• usd 428.71

  • eur 519.12

  • rub 5.79

  • cny 66.61

16 مامىر, 22:13:24
الماتى
+11°

"ادىل ءسوز" ءسوز بوستاندىعىن قورعاۋ حالىقارالىق قورىنىڭ ساراپشىسى عاليا اجەنوۆا ەرتەڭنەن باستاپ كۇشىنە ەنەتىن "جۋرناليستەردى اككرەديتتەۋ قاعيدالارىن بەكىتۋ تۋرالى" جاڭا ەرەجە ءسوز بوستاندىعىن شەكتەيدى دەپ سانايدى.

ونىڭ ايتۋىنشا, جاڭا ەرەجەدەگى "جۇرگىزۋشى" ۇعىمى بۇدان بۇرىن ۇسىنىلعان "مودەراتور" اتاۋىنىڭ وزگەرتىلگەن ءتۇرى.

 ؛

&ndash؛ بريفينگ كەزىندە جۋرناليستەردىڭ ءسوزىن ءبولىپ, كەدەرگى جاساپ, ميكروفوندارىن ءوشىرىپ قوياتىن جاعداي ءجيى بولاتىن. بۇعان جۋرناليستەر ۇدايى شاعىمداناتىن. سول شاعىمداردان كەيىن "مودەراتوردى" "جۇرگىزۋشى" دەپ وزگەرتكەن تۇرلەرى عوي. بيلىك وسى وزگەرىس ارقىلى حالىققا شىنايى اقپارات جەتكىزبەي, بريفينگتەر بارىسىن وزدەرى قۇرعان سەناريي بويىنشا جۇرگىزگىلەرى كەلەدى. ياعني جاڭا ەرەجەگە ساي, جۋرناليستەر بريفينگتىڭ بەكىتىلگەن تاقىرىبى اياسىندا عانا سۇراق قويا الادى. ەگەر ولار تاقىرىپتان اۋىتقىسا, ء"سىز بريفينگتىڭ ءتارتىبىن بۇزدىڭىز" دەۋى ابدەن مۇمكىن, &ndash؛ دەيدى ساراپشى.

 ؛

قور وكىلى وسى ەرەجە شەنەۋنىكتەرگە ارقاسىن كەڭگە سالۋعا مۇمكىندىك بەرەتىنىن ايتادى.

&ndash؛ شەنەۋنىكتەر بەلگىلى تاقىرىپ بويىنشا عانا دايىندالىپ كەلەدى. توتەسىنەن قويىلاتىن سۇراقتاردىڭ بولمايتىنىنا سەنىمدى بولىپ وتىرادى. ءتىپتى كەيبىر ساۋالدارعا بەرەر جاۋابى بولماعان جاعدايدا دا ەش ساسپايدى. ويتكەنى بريفينگ جۇرگىزۋشىسى ونى قۇتقارا سالادى, &ndash؛ دەپ اتاپ ءوتتى ول.

عاليا اجەنوۆانىڭ ايتۋىنشا, جاڭا ەرەجە كارانتين كەزىندە قابىلدانۋىنىڭ وزىندىك استارى بار.

 ؛

&ndash؛ ەلدە لوكداۋىن 28 ناۋرىزعا دەيىن جاريالاندى, ال ەرەجە 27 ناۋرىز, ياعني ەرتەڭ كۇشىنە ەنەدى. ۇزاققا سوزىلعان ساعىز سەكىلدى وسى اككرەديتتەۋ ەرەجەسىنىڭ اڭگىمەسى 2013 جىلى باستالىپ, ارتىنان 2018 جىلى جالعاسىپ, مىنە, ەندى 2021-دە, جۇرتتىڭ دا, جۋرناليستەردىڭ دە جۇيكەلەرى توزىپ, شارشاعان, كارانتين مەزگىلىندە جۇزەگە اسپاق. قاربالاس كەزدە ونى تىقپالاۋدىڭ قاجەتى قانشا؟ بۇكىل ۆەدومستۆولار جانە مينيسترلىكتەردىڭ ساراپتاۋىنان وتكەن, ولارمەن اقىلداسقان, ال نەگىزگى قىزمەتتى اتقاراتىن جۋرناليستەرگە ۇسىنۋ, اقىلداسىپ كەڭەسۋگە مۇمكىندىك تاپپاعان. سوندا بۇل كارانتين كەزىندەگى ءتۇرلى ساۋالداردان قورعانۋ ماقساتىنداعى ارەكەت پە؟, &ndash؛ دەيدى ساراپشى.

 ؛

قور وكىلىنىڭ پىكىرىنشە, قازاقستاندا جۋرناليستەردىڭ قۇقىعى جىلدان جىلعا شەكتەلىپ كەلەدى. ماسەلەن, كەيبىر تۇلعالار, شەنەۋنىكتەر, "ار-نامىسىمدى, بەدەلىمدى تومەندەتتى, جالا جاپتى" دەپ ءجۋرناليستى بىردەن سوتقا سۇيرەيتىن جاعدايلار از ەمەس. ميتينگ, بەيبىت جيىن, سپورتتىق جارىستار, بۇقارالىق ءىس-شارالار كەزىندە تۇسىرىلگەن سۋرەتتەر ءۇشىن دە جۋرناليستەردىڭ ۇستىنەن ارىزدانعان ساتتەر ۇشىراسقان.

&ndash؛ بۇنىڭ بارلىعى قازاقستانداعى جۋرناليستەر قىزمەتىنە كەدەرگى جاساۋ, ءسوز ەركىندىگىن شەكتەۋ. وسى ارقىلى بيلىك "سەنزۋراعا تىيىم سالىنعان" كونستيتۋسيامىزدىڭ 20-بابىنا نۇقسان كەلتىرىپ, نەگىزگى زاڭدى بۇزۋعا ارەكەت ىستەپ وتىرعاندارىن تۇسىنە مە, جوق پا, كۇمانىم بار. ولار مۇنى "كونستيتۋسياعا قارسى شىقتىق" دەمەيدى, وسىنداي ەرەجەلەر قابىلداۋ ارقىلى ارەكەتتەرىن جۇزەگە اسىرادى, &ndash؛ دەيدى ساراپشى.
ايزادا بيدان

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر