«ەسپ»: تەگىن قىزمەتتى ساتىپ جاتقان كىمدەر؟

«؛سيفرلى قازاقستان»؛, «؛حالىق ۇنىنە قۇلاق اساتىن مەملەكەت»؛, «؛ەلەكتروندى قۇجات اينالىمى»؛ دەپ جارياعا جار سالعاندا ىسقىرىعىمىز جەر جارادى, ءبىراق «؛ايداعانىمىز راسىندا دا بەس ەشكى»؛ دەڭگەيىندە. ويتكەنى ۇكىمەتتەگى كەز كەلگەن جيىندا جوعارىداعى ۇعىمدار مىندەتتى تۇردە ءبىر قوزعالادى. ال حالىق اراسىندا ول جۇيەلەردىڭ جۇزەگە اسۋى قالاي؟ ماسەلە وسىندا!

جاڭا جىلدان سوڭ ەسق الۋ ءۇشىن نوۋتبۋگىمدى قوستىم. الدىمەن ncalayer باعدارلاماسىن نوۋتبۋكقا ورناتۋ قاجەت ەكەن. عالامتوردان جۇكتەپ تە, ليسەنزياسى بار باعدارلامانى ورناتىپ تا كوردىم. عالامتور جىلدامدىعىنىڭ السىزدىگىنەن باعدارلاما ورناتىلمادى. بۇل ونلاين قىزمەتكە جۇگىنگىسى كەلەتىن حالىقتىڭ كەزدەسەتىن ەڭ ءبىرىنشى ماسەلەسى!

جاقىندا «؛2021 جىلى ەلوردادا, ال 2025 جىلى رەسپۋبليكالىق ماڭىزى بار قالالار مەن وبلىس ورتالىقتارىندا 5g ينتەرنەتى قوسىلادى»؛ دەگەن رەسمي حابارلاما تارادى. شىنى كەرەك, ءقازىر تاريفكە ساي اقىسىن تولەپ وتىرساڭ دا, نە قولىمىزداعى تەلەفونىمىز, نە روۋتەرىمىز 4g ۇستامايدى. ياعني, ەلىمىزدەگى عالامتور جىلدامدىعى تەك مەملەكەتتىك مىنبەرلەردە عانا جوعارىلاپ جاتىر, ال حالىق قولدانىپ وتىرعان عالامتور جىلدامدىعىن تاۋعا شىعىپ, ءۇيدىڭ شاتىرىندا وتىرىپ ساباق وقىپ جۇرگەن وقۋشىلار دەڭگەيىنەن-اق بايقاۋعا بولادى.

كومەك سۇراپ 1414 ءبىرىڭعاي بايلانىس قىزمەتىنە قوڭىراۋ شالدىم. 45 مينۋتتاي جەلىدە كۇتكەن سوڭ, بۇدان ارتىق كۇتۋگە ءتوزىمىم جەتپەي جاقىن ورنالاسقان حالىققا قىزمەت كورسەتۋ ورتالىعىنا بەت الدىم. بۇل ەسق الۋداعى ەكىنشى ماسەلە. كەيدە ونلاين كەڭەس سۇراۋ ءۇشىن قوڭىراۋ شالساڭ ساعاتتاپ كۇتسەڭ دە, قوڭىراۋعا جاۋاپ الا المايسىڭ. ياعني ونلاين قىزمەت قولجەتىمسىز.

ەرىكسىز كارانتيندىك جاعدايعا قاراماستان حقو-نى بەتكە الدىم. ورتالىقتىڭ الدىنا جاقىنداعانىم سول, «؛ەسق اشامىز, ەسق جاڭارتىپ بەرەمىز, مىڭ تەڭگە»؛ دەگەن جاس جىگىتتەر جولىمدى كەس-كەستەي بەردى. بايقاسام, ورتالىقتىڭ الدىندا ءتۇرلى نوتاريۋس قىزمەتىمەن قوسا, «؛ەسق اشامىز»؛ دەگەن حابارلاندىرۋلار دا قاپتاپ كەتىپتى. بۇل ءۇشىنشى ماسەلە. وسىلايشا, جۇيەنىڭ ءوزى قىزمەتتى ۇيدەن قولجەتىمسىز ەتىپ, اۋادان اقشا جاساپ, تەگىن قىزمەتتى ساتىپ جۇرگەندەرگە ايداپ اكەلەتىن سەكىلدى....

ار ادامنىڭ جەكە دەرەك قورى ساقتالاتىن دەربەس ەلەكتروندىق سيفرلىق قولتاڭباسى قالايشا كەز كەلگەن جەردە, كوشەدە اشىلا بەرۋى كەرەك؟! جەكەلەگەن ادامدارعا ەسق اشۋ قۇزىرەتىن كىم بەرگەن؟ تەگىن قىزمەت قالايشا, ءدال حالىققا قىزمەت كورسەتۋ ورتالىعىنىڭ الدىندا اقىلى ساۋدالانىپ جاتىر؟ جالپى قوعامنىڭ دامۋىنا حالىق ىلەسە الىپ جاتىر ما؟ ۇلكەن مىنبەرلەر مەن كابينەتتەردە عانا ايتىلاتىن ەلەكتروندىق قۇجات اينالىمى ۇعىمىنىڭ حالىق ىشىندە جۇمىس ىستەۋى قالاي؟

ايتپاقشى, whatsapp قوسىمشامدا ءوزىم تۇراتىن ايماق تۇرعىندارىنا ارنالعان ارنايى چات بار. كەشە كەشكىسىن, «؛ەسق اشا الماي وتىرمىن, بالاباقشا ءۇشىن»؛ دەپ ءبىر كەلىنشەكتىڭ سمس جازعانى سول, كەلەسى تۇرعىن ء«؛سات»؛ دۇكەنىنە بارساڭ, 2000 تەڭگەگە اشىپ بەرەدى دەپ ء«؛جون سىلتەدى»؛. سيفرلانعان قازاقستان ازىرگە وسى بولىپ تۇر...