ماجىلىستە قىز الىپ قاشۋ ماسەلەسى كوتەرىلدى

وتىرىس بارىسىندا مۇرات ابەنوۆ ايدىڭ-كۇننىڭ امانىندا قىز الىپ قاشۋدىڭ بەلەڭ الىپ جاتقانىن ايتا كەلىپ, بۇل ماسەلەگە مادەنيەت جانە اقپارات مينيسترلىگى نازار اۋدارماي وتىرعانىن باسا ايتتى.

-استاناداعى ۋنيۆەرسيتەتتەردىڭ ستۋدەنتتەرى ماعان ءبىر بەينەروليكتى كورسەتتى. ول جەردە الىپ قاشقان قىزعا ماجبۇرلەپ ء"وز ەركىممەن" كەلدىم دەگەن قولحات جازدىرىپ جاتتى. بۇل بارىپ تۇرعان قۇقىق بۇزۋشىلىق. جانە ءبىر وكىنىشتىسى مادەنيەت سالاسى مۇنى دارىپتەپ وتىر. ماسەلەن, انشىلەر ؛"الىپ قاشام مەيلى ولاي قالاما, كەلىن قىلام سەنى قالاي دا اناما", دەپ, ەندى ءبىر انشى ؛"كورەسىڭ مەنىڭ ۇيىمە باراسىڭ, باسىڭا اپپاق ورامال تاعاسىڭ! كوندىرەم, كونەسىڭ, قىز بولىپ كەلەسىڭ &mdash؛ كەلىن بولىپ قالاسىڭ", ؛دەپ ءان شىرقاپ ءجۇر. وسىلايشا, مادەنيەت سالاسىنىڭ قىزمەتكەرلەرى بۇل قىلمىستى ناسيحاتتاۋدا. مەنىڭشە, مۇنداي دارىپتەۋلەرگە زاڭمەن تىيىم سالۋ كەرەك", - دەيدى دەپۋتات.

ودان بولەك, مۇرات ابەنوۆ پەن ەدىل جاڭبىرشين وسى ماسەلە بويىنشا مەملەكەت باسشىسىنىڭ ۇلتتىق قۇرىلتايدا ايتقان ءسوزىن ەسكە الىپ, تاپسىرمانىڭ ءالى كۇنگە ورىندالماي جاتقانىن العا تارتتى.

"پرەزيدەنت "ەلىمىزدە قىز الىپ قاشۋدى ۇلتتىق ءداستۇر ساناپ, ەل ىشىندە دارىپتەگىسى كەلەتىندەر بار, بۇل &ndash؛ مۇلدەم اقتاۋعا بولمايتىن زاڭسىزدىق, قاراڭعىلىق, ءتىپتى, ماسقارا تىرلىك&hellip؛سوندىقتان, مۇنداي اقىلعا سىيمايتىن ارەكەتتەردى قاتاڭ سىنعا الۋ كەرەك جانە ونى تەك سىناۋ جەتكىلىكسىز, وعان ءبىىرجولا توسقاۋىل كەرەك", دەپ تاپسىرما بەرگەن بولاتىن. بۇل تاپسىرما ءالى كۇنگە دەيىن ورىندالمادى",- دەدى مۇرات ابەنوۆ.

ەكى دەپۋتات تا ماسەلەنى كۇن تارتىبىنە ەنگىزىپ, زاڭنامالىق تۇرعىدا قاراستىرۋدى ۇسىندى. بۇل رەتتە, ءماجىلىس ءتوراعاسى ەرلان قوشانوۆ پروبلەما الداعى وتىرىستاردا بولەك تاقىرىپ رەتىندە قاراستىرىلاتىنىن ايتتى.