قازاقستان پرەزيدەنتى بەينەكونفەرەنسيا فورماتىندا وتكەن شەتەلدىك ينۆەستورلار كەڭەسىنىڭ جيىنىنا قاتىسىپ, 2021 جىلى كۇشىنە ەنەتىن جاڭا كودەكس تۋرالى ايتتى. جيىن بارىسىندا كوتەرىلگەن ءبىرقاتار ماسەلەلەر akorda.kz سايتىندا جاريالاندى. ؛

بەينەكونفەرەنسيادا كوروناۆيرۋس پاندەمياسى كەزىندە قازاقستانداعى ەكونوميكالىق, ينۆەستيسيالىق بەلسەندىلىكتى قالپىنا كەلتىرۋ, سونداي-اق ەلدىڭ مۇناي-گاز سەكتورىنىڭ ينۆەستيسيالىق تارتىمدىلىعىن ارتتىرۋ جانە دامىتۋ ماسەلەلەرى ەگجەي-تەگجەيلى قارالدى. مەملەكەت باسشىسىنىڭ ايتۋىنشا, پاندەميا كەزىندە مەملەكەت بيزنەس پەن حالىقتى قولداۋ ءۇشىن بۇرىن-سوڭدى بولماعان كەشەندى شارالار قابىلداعان. بۇل داعدارىستىڭ جاعىمسىز سالدارىن ازايتۋعا جانە ەكونوميكانىڭ قۇلدىراۋىنىڭ الدىن الۋعا مۇمكىندىك بەردى.

قاسىم-جومارت توقاەۆ ءبىرقاتار ۇسىنىس پەن باستاما كوتەردى. سونىڭ ءبىرى &ndash؛ ەكولوگيالىق كودەكس ماسەلەسى. ؛

پرەزيدەنت جيىنعا قاتىسىپ وتىرعان شەتەلدىك ازاماتتارعا جاڭا ەكولوگيالىق كودەكستىڭ ازىرلەنىپ جاتقانى تۋرالى ايتتى. اتالعان كودەكس ەكونوميكالىق ىنتىماقتاستىق جانە دامۋ ۇيىمىنا مۇشە ەلدەردىڭ وزىق تاسىلدەرى نەگىزىندە دايىندالعان.

"بۇل تەحنولوگيانى ەنگىزگەن كاسىپورىندار ەميسسيا تولەمىنەن بوساتىلادى. مەملەكەت ەكولوگيالىق شىعىنداردى كاسىپورىندارمەن بولىسەتىن مۇنداي تاجىريبەنى كەز كەلگەن ەل قولدانا بەرمەيتىنىن اتاپ وتكىم كەلەدى. شىن مانىندە, بۇل مەملەكەتتىك-جەكەمەنشىك ارىپتەستىكتىڭ اۋقىمدى جوباسى. ءبىز مۇنداي قادامعا سانالى تۇردە بارىپ وتىرمىز. وسى ورايدا بيزنەس وكىلدەرى كەلىسىمدەگى ءوز مىندەتتەمەلەرىن تولىققاندى ورىندايدى دەپ ويلايمىز", &ndash؛ دەدى قاسىم-جومارت توقاەۆ.

سونداي-اق قاسىم-جومارت توقاەۆ وتاندىق فارماسەۆتيكا سالاسىن دامىتۋدىڭ ماڭىزدى ەكەنىن ايتتى. پرەزيدەنت 2025 جىلعا قاراي قازاقستان دارى-دارمەك ءوندىرىسىنىڭ ۇلەسىن 50 پايىزعا دەيىن ارتتىرۋدى كوزدەپ وتىرعانىن مالىمدەدى. سونداي-اق مەديسينالىق جابدىقتار مەن قوسالقى ماتەريالدار ءوندىرىسىن ۇلعايتۋ قاجەت. بۇل سالالار ينۆەستيسيا ءۇشىن اشىق, مەملەكەت مۇنداي جوبالاردى تولىق قولدايتىن بولادى.

قاسىم-جومارت توقاەۆ بولاشاقتا تەڭىز, قاراشىعاناق جانە قاشاعان كەن ورىندارىن كەڭەيتۋ سياقتى ءىرى مۇناي-گاز جوبالارىن ۋاقىتىلى اياقتاۋدىڭ ماڭىزدىلىعىن اتاپ ءوتتى. پرەزيدەنت قاشاعان كەن ورنىن تولىق كولەمدە يگەرۋگە كوشۋ كەرەك ەكەنىن ايتىپ, وندا گاز وڭدەۋ زاۋىتىن سالۋدى جەدەل ىسكە اسىرۋدى تاپسىردى.

پرەزيدەنت مۇناي-گاز جوبالارىندا قازاقستاندىق مازمۇندى ارتتىرۋ قاجەتتىگىنە توقتالدى. ونىڭ ايتۋىنشا, بۇل ماسەلەدە ساننان ساپاعا كوشەتىن ۋاقىت كەلدى.

مەملەكەت باسشىسى قورشاعان ورتانى قورعاۋ مەن كومىر قىشقىلىن از پايدالاناتىن ەكونوميكانى دامىتۋدىڭ ماڭىزدى ەكەنىن اتاپ ءوتتى. 2021 جىلى حالىقارالىق ستاندارتتارعا ساي جاڭا ەكولوگيالىق كودەكس كۇشىنە ەنەدى. مەملەكەت باسشىسى قىزىعۋشىلىق تانىتقان قاتىسۋشىلاردى اتالعان اۋقىمدى ساياسي قۇجاتقا ءوز ۇلەستەرىن قوسۋعا شاقىردى.

"ۇكىمەت بۇگىنگى جيىندا ايتىلعان بارلىق پروبلەمالاردى شەشۋمەن اينالىساتىن بولادى. شەشىم قابىلداۋ بارىسىندا بىزگە سەرپىلىس قاجەت دەپ ويلايمىن. ەل پرەزيدەنتى رەتىندە شەشىم قابىلداۋ پروسەسىن جانە ءبىزدىڭ ءىرى سەرىكتەستەرىمىزبەن, دوستارىمىزبەن اراداعى ءىس-قيمىلدىڭ دامۋ بارىسىن ءجىتى قاداعالايتىن بولامىن", &ndash؛ ؛ دەدى مەملەكەت باسشىسى.

ىلمەك سوزدەر: توقاەۆ جاڭا كودەكس

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر