ساعىنتاەۆ الماتىداعى قوعامدىق كولىكتەر تۋرالى: "؛قىزمەت كورسەتۋ ساپاسى تومەن"؛

جولاۋشى تاسىمالىنىڭ قاۋىپسىزدىگىن قامتاماسىز ەتۋ ماقساتىندا الماتى اكىمى باقىتجان ساعىنتاەۆ ءبىرقاتار تاپسىرمالار بەردى ؛دەپ حابارلايدى qamshy.kz اقپارات اگەنتتىگى. ؛

ول تۋرالى قالا اكىمى فەيسبۋك الەۋمەتتىك جەلىسىندە جازدى. ؛

"بۇگىن اكىمدىكتە قوعامدىق كولىك سالاسىنىڭ جۇمىسىن جەتە قارادىق. ناقتىلى جۇمىستار جۇرۋدە. جىلجىمالى سوستاۆتىڭ اۆتوبۋس پاركى جاڭارۋدا. جولايرىقتارىن سالۋ جالعاسۋدا. دەگەنمەن, شەشىمىن كۇتكەن ماسەلەلەر بار", - دەدى اكىم.

بىرىنشىدەن, اۆتوبۋس پاركتەرى ءۇشىن بىلىكتى كادرلار &mdash؛ جۇرگىزۋشىلەر, سەرۆيستى ماماندار, ياعني سلەسارلار مەن مەحانيكتەر جانە باسقالارى جەتىسپەيدى. ولاردى دايارلاۋدىڭ جۇيەسى جوق. قالالىق موبيلدىلىك (تەلىباەۆقا) جانە ءبىلىم (قوجابەرگەنوۆا) باسقارمالارىنا بىلىكتى كادرلار دايىنداۋدىڭ ناقتىلى شارالارىن جاساۋدى تاپسىردىم. بۇل جۇمىستى كادرلار قاجەتتىلىگىنە بولجام جاساپ ۋاقىتىلى ءارى كوللەدجدەردىڭ وقۋ جوسپارىنا ساي جۇرگىزگەن ءجون. اپتا ىشىندە تەلىباەۆ بۇل پروسەسستى ۇيىمداستىرۋدىڭ ناقتىلى مەحانيزمىن ۇسىنۋى ءتيىس.

ەكىنشىدەن, ەكولوگيالىق تازا كولىك &mdash؛ الماتىنىڭ تروللەيبۋس جەلىسى دۇرىس باعالانباي كەلەدى. بۇلارداعى بايلانىس جەلىلەرى توزعان, كۇن سايىن ءۇزىلىپ جاتادى. اكىمدىككە قالانىڭ بارلىق تروللەيبۋس جەلىسىن جوندەۋدى تاپسىردىم. بيىلعى جىلدىڭ وزىندە تيميريازەۆ كوشەسى بويىنداعى بارلىق 5,1 كم جەلى اۋىستىرىلادى. قاجەتتى قارجىنى بولەمىز. جاڭا تروللەيبۋستاردى ساتىپ الۋ جۇمىستارىن قاتار جۇرگىزىپ, كەلەر جىلى جاڭا باعىتتاردى اشامىز. قازىرگى كەزدە ترانسفورماتورلارى قوسالقى ستانسيالاردىڭ قۋاتتارى ءالسىز, سوندىقتان ولاردى دا جاڭارتۋدى قولعا الامىز. ءبىر سوزبەن ايتقاندا, الماتىنىڭ تروللەيبۋس جەلىسى &mdash؛ ەلىمىزدەگى ەڭ ءىرى كولىك تارماعى.

ۇشىنشىدەن, قالا سىرتىنا تاسىمالداۋ ماسەلەسى ءپىسىپ جەتىلگەن سياقتى. كۇن سايىن 61 باعىت بويىنشا 600 اۆتوبۋس قاتىنايدى. قىزمەت كورسەتۋ ساپاسى تومەن. اۆتوبۋستاردىڭ باسىم بولىگى توزعان. سوندىقتان بۇل ماسەلەنى دە رەتكە كەلتىرگەن ءجون. ەسكى كولىكتى اۋىستىرىپ, جولاۋشىلارعا بيلەت بەرۋ جۇيەسىن اشىق ەتۋ قاجەت. قالالىق موبيلدىلىك باسقارماسىنا (تەلىباەۆقا) قالدا مودەلىن ۋنيفيكاسيالاۋ شارالارىن قاراستىرۋدى تاپسىردىم.

بۇل شارالاردىڭ باستى ماقساتى &mdash؛ قالالىقتارعا ساپالى كولىك قىزمەتىن كورسەتۋ جانە جولاۋشى تاسىمالىنىڭ قاۋىپسىزدىگىن قامتاماسىز ەتۋ.