بريتان ينجەنەرىنىڭ قازاق دالاسى تۋرالى جازعان تۋىندىسى جارىق كوردى

الماتىدا بريتان ينجەنەرى نەلسون فەللدىڭ «؛رۋسيا ءھام كوشپەلىلەر. قازاق دالاسى تۋرالى حيكايالار»؛ كىتابى جارىق كوردى. بۇل كىتاپتىڭ جارىققا شىعۋىنا بەلگىلى باسپاگەر باقىتجان بۇحارباي مەن مەسەنات دۋلات تاستەكەي سەبەپكەر بولدى.  ؛

بىلتىر جىل سوڭىندا كاسىپكەر ءارى بەلگىلى قوعام قايراتكەرى دۋلات تاستەكەي: «؛باقىتجان, ءبىر كىتاپتى بىرلەسىپ شىعارايىق»؛ دەگەن ۇسىنىس تاستاعان بولاتىن. دۋلات اعام جەتەكشىلىك ەتەتىن assyltas قورىنىڭ قولداۋىمەن 1905 جىلى قازاق دالاسىنا كەلىپ, قازىرگى قاراعاندى وبلىسىنداعى مىس كەنىشتەرىن ساتىپ الىپ, مىس قورىتۋ زاۋىتىن باسقارعان بريتان كاسىپكەرى فەللدىڭ تاڭعاجايىپ ەتنوگرافيالىق جازبالارىن تۇڭعىش رەت قازاق جانە ورىس تىلدەرىنە اۋدارىپ شىعارىپ وتىرمىز. بۇل ەڭبەك العاش رەت 1916 جىلى لوندون جانە نيۋ-يوركتا باسىلعان &ndash؛ دەدى ب. بۇحارباي.

تۋىندى 1905 جىلى ورىس-جاپون سوعىسى ءورشىپ, رەۆوليۋسيالىق تەربەلىس جاعدايىندا تۇرعان رەسەي يمپەرياسىنىڭ قۇرامىنداعى قازاق دالاسىندا ورنالاسقان كەنىشتەردىڭ ءبىرىن ساتىپ العان بريتان تاۋ-كەن ينجەنەرى, «؛سپاسسك مىس كەندەرى»؛ ءاسىپورنىنىڭ باسقارۋشىسى نەلسون فەللدىڭ دالا ولكەسىندە وتكەن جىلدارى تۋرالى ەستەلىكتەرى قاراپايىم بايانداۋ تىلىمەن جانە شىنايىلىعىمەن وقىرماندى بىردەن باۋرايدى. ؛دالا حالقىنىڭ ەرەكشە بولمىسى, تابيعاتپەن ۇيلەسىمدى ءومىر ءسۇرۋى, رياسىز پەيىلى, ءداستۇر عۇرىپتارى باتىس وركەنيەتىنىڭ وكىلىنە ەرەكشە تارتىمدى كورىنىپ, قىزىقتى اڭگىمەلەرىنە ارقاۋ بولادى. اۆتوردىڭ كورگەن-بىلگەندەرىن سول كەزدەگى كوشپەلىلەردىڭ تۇرمىسىن ەتەنە تانىتاتىن ەتنوجازبالار دەۋگە ابدەن لايىق.