ميتينگكە شىققان دەموكراتيالىق پارتيا باستاماشىل توبىنىڭ مۇشەلەرى الماتىداعى بالۋان شولاق اتىنداعى سپورت سارايىنىڭ ماڭىندا ارنايى جاساق قورشاۋىندا تۇرعانىنا 8 ساعاتتان استى.

پوليسەيلەر بەلسەندى ابزال دوستياروۆتى ۇستاپ الىپ كەتكەنى حابارلاندى.

نارازى توپ سپورت سارايىنىڭ الدىنان رەسپۋبليكا الاڭىنا قاراي ءجۇرىپ وتپەك بولعان. ءبىراق اباي مەن بايتۇرسىنوۆ كوشەلەرىنىڭ قيىلىسىندا ارنايى جاساق "كەتتلينگ" ءادىسىن قولدانىپ قورشاۋعا الىپ, تۇسكى 12-دەن بەرى ۇستاپ تۇر.

بەلسەندىلەر مەن ارنايى جاساق قاقتىعىستارىنىڭ بىرىندە ەكى ايەل "قابىرعامدى سىندىردى" دەپ دەنساۋلىعىنا شاعىندى. ولاردىڭ ءبىرىن جەدەل جاردەم كولىگى الىپ كەتتى.

قالعان بەلسەندىلەر قورشاۋدا تۇر. ولارعا جانى اشىعان ازاماتتار اراسىندا سىرتتان اس-سۋ سالىنعان پاكەتتەر لاقتىرۋدا. اجەتحاناعا بارعىسى كەلەتىندەردى پوليسيا بىر-بىرلەپ اپارىپ, قايتادان قورشاۋدىڭ ىشىنە كىرگىزىپ جاتىر. ءماجىلىس سايلاۋى كۇنگى ميتينگتە بەلسەندىلەرگە اجەتحاناعا بارۋعا رۇحسات بەرمەي, كەيبىرى سول جەردە قاجەتىن وتەۋگە ءماجبۇر بولعان.

قورشاۋداعى بەلسەندىلەر دىبىس ۇلعايتقىشپەن "جەر ساتىلماسىن", "نەسيە امنيستياسى جاريالانسىن", "ساياسي تۇتقىنداردى بوساتىلسىن" نازارباەۆ, كەت", "ەۋروپارلامەنت قارارى ورىندالسىن" دەپ ۇرانداتىپ, وزدەرىن بوساتپايىنشا تۇراتىنىن مالىمدەۋدە.

قازىرگى ۋاقىتتا الماتىدا -4 گرادۋس سۋىق.

 ؛

 ؛

 ؛

"قامشى" سىلتەيدى
ىلمەك سوزدەر: الماتىداعى ميتينگ

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر