەن دەمالىپ جاتقانى حابارلاندى.

10 قازان كۇنى ءبىر توپ بەلسەندى ارون اتابەك كىتابىنىڭ تۇساۋكەسەرىن وتكىزدى. ولار تۋىندىنى ارون اتابەكتىڭ بوستاندىققا شىعۋىنا وراي جاسالعان سىيلىق ەكەنىن ايتقان.

ارون اتابەك 15 جىلدان استام ۋاقىت تۇرمەدە وتىردى. ول 2006 جىلعى "شاڭىراق" وقيعاسىنان كەيىن 18 جىلعا سوتتالعان. سوت اتابەكتى "شاڭىراق" وقيعاسى كەزىندە قازا تاپقان پوليسيا قىزمەتكەرىنىڭ ولىمىنە ايىپتى دەپ تانىعان.

كەي بەلسەندىلەر اقىننىڭ تۇرمەدەن بوساتىلۋىن "بيلىك ارون تۇرمەدە ءولىپ قالدى دەپ جامان اتتى بولماس ءۇشىن بوساتتى" دەپ تۇسىندىرەدى.

&diams؛ ؛ارون اتابەكتىڭ دەنەسى قالقامانداعى ءمايىتحاناعا جەتكىزىلدى (ۆيدەو)

"قامشى" سىلتەيدى
ىلمەك سوزدەر: ارون اتابەك

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر