14 اقپان, 2020 news
zakon.kz
اقتوبەدەگى تەررورلىق اكتىگە قاتىسقانى ءۇشىن ءومىر بويىنا باس بوستاندىعىنان ايىرۋ جازاسىنا كەسىلگەن ؛اسحات يمانعاليەۆ وز-وزىنە قول جۇمساعان. ول ارقالىق قالاسىنىڭ ماڭىنداعى جابىق تۇرمەدە جازاسىن وتەپ جاتقان. بۇل تۋرالى ىشكى ىستەر مينيسترلىگىنىڭ قىلمىستىق-اتقارۋ جۇيەسى كوميتەتى حابارلادى, دەپ جازادى ازاتتىق.
ىشكى ىستەر مينيسترلىگى قىلمىستىق-اتقارۋ جۇيەسى كوميتەتى ءتوراعاسى مىندەتىن اتقارۋشى تەنيزجان جانىبەكوۆ قۇزىرلى ورگانداردىڭ سوتقا دەيىنگى تەرگەۋدى جۇرگىزىپ جاتقانىن جەتكىزدى. ول تەرگەۋ امالدارىنىڭ بارىسى قۇپيا بولعاندىقتان, مالىمەت بەرۋدەن باس تارتتى.
اسحات يمانعاليەۆ 1986 جىلى اقتوبە وبلىس, قوبدا اۋىلىندا دۇنيەگە كەلگەن. تۇرمەگە تۇسكەنگە دەيىن اقتوبەدەگى ساۋدا ورتالىقتارىنىڭ بىرىندە ۇيالى تەلەفون ساتۋمەن اينالىسقان. تەرگەۋ مالىمەتىنشە, ول پاللادا قارۋ-جاراق دۇكەنى مەن اسكەري بولىمگە قارۋلى شابۋىل جاساعانداردىڭ قۇرامىندا بولعان.
2016 جىلعى 5 ماۋسىمدا اقتوبەدە قارۋ-جاراق ساتاتىن دۇكەن مەن اسكەري بولىمگە ءبىر توپ ازاماتتىڭ قارۋلى شابۋىلى سالدارىنان ءتورت جەرگىلىكتى تۇرعىن مەن ءۇش اسكەري قىزمەتكەر قازا تاپتى. ارنايى وپەراسيا ناتيجەسىندە 20 شاقتى ادام ۇستالىپ, تەررورلىق شابۋىلعا قاتىسقان 18 ادام قاتاڭ جازاعا تارتىلدى.
2016 جىلعى 28 قاراشادا اقتوبەدەگى سوت تەرروريستىك شابۋىلعا قاتىسقان 29 ادامعا ۇكىم شىعاردى. جەتى ادام ءومىر بويىنا باس بوستاندىعىنان ايىرىلدى. قالعان ايىپتالۋشىلارعا ەكى جىلدان 22 جىلعا دەيىن باس بوستاندىعىنان ايىپۋ جازاسى تاعايىندالدى. ءبىر ادام تەررورلىق توپ تۋرالى مالىمەتتى جاسىرعانى ءۇشىن ءتورت جىلعا باس بوستاندىعىنان ايىرىلدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر