نىعماتۋللين نەنى مەڭزەدى؟

كەيدە وسى جوعارىدان ايتىلعان ءقايسىبىر پىكىرلەر ادامنىڭ ەسىنە ارنەنى سالادى. ماسەلەن كۇنى كەشە عانا ءماجىلىس ءتوراعاسى نۇرلان نىعماتۋللين زاڭ قىزمەتىندەگى وڭباي تۇرعان ءبىر ماسەلەنىڭ بەتىن اشتى. سپيكەردىڭ سوزىنە سەنسەڭىز, جەتەكشىلەر ۋاقىتىندا اۋىسىپ تۇرسا, جۇمىس ساپاسى ارتادى ەكەن. بىلاي قاراساڭىز, وتە ورىندى تۇجىرىم. ءبىراق ول نەگە ادۆوكاتتار القاسىنا عانا قاتىستى بولۋى كەرەك؟ مىنە, قاراپايىم حالىققا وسى جاعى عانا ۇعىنىقسىز.

ن.نىعماتۋللين مۇنداي ءسوزدى ءماجىلىستىڭ پلەنارلىق وتىرىسىندا ايتقانعا ۇقسايدى. «؛ازاتتىقتىڭ»؛ حابارلاۋىنشا, ول ايماقتارداعى ادۆوكاتتار القاسى پرەزيديۋمدارىن ونداعان جىلدار بويى ءبىر عانا ادامداردىڭ باسقارۋىنان زاڭ قىزمەتى مەن زاڭ كومەگىنىڭ ساپاسى ناشارلاپ كەتكەنىن ايتا كەلىپ بىلاي دەگەن: «؛ماڭعىستاۋ وبلىسىندا وبلىستىق ادۆوكاتتار القاسى پرەزيديۋمىنىڭ ءتوراعاسى ۇيىمدى 25 جىلدان بەرى باسقارىپ وتىر, الماتى وبلىسىندا 27 جىل, اتىراۋ وبلىسىندا 31 جىل. بۇل جايت مۇنىمەن بىتپەيدى, اقتوبەدە 33 جىلدان بەرى باسقارىپ وتىر. بۇل نەنى كورسەتەدى؟ بۇل ازاماتتارعا زاڭ كومەگىن كورسەتۋ سالاسىندا مۇلدەم باسەكەلەستىك جوعىن بىلدىرەدى. بالكىم, ول ادامدار كاسىبي ماماندار شىعار, ولاردىڭ تاجىريبەلى ەكەنىنە كۇمان جوق, ءبىراق ۋاقىت وزگەردى. ءقازىر بارلىعىن باسەكەلەستىك شەشەدى جانە زاڭ كومەگىن كورسەتۋ سالاسىندا دا دۇرىس باسەكەلەستىك بولۋى ءتيىس»؛.

قاي قىرىنان قاراساڭىز دا, ەش ءمىنى جوق, وتە ورىندى ءارى نانىمدى ءسوز. ءبىر ورىندا جالپايىپ وتىرىپ العان قاي جاقسىلىق دەيسىز, مەرزىمى كەلگەن سوڭ اركىم دە قىزمەتىن وزگەگە بەرۋى كەرەك. وسىندايدا وي كەلەدى, ادۆوكاتتار القاسىندا شالقايىپ 25-30 جىل وتىرعان شىركىندەردىڭ قىلىعى ساياسي الەمدەگى سىرقاتتىڭ سىقپىتىنان سىر اڭداتپاي ما ەكەن ءوزى؟! مىنە, وسى تۇرعىدان كەلگەندە سپيكەر ايتقان «؛ۋاقىتتىڭ وزگەرگەنىنە»؛ كۇدىكپەن قارايتىندار كوپ ءقازىر.

نەگە؟ نەگە دەرىڭىز بار ما, بيلىك ەشالونىنداعى بۇرىنعى باسشىلاردىڭ دەنى ءالى سول ماڭايدا ءجۇر. كەشە اكىم بولعان, بۇگىن &ndash؛ مينيستر, ەرتەڭ &ndash؛ سەناتور. نەمەسە كەرىسىنشە. ارينە, جوعارى بيلىككە جاستاردىڭ كەلىپ جاتقانىن جوققا شىعارۋدان اۋلاقپىز. ءبىراق سولاردىڭ ءتۇبىن «؛قوپارىپ»؛ كورسەڭ, كەمىندە تەڭ جارتىسى ؛ بيلىكتەگىلەردىڭ بىردەمە-سىردەمەسى بولىپ شىعادى. وسىدان كەيىن شىنايى باسەكەلەستىكتىڭ بار ەكەنىنە كىمدى سەندىرە العاندايسىز؟!

جارايدى, ارىعا بارماي-اق, پارلامەنتتى توڭىرەكتەپ كورەيىكشى. ماجىلىستەگى قانشا دەپۋتات بىرنەشە سايلانىم بويى ورىنىن بوساتپاي كەلە جاتىر؟ كوپ ەمەس شىعار, ءبىراق از دا ەمەس. ولاردىڭ الدى ءقازىر سەكسەنگە تايادى. سوندا قارتتىق مەڭدەگەن وسىنداي شال-شابىردىڭ ورىنىن باساتىن وزگە ادام تابىلماعان با؟ الدە بۇل شىنايى باسەكەلەستىكتىڭ جەمىسى مە؟ ەگەر سولاي دەسەك, وندا وسى قارتاڭ كىسىلەر حالىقتىڭ قامى ءۇشىن شىر-پىرى شىعىپ, پارلامەنتتىڭ تورىندە ايعاي سالىپ جاتۋى كەرەك ەدى عوي. اسىرەسە, ەل مەن جەردىڭ تاعدىرى تارتىسقا تۇسكەن ونداعان وقيعالار تۇسىندا.

ارينە, دەپۋتاتتاردى ءتوراعا تاڭدامايتىنى راس. ولار پارتيانىڭ بەلگىلەۋىمەن ىرىكتەلىپ, «؛حالىقتىڭ قالاۋىمەن»؛ پارلامەنتكە بارادى. دەمەك ماجىلىسمەندەردىڭ «؛تياناق تابۋ»؛ ماسەلەسىن سپيكەرگە جاپسىرۋدىڭ ەش ءجونى جوق. الايدا «؛نۇرلان نىعماتۋللين ادۆوكاتتار القاسى ءتوراعالارىنىڭ سول ۇيىمدى نەشە جىل باسقارعانىن نەگە سونشا تاپتىشتەدى ەكەن؟»؛ دەگەن سۇراق ءقازىر اركىمنىڭ كوكەيىندە تۇر. ويتكەنى نۇرلاندىكى ءبىر قاراعاندا دۇرىس بولعانىمەن جانە ءبىر ۇڭىلسەڭ, قيىس سەكىلدى كورىنە بەرەدى. سەبەبىن ءسىز دە سەزەتىن شىعارسىز, «؛تۇيەنىڭ سوقىرلىعىن ايتساڭ, قۇنانبايعا تيەدى»؛ دەمەۋشى مە ەدى, قازاق اتام. ؛

سانسىزباي نۇربابا