ابايلا, بيلىك! ابايلا, حالىق! ء"؛بىر تولقۋدىڭ بولارى انىق"؛

تۋرا ءۇش كۇننەن كەيىن قازاقستاندا كەزەكتەن تىس پرەزيدەنت سايلاۋى. قازىرگى تاڭدا وسك تىركەگەن جەتى كانديدات حالىققا ۇگىت-ناسيحات جۇمىستارىن جۇرگىزىپ جاتىر. بىلەتىندەر «؛بۇل سايلاۋ بۇرىنعى سايلاۋدان ەرەكشە»؛ دەگەندى ايتادى. دەسە, دەگەندەي-اق, بۇرىندارى سايلاۋعا اسا ءمان بەرمەيتىن حالىقتىڭ بۇل جولعى بەلسەندىلىگى راسىندا باسقاشا. اسىرەسە, الەۋمەتتىك جەلىدە ؛ ساياسي دودا تۋراسىندا ءتۇرلى پىكىرلەر جازىلىپ, "بولاشاق پرەزيدەنتىمىز, مىنە, مىنا كانديدات بولادى" دەگەن ناقتى بولجامدار دا ايتىلىپ جاتىر. ءبىراق كوپتەگەن جەلى قولدانۋشىلارى ايتار ءسوزىنىڭ استارىنا ءۇڭىلىپ, جاساعان بولجامدارىنىڭ بايىبىنا بارىپ ءجۇر دەي المايمىز. دەي تۇرعانمەن سايلاۋ تۋرالى ساياسي ساراپتاپ, ساۋاتتى پىكىر جازىپ جۇرگەندەر دە جوق ەمەس. سولاردىڭ ءبىرى  ؛ساياساتتانۋشى باۋىرجان سەرىكباەۆتىڭ ايتقان ويلارىن, جازعان پىكىرلەرىن facebook جەلىسىندە تۇشىنىپ وقيتىندار كوپ. وسىعان بايلانىستى ؛qamshy.kz اقپارات اگەنتتىگىنىڭ ءتىلشىسى  ؛باۋىرجان سەرىكباەۆپەن جاساعان سۇحباتىن نازارلارىڭىزعا ۇسىنادى.

نازارباەۆتىڭ پرەزيدەنتتىكتەن كەتۋىنە ءتورت ناقتى سەبەپ بار

- باۋىرجان, اڭگىمەنى ارىدەن تارقاتساق. 19 ناۋرىزدا قازاقستاندى 30 جىل باسقارعان نۇرسۇلتان نازارباەۆ بيلىكتەن كەتتى. ءسىز ساياساتتانۋشى رەتىندە نازارباەۆتىڭ بۇل شەشىمىنە قانداي باعا بەرەسىز؟ نەگە ويلاماعان جەردەن ءبىر-اق كۇندە پرەزيدەنتتىكتەن كەتتى؟

- ەلباسىنىڭ بيلىكتەن كەتۋى ءبىر كۇندە ىسكە استى دەپ ويلامايمىن. 30 جىل مەملەكەتتى باسقارعان تۇڭعىش پرەزيدەنتتىڭ بيلىكتەن كەتۋ پروسەسى دايىندىقپەن, جان-جاقتى ويلاستىرىلعان قادامدارمەن ىسكە اسادى. بيلىك بۇل پروسەستىڭ 2016 جىلدان باستالعانىن ايتۋدا. ابدەن مۇمكىن. مەنىڭ ويىمشا, ەلباسىنىڭ مۇنداي شەشىمگە كەلۋىنە ەڭ نەگىزگى ءتورت ناقتى سەبەپتى اتاپ وتۋگە ؛ بولادى.

- ول قانداي سەبەپتەر؟

- بىرىنشىدەن, ەستەرىڭىزدە بولسا, 2016 جىلى تۇتاس ەل اۋماعىندا «؛جەر ماسەلەسى»؛ ءورشىپ تۇردى. تاۋەلسىزدىك العان جىلداردان بەرى حالىقتىڭ جاپپاي كوتەرىلگەن ءساتى وسى كەزەڭ شىعار... بيلىك تۇڭعىش رەت ءوز شەشىمىنە حالىق تاراپىنان جاپپاي قارسىلىق كورگەن جەر داۋىنىڭ پسيحولوگيالىق سالدارى بيلىكتە تىم ۇزاق وتىرعان ساياساتكەرگە اسەر ەتپەي قويمايدى.

ەكىنشىدەن, 2016 جىلى كورشى وزبەكستان پرەزيدەنتى يسلام كاريموۆ دۇنيەدەن ءوتتى. كوپ ۇزاماي كاريموۆ وتباسىنىڭ جاعدايى دا قيىنداي ءتۇستى. مۇنىڭ ءبارى ءبىزدىڭ ەليتا ءۇشىن دە ۇلكەن بەلگى مەن دابىل سيگنالى ىسپەتتەس. بيلىك ءترانزيتىنىڭ باستالۋىنا ورتا ازياداعى ۇلكەن كورشىمىز وزبەكستاندا بولىپ جاتقان ساياسي پروسەستەردىڭ دە ىقپالى بولعانى ءسوزسىز.

ۇشىنشىدەن, سوڭعى 10 جىلدىقتا الەمدەگى ۇزاق جىلدار بيلىكتە وتىرعان مەملەكەت باسشىلارىنىڭ ساياسي توڭكەرىس جولىمەن بىرىنەن كەيىن ءبىرى باسشىلىقتان كەتۋى الەمدىك قاۋىمداستىقتىڭ ءبىر بولشەگى بولعان قازاقستانعا دا اسەر ەتتى. 20-30 جىلداپ بيلىكتە وتىراتىن اۆتوريتارلى جۇيەنىڭ زامان كوشىنە ىلەسە الماي قۇلدىراۋ پروسەسى باستالدى. بۇل ءوز كەزەگىندە 30 جىل ءبىر پرەزيدەنتتىڭ باسقارۋىندا وتىرعان قازاق قوعامىنىڭ ساناسىنا دا ءوز اسەرىن بەردى. بيلىك قوعامدا بولىپ جاتقان بۇل وزگەرىستەردى سەزبەۋى, ەسەپكە الماۋى مۇمكىن ەمەس.

تورتىنشىدەن, ەل حالقىنىڭ ساياسي ساناسى مەن مادەنيەتى وسىدان 15-20 جىل بۇرىنعى دەڭگەيدەگىدەن كوپ وزگەردى. قوعام وزگەرىستى اشىق تالاپ ەتە باستادى. بۇل پروسەستىڭ كاتاليزاتورى رەتىندە اقپاراتتىق تەحنولوگيانىڭ دامۋى دا ۇلكەن رول اتقاردى. قازاقستان حالقى مەملەكەتتىڭ باقىلاۋىندا بولعان باق-قا سەنۋدەن قالدى. الەۋمەتتىك جەلىلەردىڭ دامۋى, كەڭ تارالۋى اقپارات الماسۋدى جەڭىلدەتىپ, ءاربىر ازامات ءوز پىكىرىن ەركىن ايتا الاتىن, قازاقستاننىڭ كەز كەلگەن نۇكتەسىنە پىكىرىن جەتكىزە بىلەتىن مۇمكىندىكتەرگە يە بولدى. جىل وتكەن سايىن ەلدەگى بارلىق ساتسىزدىكتەر مەن كەمشىلىكتەرگە ەلباسىنىڭ ءوزىن تىكەلەي ايىپتايتىن حالىقتىڭ سانى ارتىپ كەلە جاتقانى سەزىلىپ تۇردى.

بۇدان دا وزگە قوعامدا قوردالانعان الەۋمەتتىك, ەكونوميكالىق پروبلەمالاردى اتاپ وتۋگە بولادى. ءبىراق جوعارىدا اتالعان ىشكى جانە سىرتقى فاكتورلار ەلباسىنىڭ ءوز وكىلەتتىگىن ۋاقىتىنان بۇرىن توقتاتىپ, بيلىك ءترانزيتىن باستاۋىنا سەبەپكەر ءارى ىقپال ەتۋشى نەگىزگى فاكتورلار بولدى دەپ ەسەپتەيمىن.

سايلاۋ ءادىل ءوتۋى ءۇشىن ەل ازاماتتارى بەلسەندى بولۋى كەرەك

- توقاەۆقا توقتالساق. نۇرسۇلتان نازارباەۆ پرەزيدەنتتىك وكىلەتتىلىگىن  ؛توقتاتقان سوڭ زاڭ بويىنشا قاسىم-جومارت توقاەۆ پرەزيدەنتتىك لاۋازىمدى يەلەندى. ؛ ءسىز فەيسبۋكتەگى جازبالارىڭىزدا «؛توقاەۆ &ndash؛ قازىرگى وتپەلى كەزەڭدە ناعىز ەل باسقاراتىن ادام»؛ دەپ باعا بەرىپسىز. نەلىكتەن؟

&ndash؛ ول راس. 30 جىل مەملەكەتتى باسقارعان ەلباسى ءوز وكىلەتتىگىن توقتاتقاندا بۇكىل قازاقستان قوعامى ىشتەي ۇلكەن تولقىنىستا بولدى. دەپۋتاتتاردىڭ ءبىر بولىگى تۇڭعىش پرەزيدەنتتىڭ كەتكەنىنە قيماستىقپەن جىلاپ جاتقاندا قوعامنىڭ ەندى ءبىر بولىگى وزگەرىستىڭ باستالعانىنا قۋاندى. الدا بيلىك ءترانزيتىنىڭ ناقتى پراكتيكالىق تۇرعىدا ىسكە اساتىنىنا ەشكىمنىڭ كۇمانى قالمادى. ءدال وسىنداي وتپەلى كەزەڭدە ەل تىزگىنىن سايلاۋ وتكەنشە ۋاقىتشا ۇستاۋعا بۇرىن ەشقانداي جەمقورلىقپەن اتى شىقپاعان, بەلگىلى ءبىر كلاندار اراسىندا جوق, ەلدىڭ كوزىنشە ءوزىن تاۋەلسىز ساياساتكەردەي ۇستايتىن توقاەۆتىڭ كانديداتۋراسى بىردەن ءبىر لايىقتى كانديدات دەپ ەسەپتەدىم.

 ؛

- توقاەۆ رەسمي انت بەرگەن العاشقى كۇننەن باستاپ «؛ەلباسىنىڭ ساياساتىن جالعاستىرامىن»؛ دەدى. ءبىراق سايلاۋ ءادىل وتەدى دەپ ۋادە ەتتى. قالاي ويلايسىز, سەنۋگە بولا ما, سايلاۋدىڭ ءادىل وتەتىنىنە؟

&ndash؛ نەگىزى ماسەلەنى تەرەڭىنەن قاراۋ كەرەك. سايلاۋ ءادىل ءوتۋى ءۇشىن سايلاۋدىڭ شارتتارى ءادىل بولۋى كەرەك. بىزدە ءادىل سايلاۋ شارتتارى بار ما؟ ارينە, جوق! مىسالى, سايلاۋعا تۇسەتىن كانديدات مىندەتتى تۇردە 5 جىل مەملەكەتتىك قىزمەتتە جۇمىس ىستەۋى شارت. وسى ادىلدىك پە؟ ارينە, جوق. قانشاما جەكە سەكتوردا جۇمىس ىستەيتىن ماماندار, قارىمى مىقتى بيزنەسمەندەر مەن ءومىر بويى كومپانيادا, بانك سەكتورىندا ەڭبەك ەتىپ كەلە جاتقان قازاقستان ازاماتتارىنىڭ كونستيتۋسيالىق قۇقىعى اياققا تاپتالدى. ەكىنشى ءبىر ولقىلىق, ەشبىر قازاقستان ازاماتتارى كانديدات رەتىندە ءوزىن-وزى ۇسىنا المايدى. ساياسي پارتيا نەمەسە قوعامدىق ۇيىمنىڭ اتىنان عانا ءتۇسۋى شارت. بۇل دا اشىق ساياسي باسەكەدەن قاشقان بۇگىنگى جۇيەنىڭ قيتۇرقى قادامى دەپ سانايمىن. ءبىزدىڭ ەلدەگى وپپوزيسيالىق ساياساتكەرلەر مەن قوعام سايلاۋ تۋرالى زاڭ قابىلدانعاندا ۇيىقتاپ جاتتى دەسەك تە بولادى. ەندىگى قالعانى &ndash؛ قولدا بار زاڭمەن سايلاۋدى وتكىزۋ.

سايلاۋ پروسەسى باستالعالى بەرى ەلدىڭ اۋزىندا ەكى كانديدات ءجيى اتالىپ كەلەدى. ءبىرىنشىسى &ndash؛ قازىرگى بيلىك ۇسىنعان ق.توقاەۆ بولسا, ەكىنشىسى ؛&ndash؛ قوعامدىق ۇيىمنىڭ اتىنان تۇسكەن ءامىرجان قوسانوۆ. مەنىڭ ويىمشا, قولداعى بار زاڭمەن سايلاۋ ءادىل ءوتۋى ءۇشىن ەل ازاماتتارى بەلسەندى بولۋى كەرەك. ول ءۇشىن سايلاۋعا قاتىسىپ قانا قويماي, ءبىر كۇن ۋاقىتتارىن قيىپ, ەل اۋماعىنداعى سايلاۋ ۋچاسكەلەرىندە باقىلاۋشى بولىپ سايلاۋ پروسەسىنىڭ ءادىل ءوتۋىن قاداعالاۋى شارت. «؛توقاەۆ سايلاۋ ءادىل وتەدى»؛ دەدى. دەمەك, «؛سايلاۋ ءادىل وتەدى»؛ دەپ قاراپ وتىرۋ &ndash؛ جۇمسارتىپ ايتقاندا, «؛اڭعالدىق»؛ بولار ەدى.

بۇل سايلاۋدىڭ باستى ەرەكشەلىگى &ndash؛ قوعامنىڭ بەلسەندىلىگى

- بۇل سايلاۋ, بۇرىنعى سايلاۋدان قوسانوۆتىڭ, ياعني, تاۋەلسىز كانديداتتىڭ قاتىسۋىمەن ەرەكشە دەگەن پىكىرلەر كوپتەپ ايتىلۋدا. ال ءسىز قانداي ەرەكشەلىك كورىپ تۇرسىز وسى ءبىر ساياسي دودادان؟

&ndash؛ مەنىڭ ويىمشا, بۇل سايلاۋدىڭ ەرەكشەلىگى &ndash؛ قوعام سايلاۋعا قاتىستى ويلارىن اشىق جازىپ, تالقىلاپ, پىكىرلەرىن بەلسەندى تۇردە بىلدىرە باستادى. دەموكراتيا 30 نەمەسە 50 جىل وتكەننەن كەيىن وزىنەن ءوزى ورناي سالمايدى. دەموكراتيا &ndash؛ سايلاۋ, سايلاۋعا قاتىسۋ, بيلىكتىڭ اۋىسۋى سىندى ساياسي پروسەستەرگە قاتىسۋ جولىنداعى ناقتى پراكتيكالىق ىس-ارەكەتتەرمەن, تاجىريبە ارقىلى كەلەدى. قازىرگى سايلاۋدىڭ ءبىر ەرەكشەلىگى دە &ndash؛ قوعامنىڭ سايلاۋ ماڭىزىن ءتۇسىنىپ, بەلسەندى تۇردە تالقىلاي باستاعان قادامىندا. مەنىڭشە, الداعى ۋاقىتتا دا قازاقستان ازاماتتارى ەلدەگى ساياسي پروسەستەرگە بەلسەندى ارالاسا باستايدى. سەبەبى, تىم-تىرىس جاتۋ مەن پاسسيۆ كوزقاراستىڭ قۇنى اۋىر ەكەنىن 30 جىل ۇيقىدا جاتقان قوعامىمىز تۇسىنە باستادى. بۇل ەل ساناسىنداعى جاقسى وزگەرىس. قوعامدىق سانادا اقىرىنداپ بولسىن زامانعا ساي ترانسفورماسيا ءجۇرىپ جاتقانىن اڭعارۋ قيىن ەمەس.

قوسانوۆ كەلسە, جاستاردىڭ تىنىسى اشىلادى

- ءسىز ءوزىن تاۋەلسىز كانديداتپىن دەپ ەسەپتەيتىن قوسانوۆتى وسك تىركەگەن كۇننەن باستاپ ىس-əرەكەتتەرىن ءجىتى باقىلاپ, بۇرىس كەتكەن جەرلەرىن سىنعا دا الىپ ءجۇرسىز. ءبىر جازبالارىڭىزدا قوسانوۆ 100 پايىز بيلىكتىڭ ادامى دەدىڭىز. ءبىراق سوڭعى ۋاقىتتا «؛بىزدە قوسانوۆتان باسقا تاڭداۋ جوق»؛ دەپ ءوز پىكىرىڭىزگە ءوزىڭىز قارسى شىعىپ, ونى "كوزسىز" قولداپ جاتىرسىز. ەگەر راسىمەن قوسانوۆ بيلىكتىڭ ادامى بولسا, قازىرگى جۇيەدەن شارشاپ, وزگەرىستى قالاپ وتىرعان حالىق نەگە وعان داۋىس بەرۋ كەرەك؟

&ndash؛ ءبىزدىڭ بۋىن, ياعني جاستار ءۇشىن وسى سايلاۋدىڭ ماڭىزى وتە زور. بىرىنشىدەن, بيلىككە دەموكراتيالىق ۇستانىمداعى قوسانوۆ كەلسە, جاستاردىڭ تىنىسى اشىلادى. باسەكەلى ساياسي جۇيە ورناپ, وزگەشە ويلايتىن, كرەاۆتيۆ جاستاردىڭ ءوز پوتەنسيالىن كورسەتۋىنە مۇمكىندىك بولادى. ەكىنشىدەن, ەگەر ەرتەڭ سايلاۋدا قوسانوۆ ۇتىلىپ جاتسا دا ۇگىت-ناسيحات باستالعاننان بۇل كانديداتتىڭ سايلاۋدا وتە بەلسەندى بولعانى جاستار ءۇشىن قاجەت. نە ءۇشىن؟ سەبەبى, حالىقتى وياتىپ, ەلدە دەموكراتيالىق پرينسيپتەردىڭ ورناۋىنا, ازاماتتىق قوعامنىڭ دامۋىنا حالىقتىڭ ساناسىن دايىندايتىن كاتاليزاتور بولا الاتىنداي مۇمكىندىك قولىندا تۇر. حالىق ساناسىنىڭ وزگەرىس پەن اشىق ازاماتتىق قوعامعا دايىن بولۋى, ەلدەگى ساياسي سانانىڭ ءوسۋى &ndash؛ الداعى ۋاقىتتا "وسى ەلدە قالىپ ەڭبەك ەتەمىن, قوعامدىق-ساياسي پروسەستەرگە قاتىسامىن, سايلاۋعا ءتۇسۋ ارقىلى باسەكەلى ورتادا بيىك مىنبەرگە شىعامىن" دەگەن جاستارعا اسا قاجەت.

وسى جوعارىدا اتالعان ەكى ماقساتتا قوسانوۆ كانديداتۋراسىن تەك ؛ قولداپ قانا قويماي, كەرەك جەرىندە قامشى دا باساتىن تاكتيكانى ۇستاندىم. سايلاۋالدى ۇگىت-ناسيحاتىن سولتۇستىكتەگى بۋلاەۆا قالاسىنان, اۋىلداعى شاعىن كىتاپحانادان باستاعاندا دا كوزسىز قولداي بەرمەي ۇگىت-ناسيحاتتى قالاي جۇرگىزسە, حالىققا اسەرى كوپ بولاتىنىن جازىپ وتىردىم. شابىت بەرەتىندەي, كەرەك جەردە نامىسىن وياتاتىنداي تاكتيكامەن ءوز پىكىرىمدى قوسانوۆتىڭ سايلاۋ شتابىن بەلگىلەي وتىرىپ, الەۋمەتتىك جەلىدە جاريالادىم. الەۋمەتتىك جەلىگە تەك قانا ءۇش كۇندە ءبىر رەت شىعىپ وتىرۋى, باستى وپپونەنتى توقاەۆقا تىكەلەي شابۋىلداماي, جانامالاپ قانا سويلەۋى &ndash؛ ءبىراز سىلبىرلىق تانىتقانداي اسەر بەردى. ءدال وسىنداي قادامدارىنان كەيىن نامىسىن قاجاپ, جىگەرىن وياتاتىنداي سوزدەرمەن قامشىلاپ الاتىن جازبالارىمدى شىعاردىم. «؛قوسانوۆ بيلىكتىڭ ادامى»؛ دەگەندى مەنەن وزگە دە ەل ازاماتتارى جازىپ جاتتى. بۇل قوسانوۆ كانديداتۋراسى ءۇشىن ەل سەنىمىنەن ايرىلاتىن ءقاۋىپتى تەندەنسيا بولاتىن. ءدال وسى جەردە مەنىڭ جازبام قوسانوۆقا قاراتا ء«؛سىزدىڭ قازىرگى ارەكەتىڭىز بيلىكتىڭ جوباسى دەگەنگە 100 پايىز دالەل. بۇل كۇدىك ورىنسىز ءارى جالعان بولسا, وسى سايلاۋدا بارىنشا بەلسەندى بولۋ ارقىلى ىسپەن دالەلدەڭىز»؛ دەگەن ماقساتتا باتىرىپ جەتكىزۋ ارقىلى نامىسى مەن جىگەرىن قاجاۋ جولىندا جازىلعان ەدى.  ؛

كوبىنە ءىسساپاردا بولىپ استانادا بولا بەرمەيمىن. ءبىر جولىم تۇسكەندە ءوزىم ارنايى بارىپ, قوسانوۆتىڭ شتابىندا بولىپ, ءمان-جايدى ىشىنەن بىلگەننەن كەيىن قازىرگى جۇيە كانديداتتاردىڭ سايلاۋ پروسەسى بارىسىندا تاۋەلسىز ءارى بەلسەندى ارەكەت ەتۋىنە تولىق مۇمكىندىك بەرمەيتىنىنە كوز جەتكىزە باستادىم. ءبىراق ءبىزدىڭ قوسانوۆتان وزگە تاڭداۋىمىز جوق. سايلاۋ پروسەسى باسقاشا فورماتتا وتكەنىن قالاساق 5-10 جىل بۇرىن زاڭدار قابىلدانىپ جاتقاندا بەلسەندى بولۋىمىز قاجەت ەدى. بۇل ءبىزدىڭ قوعام ءۇشىن وتكەننەن ساباق الار تاجىريبە بولۋى ءتيىس. قازىرگى ءبىزدىڭ قولدان كەلەر ارەكەت &ndash؛ زاڭ اياسىندا ۇگىت-ناسيحاتتى بەلسەندى جۇرگىزىپ, سايلاۋدىڭ بارىنشا باسەكەلى وتۋىنە ىقپال ەتۋ مەن وسى ساياسي پروسەستە ەلدىڭ ساناسىن بارىنشا وياتۋ.

بويكوت قازاقستان جاعدايىندا جۇمىس ىستەمەيدى

-رىسبەك سəرسەنباي باستاعان ءبىر توپ وپپوزيسيا وكىلدەرى سايلاۋعا بويكوت جاريالاپ جاتىر. 1 ماۋسىم استانادا حالىق قۇرىلتايىن وتكىزدى. بيلىككە ءوز تالاپتارىن ايتتى. وعان كوزقاراسىڭىز قالاي؟

- قۇرىلتاي ءوتتى. ءوزىم ءىسساپاردا بولۋىما بايلانىستى قاتىسا المادىم. شىندىعىندا قاتىسقىم-اق كەلگەن. استاناعا كەلىپ ۇلگەرگەنشە, قۇرىلتاي جيىنى دا اياقتالىپ ۇلگەرىپتى. ىشىندە بولماعاننان كەيىن ناقتى كەسىپ ەشتەڭە ايتا المايمىن.

بىراق ءوز ازاماتتىق پوزيسيام &ndash؛ بويكوت قازاقستان جاعدايىندا جۇمىس ىستەمەيدى. ەرتەڭ سايلاۋعا قانشا ازامات كەلسە دە سايلاۋ وتكەن بولىپ ەسەپتەلەدى. بويكوت بۇرىنعى سايلاۋلاردا دا جاريالانعان. بيلىككە بۇل جول اسەر ەتەدى دەپ ويلامايمىن. وزگەرىس بولۋى ءۇشىن بەلسەندىلىك كەرەك. سول جولدا ناقتى ارەكەت قاجەت. ماڭداي تەردى توگىپ قوعامنىڭ ساناسىن دەموكراتيالىق پرينسيپتەرگە وياتۋ جولىندا ەڭبەك ەتۋمەن عانا ازاماتتىق قوعام مەن وزگەرىستى الىپ كەلە الامىز. بويكوت دەپ جاتىپ الىپ,  ؛ەلدى وزگەرتىپ جىبەرەمىن دەگەن ساياسي تاكتيكا قازاقستاندا جۇمىس ىستەيدى دەگەنگە سەنبەيمىن.

قۇرىلتاي ءوتتى, ءبىراق ەلگە بەرگەن كەرەمەت اسەرىن كورىپ تۇرعانىم جوق. تالاپ قويۋ ارقىلى دا ماسەلە شەشىلەدى مە ەكەن؟ 30 جىلدا تالاپتىڭ كوپ ءتۇرى جاسالدى وسى ۋاقىتقا دەيىن. ناتيجە بار ما؟.. بويكوت جاريالاپ, تالاپ قويامىز دەگەن جولدا جۇرگەن ازاماتتار رەال ومىردەگى قازاقستان جاعدايىنا ورالعانى دۇرىس.

قازىرگى جۇيە سول قالپىندا قالار بولسا, ءبىر تولقۋدىڭ بولارى انىق

- سايلاۋدا قايتادان بيلىك پارتياسىنىڭ ۇسىنعان كانديداتى جەڭىسكە جەتەتىن بولسا, وزگەرىس كۇتىپ جۇرگەن حالىقتىڭ پوزيسياسى قانداي بولماق؟ سايلاۋدان كەيىن حالىق جاپپاي الاڭعا شىعادى دەگەنگە كەلىسەسىز بە؟

- سايلاۋدا بيلىكتىڭ كانديداتى جەڭىپ جاتسا, كوپ سوزدىرماي ەلدە ساياسي رەفورمالاردى قولعا الۋى كەرەك. پارتيالار اراسىنداعى ساياسي باسەكەگە ەرىك بەرىلىپ, ازاماتتاردىڭ ءوز ويىن ەركىن ايتۋىنا جول اشىلۋى ءتيىس. قوعام بيلىككە كىم كەلسە دە باستى قويار تالابى &ndash؛ ساياسي رەفورما مەن الەۋمەتتىك, ەكونوميكالىق جاعدايعا قاتىستى كۇردەلى رەفورمالاردى باستاۋدى كۇتەدى. مەنىڭ ويىمشا, ەگەر بيلىكتىڭ كانديداتى جەڭىپ جاتسا, ەرتەڭىنە قوعام تۇتاس جاپپاي كوتەرىلەدى دەۋگە كەلمەيدى. ونىڭ باستى سەبەبى ؛&ndash؛ بيلىكتىڭ وكىلى سايلانسا دا, تەگى مەن اتى بولەك پرەزيدەنت ەل تىزگىنىنە ۇستايدى. قوعامدا جاڭا پرەزيدەنت ءبىر وزگەرىستى جاسار دەگەن ءۇمىت وتى بولادى. بىردى-ەكىلى نارازى توپتار مەن ازاماتتار جينالىپ شىعاتىن بەلسەندىلىك بولۋى مۇمكىن. بۇل قادامنىڭ ءوزى بيلىككە ۇلكەن وي سالارى ءسوزسىز. بيلىك ءۇشىن ەشنارسە بۇرىنعىداي بولمايتىنىنا كوزىن جەتكىزەتىن قادام بولادى. ءقازىردىڭ وزىندە ەل ازاماتتارىنىڭ بەلسەندىلىگىن كورگەن بيلىك سايلاۋدان كەيىنگى قادامدارىن ويلاستىرىپ جاتسا كەرەك. ءبىراق سايلاۋ وتكەننەن كەيىن دە الداعى بىر-ەكى جىلدا قازىرگى جۇيە سول قالپىندا قالار بولسا, ءبىر تولقۋدىڭ بولارى انىق. ول كەزدە حالىق بۇل جۇيەدەن مۇلدەم كۇدەر ءۇزىپ, جاپپاي اشىق شەرۋگە شىعاتىن ارەكەتتەرگە بارارى ءسوزسىز.

سۇحباتىڭىزعا راحمەت!

سۇحباتتاسقان: ميات كاشىباي

 ؛

 ؛