09 قىركۇيەك, 2021 الەم
فوتو: سىرتقى ىستەر مينيسترلىگى
بۇگىن اۋعانستاننان 35 ەتنيكالىق قازاق ەلگە ورالدى. بۇل تۋرالى, سىرتقى ىستەر مينيسترلىگىنىڭ رەسمي سايتى ؛حابارلادى. ؛
مينيسترلىك مالىمەتىنشە, ارنايى ۇشاقپەن كابۋلدان الماتى قالاسىنىڭ اۋەجايىنا 41 جولاۋشى ۇشىپ كەلگەن. ولاردىڭ ىشىندە قازاقستاننىڭ 4 ازاماتى, قىرعىزستاننىڭ 1 ازاماتى جانە قازاقستاندا تۇراقتى تۇراتىن 1 اۋعان بار. كەلگەن جولاۋشىلار كارانتيننەن ءوتۋ ءۇشىن ۋاقىتشا وقشاۋلانادى.
&ndash؛ ەۆاكۋاسيالىق رەيستى ۇيىمداستىرۋ "تاليبان" قوزعالىسىمەن ۇيلەستىرىلىپ جۇزەگە اسىرىلدى. قازاقستاننىڭ كابۋلداعى ەلشىلىگى قالىپتى رەجيمدە جۇمىس ىستەيدى جانە اۋعانستاندا تۇراتىن قانداستارمەن تۇراقتى بايلانىستا. ءوتىنىش بەرۋشىلەردىڭ ەتنيكالىق سايكەستىگىن راستاۋ جانە قانداستاردى قايتارۋ جۇمىستارى جالعاسۋدا, ؛&ndash؛ دەپ حابارلادى ۆەدومستۆو.
18 تامىزدا قازاقستان اۋعانستاننان ءوزىنىڭ 25 ازاماتىن جانە قىرعىزستان, رەسەي مەن ليتۆانىڭ 16 ازاماتىن ەۆاكۋاسيالاعان.
بۇدان باسقا, الماتىعا كابۋلدان اۋعانستانعا كومەك كورسەتۋ جونىندەگى بۇۇ ميسسياسى (unama) جانە باسقا دا حالىقارالىق ۇيىمداردىڭ كەڭسەلەرى ۋاقىتشا كوشىرىلگەن ەدى.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر