20 قىركۇيەك, 2024 news
ەسىرتكى دايىنداپ ساتقانى ءۇشىن 3 استانالىق 10 جىلعا سوتتالىپ كەتتى
ەلوردا پروكۋراتۋراسىنىڭ ۇيلەستىرۋىمەن ۋاكىلەتتى ورگان ەسىرتكى زەرتحاناسىن انىقتادى.
كورنەكى سۋرەت
سوتقا دەيىنگى تەرگەپ-تەكسەرۋ ناتيجەلەرى بويىنشا ءۇش ادام سوتقا بەرىلدى. سوت تەرگەۋى بارىسىندا سوتتالۋشىنىڭ تەمىر كونتەينەردى جالعا العانى انىقتالدى.
وسىدان كەيىن ول قالا سىرتىندا قۇنى 2 ملن تەڭگە جەر تەلىمىن ساتىپ الىپ, اتالعان كونتەينەردى پسيحوتروپتىق زاتتاردى شىعاراتىن زەرتحانا رەتىندە جابدىقتاپ, ورنالاستىرعان. كىنالى تۇلعا قىلمىستىق ارەكەتكە ەكى سىبايلاسىن تارتقان. تەرگەۋ بارىسىندا استىرتىن زەرتحانادان الىنعان 24 كگ استام پسيحوتروپتىق زاتتار جويىلدى.
ناتيجەسىندە سوت ەلوردانىڭ ءۇش تۇرعىنىن اسا ءىرى كولەمدە پسيحوتروپتىق زاتتاردىڭ انالوگىن ساتۋ ماقساتىندا زاڭسىز دايىنداعانى جانە ساقتاعانى ءۇشىن كىنالى دەپتانىپ, 10 جىلدان 11 جىل 3 ايعا دەيىنگى مەرزىمگە باس بوستاندىعىنان ايىرۋ جازاسىنا سوتتالدى.
ۇكىم زاڭدى كۇشىنە ەندى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر