10 شىلدە, 2020 news
كورنەكى سۋرەت
پرەزيدەنت توقاەۆ ۇكىمەتتىڭ كەڭەيتىلگەن وتىرىسىندا كۇزدە باستالاتىن 2020-2021 جىلعى وقۋ ماۋسىمىنا دايىندىق بارىسىنا نازار اۋداردى.
ول مەكتەپتەردىڭ بالانسىنداعى 400 مىڭنان استام كومپيۋتەردىڭ تەك 40 پايىزى عانا ىسكە جارامدى بولعانى اشكەرەلەنگەنىن ەسكە سالىپ, اكىمدىكتەر جاڭا وقۋ جىلىنا دەرەۋ دايىندالىپ, مەكتەپتەر مەن جەكەلەگەن مۇقتاج وتباسىلاردى قاجەتتى تەحنيكامەن جابدىقتاۋعا ءتيىس ەكەنىن اتاپ ءوتتى.
پرەزيدەنت 1 قىركۇيەكتە باستالاتىن وقۋ جىلىنا مينيسترلىكتىڭ دايىن ەكەنىنە كۇمانداناتىنىن ايتىپ, "بالالار ىشتەي وقي ما, الدە قاشىقتان وقي ما, جاڭا وقۋ جىلىنا مۇعالىمدەر دايارلىعى قانداي" دەگەن ساۋالداردىڭ مازالايتىنىن جەتكىزدى.
سونداي-اق ول قاشىقتان وقىتۋ ادىسىنە كوشۋ ءىسى ينفراقۇرىلىم مەن ينتەرنەت ساپاسىنا قاتىستى ەلەۋلى ماسەلەلەردىڭ بار ەكەنىن كورسەتكەنىن, مۇعالىمدەردىڭ 20 پايىزدان استامى ۇيلەرىندە تولىققاندى ينتەرنەت پەن كومپيۋتەر جوق بولعاندىقتان, قاشىقتان ءتيىمدى وقىتا الماعانىن ايتتى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر