نازارباەۆتىڭ كومەكشىسى پرەمەر بولىپ, نەمەرە ءىنىسى ۇقك-نى باسقارادى

yvision.kz ؛اقپارات پلاتفورماسىنىڭ انتون ەسىمدى اۆتورى بيلىك ءترانزيتىنىڭ اياسىندا ءبىرقاتار ستراتەگيالىق ماڭىزى بار كادرلىق اۋىس-تۇيىستەردىڭ بولاتىن جازدى.

اۆتوردىڭ ءوز دەرەككوزدەرىنە سۇيەنىپ حابارلاۋىنشا, ۇكىمەت باسشىسى اسقار مامين ورنىن بوساتادى. ونىڭ جۋىردا عانا ەلباسى قابىلداۋىندا بولۋى سونى ايعاقتايدى.

ماميننىڭ ورنىنا بۇعان دەيىن مينيسترلەر كابينەتىن ەكى مارتە باسقارعان, نازارباەۆتىڭ كومەكشىسى بولعانىن, بولا دا بەرەتىنىن ايتقان كارىم ءماسىموۆ كەلەدى دەپ كۇتىلۋدە. ال ءماسىموۆتى الماستىرۋعا, ياعني ۇلتتىق قاۋىپسىزدىك كوميتەتىنىڭ ءتوراعاسى لاۋازىمىنا قازاقستانداعى ەڭ جاس گەنەرال-لەيتەنانت, نازارباەۆتىڭ نەمەرە ءىنىسى سامات ءابىش تاعايىندالماق.

puls-zko.kz ؛سايتىنىڭ اۆتورى دانا دۇيسەكەنوۆانىڭ جازۋىنشا, سامات ءابىشتىڭ ساياسي ءمانسابى مۇنىمەن توقتاماي, "كگب" اگەنتى بولعان پۋتين سياقتى پرەزيدەنت اتانىپ كەتۋى دە عاجاپ ەمەس. بۇنداي سەناريي "كەلەسى پرەزيدەنت كىم بولادى؟" دەگەن ساۋال توڭىرەگىندە داريعا نازارباەۆا سەنارييىمەن قاتار ايتىلىپ ءجۇر.

سونداي-اق دانا دۇيسەكەنوۆا پرەزيدەنت اكىمشىلىگى ءتوراعاسىنىڭ بۇرىنعى ورىنباسارى دارحان كالەتاەۆتىڭ ازىرگە ەش قىزمەتكە بارماۋىن وعان جاسالىنعان اقپاراتتىق شابۋىلمەن بايلانىستىرادى. اۆتور ماقالاسىندا يدەولوگ دارحان كالەتاەۆتىڭ "مەملەكەتتىك" بلوگەرلەردىڭ تۇتاس بۋىنىن جاساقتاعانىن, باق دەڭگەيىن كوتەرگەنىن, بىرنەشە ءساتتى مەديا-جوبالاردى ىسكە قوسقانىن, ؛كالەتاەۆتىڭ ەندى ءبىر وبلىسقا باسشى نەمەسە زەينەتكە كەتكەن تاسماعامبەتوۆتىڭ ورنىنا بارۋى مۇمكىن ەكەنىن اتاپ وتكەن.