مەملەكەتتىك قۋىرشاق تەاترى حالىقارالىق كۋكart فەستيۆالىندە ونەر كورسەتەدى!

مەملەكەتتىك قۋىرشاق تەاترى &ndash؛ رەسپۋبليكا تاريحىنداعى تۇڭعىش قۋىرشاق تەاترى. قازاق جەرىندە وتكەن عاسىردىڭ باسىندا پايدا بولعان قارا شاڭىراق بۇگىندە بىرنەشە بۋىن جاستاردى تاربيەلەپ, بالدىرعانداردىڭ جان-جاقتى ازامات بولىپ قالىپتاسۋىنا ءوز ۇلەسىن قوسىپ كەلەدى.

84 جىلدىق تاريحى بار تەاتر تاياق قۋىرشاقتان باستاپ, بۇگىنگى زامان اعىمىنا ساي كۇردەلى ماريونەتكالار, سوڭعى ۇلگىدەگى تەحنيكالىق-لازەرلى كوركەمدەۋلەرمەن جابدىقتالعان. جاڭاشىلدىققا جانى قۇمار ساحنانىڭ بۇل سالاسى, جالپى تەاتر ونەرىنە جۇكتەلەر قوعامدىق سالماقتى تەڭ تۇرعىدا كوتەرۋدە. ەلىمىزدە جانە شەت ەلدە وتكەن حالىقارالىق, رەسپۋبليكالىق تەاتر فەستيۆالدەرىندە بيىك بەلەستەردى باعىندىرعان ۇجىمنىڭ العا قويعان باعىتى مەن باعدارى دا ايقىن. ول &ndash؛ قازاقتىڭ قۋىرشاق تەاترى ونەرىن وركەندەتۋ, كەشەگى مەن بۇگىنگى ءومىر اراسىن ونەردىڭ بيىك شىڭى ارقىلى شىنايى كورسەتە ءبىلۋ.

وسى ماقساتتا تەاتر ۇجىمى اعىمداعى جىلدىڭ 22-30 ماۋسىم كۇندەرى ارالىعىندا رەسەيدەگى xxv حالىقارالىق كۋكart قۋىرشاق تەاتر فەستيۆالىنە قاتىسادى. اتالمىش فەستيۆال ماريونەت ەۆگەنيي دەممەن اتىنداعى سانكت-پەتەربۋرگ تەاترىنىڭ 100 جىلدىعىنا ارنالماق. ۇزدىكتەر باس قوساتىن ونەر وردالارىنىڭ قاتارىندا مەملەكەتتىك قۋىرشاق تەاترىنىڭ اتىنان «؛انا جۇرەگى»؛ (اۆتورى: ە.يونوۆ, رەجيسسەرى: ا.زايسەۆ) درامالىق قويىلىمى باق سىنايدى. بۇل &ndash؛ ءبىزدىڭ ۇجىم ءۇشىن زور جەتىستىك. سپەكتاكلدىڭ تاقىرىبى مەن كورەرمەنگە بەرەر ويى, مازمۇنى مەن ماڭىزى ەرەكشە.

قانشاما عاسىر وتسە دە, ءومىردىڭ كىلتىن ۇستاپ تۇرعان «؛انا»؛ مەن «؛بالا»؛ ۇعىمى ەشقاشان قۇندىلىعىن جوعالتقان ەمەس. انا بالاعا, بالا اناعا تاۋەلدى. ءبىراق, بۇگىنگى زاماندا ءبىز بۇل تۇسىنىكتى قالاي قابىلدايمىز؟!. مىنە, وسى ساۋالعا جاۋاپ ىزدەيتىن قويىلىم قۋىرشاقتار بەينەسىندە ءتىل قاتىپ, كورەرمەنگە ەرەكشە اسەر قالدىراتىنى انىق. قويىلىمداعى انا ءرولىن اكتريسا ت.تلەۋليەۆا, بالا بەينەسىن ر.ابۋ ساحنالايدى.

كۋكart حالىقارالىق قۋىرشاق فەستيۆالى 1993 جىلدان بەرى وتكىزىلىپ كەلە جاتقان قايىرىمدىلىق باعىتتاعى كوممەرسيالىق ەمەس جالعىز فەستيۆال. ءتۇرلى ەلدەر مەن حالىقتار اراسىنداعى مادەني كوپىرگە اينالعان بيىلعى فەستيۆالدە ەۆروپانىڭ شۆەسيا, يسپانيا, گەرمانيا, پولشا, بەلگيا, بولگاريا جانە تمد-دان بەلارۋس, قازاقستان مەملەكەتتەرىنىڭ ونەر وشاقتارى ءوز قويىلىمدارىن فەستيۆال قاتىسۋشىلارى مەن ساراپشىلارىنىڭ نازارىنا ۇسىنادى. ونەر مەرەكەسىنىڭ باعدارلاماسى ءداستۇرلى ءۇش باعىتتان تۇرادى: نەگىزگى, ارنايى جانە كلۋبتىق قويىلىمدار. مەملەكەتتىك قۋىرشاق تەاترىنىڭ «؛انا جۇرەگى»؛ قويىلىمى نەگىزگى باعدارلاماعا ەنگەن. سپەكتراكل 24 ماۋسىم كۇنى زازەركالە تەاترىنىڭ ساحناسىندا قويىلادى. تەاتر فەستيۆالىنىڭ باستى ماقساتى &ndash؛ قۋىرشاق تەاترى ونەرىنىڭ الەمدىك كەڭىستىكتە دامۋ جولىن ساقتاي وتىرىپ, ءار ەلدىڭ رەپەرتۋار ساياساتىمەن كەڭىنەن تانىسۋ, ونەر وشاقتارىنىڭ شىعارماشىلىق تىنىسىن باعامداۋ.

فەستيۆال اياسىندا نەگىزگى باعدارلاماداعى 52 قويىلىمداردىڭ كورسەتىلىمىنەن تىس فەستيۆال قاتىسۋشىلارىنىڭ اراسىندا دوڭگەلەك ۇستەلدەر مەن شەبەرلىك ساعاتتارى, ت.ب. شارالار ۇيىمداستىرىلۋ جوسپارلانۋدا.

 ؛