قازاق قوعامىنداعى ايەل ءرولى ءھام تۇرمىستىق زورلىق-زومبىلىقتى قالاي تىيۋعا بولادى؟

قازاق قوعامىندا ايەل ءرولى قانداي بولعان دەگەن تاقىرىپ توڭىرەگىندە تالاس, تارتىس كوپ. اسىرەسە سوڭعى كەزدەگى رەزونانستىق وقيعالاردان كەيىن بۇل ماسەلە قايتادان تالقىعا اينالدى. ساۋالعا تاريحتان تارتا وتىرىپ, بۇگىندە كۇيىپ تۇرعان تۇرمىستىق زورلىق-زومبىلىق ماسەلەسىن تىيۋدىڭ امالدارىن ىزدەۋگە تىرىسىپ كوردىك.

ارينە ۇلتتىق داستۇرىمىزدە قىز بالانىڭ ءباسىن جوعارىلاتاتىن سالت-داستۇرلەر جەتەرلىك. "ۇل تاربيەلەگەنىڭ ۇرپاق تاربيەلەگەنىڭ, قىز تاربيەلەگەنىڭ ۇلت تاربيەلەگەنىڭ" دەپ قىز بالانىڭ بولاشاعى بۇلىڭعىر بولماس ءۇشىن قىزعا قىرىق ۇيدەن تىيىم سالىپ, قىرمىزى قىزدارىن ءوز سۇلۋلىعىنان كەلەتىن قاۋىپتەن ساقتاعان. قىز بالانىڭ وتباسىنداعى الار ورنى دا ءتور مەن اقسۇيەك-سۇلتاندار وتىراتىن وڭ جاق بوساعادان بولعان.

قازاق قوعامىنداعى ايەلدىڭ قۇقىعى

ابىز انالارىمىزدىڭ ەل باسىنا كۇن تۋعاندا قول باستاپ, مايداندا قان توككەنىنە دە, ەلدى اسقان اقىل-دانالىعىمەن باسقارۋعا دا قۇقىعى بولعانىنا دا تاريح كۋا. كەنەسارى قاسىمۇلى باستاعان كوتەرىلىسكە ونىڭ قارىنداسى بوپاي 6 بالاسىمەن قوسىلعان. 600 ادامنان تۇراتىن قولدى باسقارىپ, امانقاراعاي دۋانىنا شابۋىل جاساپعان. قابانباي باتىردىڭ جارى گاۋھاردىڭ دا ەرلىگى مەن تاپقىرلىعى ەل ەسىندە. دومالاق انا, ۇلپان انا, نايمان انالاردىڭ ءىزىن جالعاپ شوقاننىڭ اجەسى ايعانىم دا ەلگە اقىل-پاراساتىمەن باس بولا بىلگەن. اتالعان ايەل قاۋىمىنىڭ بارشاسى قاۋمالاعان قازاقتىڭ بۇتىندىگىنە قىزمەت ەتكەن قايراتكەرلەر.

قۇقىعى شەكتەلگەن تۇستار

بىراق وسى كوشپەلى قوعامدا ايەلدەردىڭ تۇرمىس قۇرۋىنا كەلگەندەگى قۇقىقتارى شەكتەلگەنىن اشىق ايتۋىمىز كەرەك. ماسەلەن, باسىم جاعدايدا قىزدىڭ بولاشاق جارىن ءوزى تاڭداۋعا قۇقىعى بولماعان, كۇيەۋى قايتىس بولعان جاعدايدا باسقا ادامعا تۇرمىسقا شىعا الماعان, امەڭگەرلىك ءداستۇردىڭ نەگىزىندە مارقۇمنىڭ اعاسىنا نەمەسە ىنىسىنە قوسىلۋعا ءماجبۇر بولعان. ۇلتتىق ادەبيەتىمىزدەگى م.دۋلاتۇلىنىڭ "باقىتسىز جامال", س.كوبەەۆتىڭ "قالىڭ مال", س.تورايعىروۆتىڭ "قامار سۇلۋ", ءب.مايليننىڭ "شۇعانىڭ بەلگىسى", م.اۋەزوۆتىڭ "قورعانسىزدىڭ كۇنى", ج.ايماۋىتوۆتىڭ "اق بىلەك" سەكىلدى سۇبەلى ەڭبەكتەر وسى قۇقىقتىق شەكتەۋدىڭ قۇربانى بولعان قازاق ايەلىن ارقاۋ ەتكەن.

جاس ادەبيەتتانۋشى سەيسەنباي سانجار قىز بالانى ەركىنەن تىس تۇرمىسقا بەرۋ وتكەن عاسىردىڭ 60 جىلدارىنا دەيىن توقتاماعانىن ايتادى.

&ndash؛ جالپى قازاق حالقىندا قىزدىڭ ورنى ءارقاشاندا توردە بولعان. "قىز-قوناق" دەپ سىيلاعان. الايدا وسىعان پاراللەلدى رابايسىز جاعدايلار تاعى بار. ول قىزدى تەڭىنە ەمەس, اتا-اناسىنىڭ قالاۋىمەن جات بىرەۋگە بەرۋ. اقشاعا, اتاققا, شەن-شەكپەنگە بولا ۇيدەگى ۇلبىرەپ وتىرعان قانشاما قىزدىڭ تاعدىرى تالقان بولدى. xx عاسىردىڭ 60 جىلدارىنا دەيىن بۇل ءۇردىس توقتاماعان. قالامگەرلەر قاۋىمى بۇل تاقىرىپتا وندىرتە شىعارمالار جازدى. قاراڭىزشى, ءبىز "كەڭەس ۇكىمەتى كەلگەن سوڭ بۇل ءۇردىس توقتادى, قىزدارعا قالاۋىنا تيۋگە رۇقسات بەرىپ بوستاندىق زامان تۋدى" دەپ ويلايمىز عوي. الايدا بۇل ءسوز ءسال ۇشقارلاۋ ءتارىزدى. سەبەبى جازۋشى ساكەن ءجۇنىسوۆتىڭ "جاپانداعى جالعىز ءۇي" رومانىندا اقبوپە دەگەن جەسىر ايەلدى اكەسى بولماشى اقشاعا امەڭگەرلىككە بەرىپ كەتەدى. ءسويتىپ ءوزى اقشاعا, اتاققا كەنەلەدى. قىز سورلى ءجىپسىز بايلانىپ قالا بەرەدى. بۇل تىڭ يگەرۋ ياعني 50-60 جىلدارى بولعان جاعداي. وقىپ وتىرىپ جانىڭ اشيدى, ؛&ndash؛ دەيدى ؛سەيسەنباي سانجار.

قىزداردىڭ قۇقىعىن كىمدەر قورعاعان؟

ون توعىزىنشى عاسىردىڭ اياعى مەن جيىرماسىنشى عاسىردىڭ باسىندا قازاق قوعامىنداعى ايەلدەردىڭ تاعدىرى ءۇشىن ەرلەر تاراپىنان كۇرەس باستالدى. ەۋروپا مادەنيەتى پەن وركەنيەتىن جاقىن تانىعان الاش زيالىلارى قازاق ايەلدەرىنىڭ سۇرەڭسىز تاعدىرىنا بەي-جاي قاراي المادى. وسىلايشا, 1917 جىلى 21-26 شىلدە ارالىعىندا ورىنبور قالاسىندا وتكەن سەزدە 14 ماسەلە قارالدى. سونىڭ ىشىندە قوعامداعى ايەل قۇقىعىنا بايلانىستى ماسەلەدە تومەندەگىدەي شەشىمدەر قابىلدانعان:

- ايەلدەر مەن ەرلەردىڭ ساياسي قۇقىقتارى تەڭ بولۋى كەرەك؛

- ايەلدەر وزدەرىنە سەرىگىن تاڭداۋعا ەرىكتى؛

- نەكەگە تۇرۋ جاسى 16-عا دەيىن ۇزارتىلۋى قاجەت؛

- مولدانىڭ 16-عا تولماعان قىزدىڭ, 18-گە تولماعان جىگىتتىڭ نەكەسىن قيۋعا قۇقىعى جوق؛

- نەكە ەكى جاقتىڭ كەلىسىمىمەن قيىلادى؛

- جەسىر ايەلدەردى كۇيەۋىنىڭ تۋىسقاندارىنا زورلاپ قوسۋعا بولمايدى؛

- ءبىرىنشى ايەلى كەلىسىم بەرمەسە, ەكىنشى ايەل الۋعا بولمايدى.

الاش وكىلدەرىنىڭ بۇل شەشىمى قوعامداعى ايەل ءرولىنىڭ ماڭىزىن قۋاتتاي ءتۇستى.

ارتىنشا سۇراپىل سوعىستىڭ كەزىندە قانشاما انالار قارا جۇمىس ىستەدى. تراكتور سىندى اۋىر تەحنيكانىڭ قيىن جۇمىسىنا جەگىلگەن ايەلدەردىڭ 30 پايىزى بالا كوتەرە الماي قالعان. ونىمەن قويماي "كازسەلحوزتەحنيكا&rdquo؛ بىرلەستىگىنىڭ باسشىسى م.باتراكوۆ 1965 جىلى قازاق دالاسىندا قىز-كەلىنشەكتەن ەگىستىككە تراكتور بريگادالارى قۇرىلسىن دەگەن سالدارى سۇراپىل ۇسىنىس تاستايدى. وسى تۇستا كومسومول حاتشىسى 34 جاستاعى وزبەكالى جانىبەك بۇل جەردەگى قازاق قىز-كەلىنشەگىنە تونگەن ءقاۋىپتى بىردەن ءبىلىپ, وعان قارسى شىعادى:

&ndash؛ ەندەشە ءوزىڭىز ايەلىڭىز بەن قىزىڭىزدى تراكتورشىنىڭ كۋرسىنا جىبەرىڭىز. ءسىز جىبەرسەڭىز مەن قۇجاتقا قول قويامىن. ءبىراق ولاي ەتپەيتىندىگىڭىزگە سەنىمدىمىن. بىرەۋدىڭ الپەشتەگەن ايەلى مەن ەركەلەتكەن قىزىن اۋىر جۇمىسقا ۇگىتتەپ, ەگىسكە ايداپ سالۋ &ndash؛ وڭاي ءىس. كەزەك وزىڭە كەلگەندە كىبىرتىكتەپ قالاسىڭ, &ndash؛ دەپ ناعىز ءور رۋحتى قازاق جىگىتىنىڭ وبرازىن كورسەتەدى.

تاريح بەتتەرىندە قانمەن جازىلعان "جەلتوقسان وقيعاسىنىڭ" جازىقسىز كىنا ارقالاعان باتىرى قايرات رىسقۇلبەكوۆ تۋىستارىنا ارناعان سوڭعى حاتىندا بىلاي جازادى: ء"يا, جاسىرمايمىن, 1986 جىلدىڭ 18 جەلتوقسانى مەن الاڭعا بارعانمىن. بۇنى ماعان نە تارتقىلادى: بىرىنشىدەن, وندا نە بولىپ جاتقانىن ءوز كوزىممەن كورگىم كەلگەنى. ەكىنشىدەن, ەگەر ول جاقتا سولداتتار مەن ميليسيونەرلەر قازاق قىزدارىن ۇرىپ جاتىر دەگەن اڭگىمەلەر پايدا بولسا, ازامات پەن جىگىت قورعاۋشىنىڭ پارىزىن ورىنداۋعا شەشىمدىلىگىم. ء...بىراق, قۇداي بۇعان كۋاگەر مەن ەشكىمدى ولتىرگەن جوقپىن. مۇنداي نارسە جاساۋ مەنىڭ مۇمكىندىكتەرىمنەن جانە كۇشىمنەن جوعارى. ەشقاشان جانە ەشقاي جاعدايدا مەن مۇندايعا بارا الماۋشى ەدىم. ءيا, ءىس بولدى, مەن ءبىر ميليسيونەردى ول ءبىر قىزدى شاشىنان سۇيرەپ, جابايى تۇردە ونى ۇرىپ جاتقانى ءۇشىن بىرنەشە رەت ۇردىم. ءبىراق بۇل ادام ءالى كۇنگە شەيىن ءتىرى, وعان ەشقانداي ايتارلىقتاي زات بولعان جوق. وسىمەن مەنىڭ قىلمىستارىم تاۋسىلادى...&rdquo؛.

وسىنداي الاساپىران ورناعان زۇلماتتا قازاق قىزىن قورعانسىز قالدىرماۋعا ۇمتىلعان قايراتتىڭ ەرلىگى قايمانا قازاققا ۇلگى.

ايەل قۇقىعىنىڭ قازىرگى احۋالى جانە بۇل ماسەلەدەگى ەرلەردىڭ بەلسەندىلىگى

ايەلدەردى بۇرىن زامان اعىمىنا ساي كەلمەيتىن ءسالت-داستۇر مەن سولاقاي ساياساتتان قورعاساق, بۇگىنگى ءقاۋىپ وتباسىنداعى تيرانداردان ءتونىپ تۇر. بۇۇ بىرنەشە جىل بۇرىن قازاقستاندا جىل سايىن زورلىق-زومبىلىقتان 400 ايەل قازا تابادى دەگەن دەرەك كەلتىرگەن. سوڭعى بەس جىلدا تۇرمىستىق زورلىق-زومبىلىق سانى ەكى ەسەگە وسكەن. جابىرلەنۋشىلەردى قورعاۋ جۇمىستارى جۇرگىزىلىپ جاتقانىمەن, كىنالى تيراندارعا ارنالعان شارالار ءتيىمسىز بولىپ تۇرعانداي. ەڭ قىزىعى بۇگىنگى قازاق قىزدارىنىڭ قوعامدا جايلى ءومىر ءسۇرۋى ءۇشىن كۇرەستە ەرلەردىڭ بەلسەندىلىگى تىپتەن تومەن. زاڭ جۇزىندە زورلىققا قارسى جەكە باپتىڭ ەنگىزىلۋىن تالاپ ەتىپ كوشە كەزىپ, ميتينگكە شىعاتىندار نەگىزىنەن ايەلدەردىڭ ءوزى. قازىرگى تاڭدا قالىڭ قولدى اۋديتورياسى, قولىندا بيلىگى بار ەر ازاماتتار جەتەرلىك. ءبىراق بۇل ماسەلەدە قازىرگى ەر ادامداردىڭ بەلسەندىلىگى جوعارىدا مىسال كەلتىرگەن جيىرماسىنشى عاسىردىڭ باتىرلارىنداي بايقالمايدى.

بۇل تۋرالى مەديا مامان, &ldquo؛ويجەتكەن&rdquo؛ پودكاستىنىڭ جۇرگىزۋشىسى پەريزات مىرزاحمەتتىڭ ويىن سۇراپ كوردىك:

&ldquo؛بۇل سۇراققا ەرلەردىڭ وزدەرى جاۋاپ بەرگەنى دۇرىس شىعار. ءبىز بۇنى ايتا-ايتا جالىققان ادامدارمىز عوي. شىنىمدى ايتسام, نەشە جىل بويى قانشاما بلوگەر, ساياساتتا, تەلەۆيزيادا جۇرگەن ارىپتەستەرىمە ء«؛اي, ايتساڭدارشى وسى ماسەلەنى»؛ دەپ جالىنىپ شارشاپ كەتتىم. نەگىزى وزىمەن جەكە سويلەسكەن كەزدە زورلىق-زومبىلىققا ءبارى قارسى. ءبىراق ازامات رەتىندە وسى نارسەگە پوزيسياسىن بىلدىرگەن ساناۋلى ادام عانا بار. سونىڭ ءبىرى &ndash؛ ەرجان مىرزاباەۆ قانا شىعار. قالعانىنىڭ ءبارى كولەگەيلەپ, بۇركەمەلەپ, سىلاپ, سيپاپ قانا ايتادى.

مەن باسىندا مۇنى "مۋجسكايا سوليدارنوست" شىعار دەپ ويلايتىنمىن. ءبىراق ادام ومىرىنە, قۇقىعىنا, دەنساۋلىعىنا, ۇلتتىڭ ساپاسىنا ءقاۋىپ ءتونىپ تۇرعان كەزدە ەشقانداي "مۋجسكايا سوليدارنوست" جۇمىس ىستەمەۋى كەرەك دەپ ويلايمىن. ءبىراق ءبىزدىڭ جىگىتتەر وسى تاقىرىپتى اينالا قاشادى. كوپ جىگىتتەر "وي سەندەردە ونسىزدا قۇقىق بار عوي" دەيدى. ءيا, مەن سياقتى قىزدار جۇمىسقا, بالاسىنا, ۇيىنە دە ۇلگەرىپ ءجۇر. ءبىراق ءقازىر قازاقتار 20 ميلليون بولساق, ونىڭ 10 ميلليونى ايەلدەر. 10 ميلليوننىڭ كەم دەگەندە 40-30%-ى وتە تومەن دەڭگەيدە, ادام قۇقىعى ساقتالماعان دەڭگەيدە ءومىر سۇرۋدە. مىنانداي ماسەلە: ول جىگىتتەر وزدەرى ۇرىپ-سوعىپ, زورلىق-زومبىلىق جاساماعانىمەن, اينالاسىنداعى سونداي ادامدارمەن ءالى كۇنگە ارالاسادى. ولارمەن دوس, تانىس, ارىپتەس. ولار ۇرىپ-سوعاتىن, زورلايتىن, الدايتىن, قورلايتىن جىگىتتەردى ءوز ورتالارىنان الاستاماعانشا, اشىق تۇردە مانسۇقتاماعانشا وسىنداي جالعاسا بەرەدى. ۇنسىزدىك &ndash؛ جاۋىزدىقتى قولداۋمەن تەڭ! ءبىر دانىشپان ايتادى "بۇل الەمدە جاماندىق جاقسىلىقتىڭ ازدىعىنان ەمەس, جاقسىلىقتىڭ ۇندەمەۋىنەن كوپ بولادى".

مەملەكەت قانداي شارالار جاساپ جاتىر؟

جاقىندا ءماجىلىستىڭ جالپى وتىرىسىندا تۇرمىستىق زورلىق-زومبىلىققا قارسى زاڭ جوباسى ماقۇلداندى. جاڭا زاڭ جوباسىندا ادام دەنساۋلىعىنا زيان كەلتىرگەن كەز كەلگەن ادامعا جازا كۇشەيەدى. وتباسىندا ايەلى مەن بالالارىنا كۇش كورسەتەتىن ەرلەردى وتباسىنان 1 ايعا وقشاۋلاپ, ءتىپتى 3 ايدان 1 جىلعا دەيىن بايلانىسۋىنا تىيىم سالىنادى. ادام دەنساۋلىعىنا قاساقانا زيان كەلتىرگەنى ءۇشىن 3 جىلدان 8 جىلعا دەيىن باس بوستاندىعىنان ايىرۋ جازاسى تاعايىندالادى. ءىس قوزعاۋ ءۇشىن جابىرلەنۋشىنىڭ ارىزى قاجەت ەمەس. پوليسيا الەۋمەتتىك جەلى مەن اقپارات كوزدەرىندەگى دالەل ارقىلى تەرگەۋ جۇمىسىن باستاي الادى.

ماجىلىس دەپۋتاتى جۇلدىز سۇلەيمەنوۆا تۇرمىستىق زورلىق-زومبىلىقتى بولدىرماۋ ماسەلەسىندە زاڭناماعا وزگەرىس ەنگىزۋمەن قاتار, ازاماتتاردىڭ كوزقاراسى مەن مورالدىق ۇستانىمىن دا وزگەرتۋ قاجەت ەكەنىن ايتادى. سونىمەن قاتار قۇقىق بۇزۋشى ازامات قوعامعا قايتا بەيىمدەلۋى ءۇشىن سوت كەرەك دەپ تاپقان جاعدايدا مەديسينالىق, پسيحولوگيالىق كومەك كورسەتىلەتىنىن جەتكىزدى.

ۇلتتىق ستاتيستيكا بيۋروسىنىڭ مالىمەتىنشە, 2022 جىلى ايەلدەرگە قاتىستى 61277 تۇرمىستىق زورلىق-زومبىلىق وقيعاسى تىركەلگەن. زاڭ كۇشەيەدى. ءبىراق بۇل ستاتيستيكانى قىسقارتا الا ما؟ ماماندار وتباسىنداعى تەنتەكتى تەزگە سالۋ ءۇشىن تاياقتىڭ كۇشى جەتكىلىكسىز, جازانى قاتاڭداتۋ ماسەلەنىڭ تەك سالدارىنا باعىتتالعان ارەكەت دەيدى. ال زورلىق-زومبىلىقتىڭ سەبەبىمەن كۇرەسەتىن مورالدىق, پسيحولوگيالىق شارالار جاعى قازىرگى تاڭدا ءتىپتى ەلەۋسىز قالعان سىندى.

"ەرلەردىڭ قوعامداعى ءارى ۇيدەگى تۇرمىس-تىرشىلىكتەگى ءرولىن وزگەرتۋىمىز كەرەك"

پسيحواناليتيك ميرگۇل بيماعامبەتوۆا زاڭمەن قوسا ازاماتتاردىڭ مورالدىق كوزقاراسىن, جالپى تاربيە ماسەلەسىن وزگەرتۋ كەرەك دەپ سانايدى:

&ndash؛ ءبىزدىڭ قوعامدا ەر ازامات بالا تاربيەسىنە, تۇرمىسقا, ءۇي شارۋاسىنا كوپ جاعدايدا ۇلەس قوسپايدى. ماسەلەنىڭ وزەگى وسى جەردە جاتىر. بىزدە ەر ازاماتتار "تۇزدەگى ادام, جۇمىسقا بارىپ كەلسە, ايلىق اكەلسە بولدى&rdquo؛, ال تۇرمىستىق جاعداي, ءۇي شارۋاسى, بالا تاربيەسىنىڭ بارلىعى ايەل ادامنىڭ موينىندا. سوندىقتان ازاماتتاردىڭ كوزقاراسىن, مورالدىق ۇستانىمىن وزگەرتۋ ءۇشىن ەڭ الدىمەن ەرلەردىڭ قوعامداعى ءارى ۇيدەگى تۇرمىس-تىرشىلىكتەگى ءرولىن وزگەرتۋىمىز كەرەك. "ەر ادام &ndash؛ ءتۇزدىڭ  ؛ادامى" دەگەندى جويۋ كەرەك دەر ەدىم. ءقازىر بەيبىت زاماندا تۇرىپ جاتىرمىز. تۇسىنەم, بۇرىن سوعىس كەزەڭى مەن توقىراۋ زامانىندا ەر ادام تۇزدە بولدى. ال ءقازىر ايەلدىڭ دە, ەردىڭ دە اقشا تابۋعا مۇمكىندىگى بار. سول ءۇشىن ءۇي شارۋاسىن, بالا تاربيەسىن ەكەۋى دە بىردەي كوتەرۋى كەرەك. قىز بولسىن, ۇل بولسىن بالا ءۇش جارىم جاسقا تولعاننان كەيىن, ەر ازامات بالا تاربيەسىن وزىنە كوبىرەك الۋى كەرەك. وعان دەيىن تاربيەگە ارينە اناسى كوبىرەك جاۋاپتى. ءبىراق اناسى بالا تاربيەسىمەن ارپالىسىپ جاتقان كەزدە ءۇي جيناۋ, ىدىس-اياق جۋۋ, تاماق ءپىسىرۋ سياقتى شارۋالاردا ەر ازاماتتار كومپەنساسيا بەرىپ وتىرۋى كەرەك. ال بىزدە كوبىنە ستيگما بار: ەر ازاماتتار قازان-وشاققا جولاماۋى كەرەك, ەدەن جۋماۋى كەرەك, تاماق پىسىرمەۋى كەرەك دەگەن سەكىلدى. ونى ەر ازاماتتار ۇيات, ارىن تۇسىرەتىن نارسە رەتىندە كورەدى. نەگىزى ماسەلە وسى جەردە. وسى ۇيات سەزىمى جانۇياداعى ۇيلەسىمدىلىكتى بۇزادى. وسى ۇستانىمدى جوققا شىعارىپ, ايەلدىڭ ايەلدىك ءرولى, ەردىڭ ەركەكتىك ءرولى قانداي ەكەنىن قايتا قاراستىرۋ كەرەك. ەر ازاماتتارعا جىلاۋعا, ەموسياسىن كورسەتۋگە بولادى, بالاعا جاقىن بولۋى كەرەك, ايەلىنە جاقىن بولىپ, بالا تاربيەسى كەزىندە ءۇي شارۋاسىنا كومەكتەسۋى كەرەك دەگەن جاڭا ۇستانىمداردى قالىپتاستىرۋىمىز كەرەك. سوڭعى كەزدە بايقاپ جۇرگەنىم قوعامنىڭ پسيحولوگيالىق ساۋاتتىلىعى ارتقان سايىن, اسىرەسە جاستار تاراپى جاڭاعىداي ۇستانىمداردى قالاي دا بولسىن ۇستانىپ, كورسەتىپ كەلە جاتىر. مەن سوعان قۋانامىن. ءبىزدىڭ بولاشاق ۇرپاعىمىز قوعامدى كوتەرۋگە, ەلىمىزدى دامىعان مەملەكەتتەر قاتارىنا قوسۋعا مۇمكىندىك بار ەكەنىن كورسەتىپ جاتقانى ءۇشىن قۋانىپ ءجۇرمىن.

مەنىڭ جانە اكەمنىڭ زامانداستارى كەلىسەدى دەگەن ويدامىن. ەر ازاماتتار تۇرمىستىق تىرشىلىكتەن الشاقتاۋ. سونى ەموسيالىق تۇردە كىرگىزۋ كەرەك. مىسالى ەر ازامات ماكارون مەن كارتوپ قاي جەردە, توڭازىتقىشتا نە بار, قىسقى-جازعى كيىم قاي جەردە ەكەنىنە ارالاسىپ, ءۇيدىڭ شارۋاسىنان حاباردار بولۋى مىندەت. ول وزىنە دە جاقسى, ايەلى اۋىرىپ قالعان جاعدايدا تىرشىلىگى توقتاپ قالمايدى. كوپ جاعدايدا قىز بەن جىگىت جۇرەدى, ۇيلەنەدى, ءۇش-تورت بالاسى بولادى. انا جىگىت كەيدە ىشىمدىك ىشەدى, بالالارمەن فۋتبولعا بارام, جۇمىستارىم بار, اندا بارام, مۇندا بارام دەپ ۇيگە كەلۋگە ارەكەت جاسامايدى. ويتكەنى ۇيدەگى تۇرمىس-تىرشىلىكتەن بويىن اۋلاق ۇستاعىسى كەلەدى. سوسىن ۇيىندەگى ايەلى مەن بالالارى ءبىر كوماندا بولىپ, ؛ كۇيەۋى شەتتە قالىپ قويادى. كليەنتتەرىمنەن كوپ بايقايتىنىم, بالالارى اناسىنا جاقىن, كۇيەۋى تۇزدە. اكەسى رەسمي تۇردە سىرتتاي جانۇيا باسشىسى بولعانىمەن, ءۇيدىڭ ىشكى جاعدايىندا نە بولىپ جاتقانىن بىلمەيدى. سوسىن بالالارى اكەسىنە قارسى بولىپ وسەدى. سوندىقتان ول ءوز اكەسىنە دەگەن قارسىلىقتى, اگرەسسيانى شىعارا الماي, ءوزى جانۇيا قۇرعاندا ايەل بالالارىن سوققىش بولىپ كەلەدى. ايەل مەن ەركەك بىرگە ءبىر كوماندا بولىپ تۇرمىستىق جاعدايدى, بالا تاربيەسىن بىرگە كوتەرەتىن قوعام قالىپتاستىرۋىمىز كەرەك. سول كەزدە وسى ماسەلە شەشىلەدى دەگەن ويدامىن.