فوتو: tengrinews.kz
اتىراۋ وبلىسىندا وقۋشى قىز اگرەسسيۆتى اتا-اناسىنان قورعاۋ تۋرالى وتىنىشپەن ۆيدەوۇندەۋ جاريالادى.
وقۋشىنىڭ instagram-داعى پاراقشاسىندا جاريالانعان ۆيدەودان اكەسى جۋىلماعان ىدىس-اياق ءۇشىن قىزىنا ۇرسىپ جاتقاننىن كورۋگە بولادى.
"وتىنىش, كومەكتەسىڭىزدەرشى!. مەن ولارمەن (اتا-اناممەن - رەد.) كۇن سايىن ءبىر شاڭىراق استىندا ءومىر سۇرۋگە قورقامىن. بۇل زورلىق-زومبىلىققا بىرنەشە جىلدان بەرى شىداپ كەلەمىن. مەن ونى (ۆيدەونى - رەد.) جاريالاۋ ارقىلى دۇرىس ىستەپ جاتىرمىن با بىلمەيمىن. ماعان ءقازىر جانە ەرتەڭ نە بولارى بەلگىسىز" دەلىنگەن قىزدىڭ جازباسىندا.
كادر ارتىندا قىزدىڭ اكەسىنە ۆيدەونى جەلىگە جاريالايتىنىن ەسكەرتكەنى ەستىلەدى.
كەيىنىرەك قىز اتا-اناسىنىڭ رەاكسياسىنان قورقاتىندىقتان, ۆيدەونى كوپ جاريالاماۋدى وتىنگەن جازبا جاريالادى.
پوليسيا ءىستى باقىلاۋعا العانىن ايتتى.
"اتىراۋ وبلىسى پوليسيا دەپارتامەنتى الەۋمەتتىك جەلىلەردەگى مونيتورينگ بارىسىندا ەر ادامنىڭ (اكەنىڭ) كامەلەتكە تولماعان قىزىنا ۇرىسىپ, بەيادەپ سوزدەر ايتقان بەينەجازبانى انىقتادى.
فاكتى بويىنشا قازاقستان قىلمىستىق كودەكسىنىڭ 140 - بابى "كامەلەتكە تولماعان بالانى تاربيەلەۋ جونىندەگى مىندەتتەردى ورىنداماۋ" بويىنشا سوتقا دەيىنگى تەرگەۋ جۇرگىزىلۋدە" دەلىنگەن پوليسيا دەپارتامەنتىنىڭ ءباسپاسوز قىزمەتى تاراتقان حابارلامادا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر