18 قىركۇيەك, 2024 news
كورنەكى سۋرەت
2024 جىلعى 26 قىركۇيەك پەن 7 قازان ارالىعىندا الماتى وبلىسىنىڭ "جاعالاۋ" وقۋ پوليگونى بازاسىندا ۇقشۇ ۇجىمدىق بىتىمگەرلىك كۇشتەرىنىڭ "مىزعىماس باۋىرلاستىق-2024" كوماندالىق-شتابتىق وقۋ-جاتتىعۋىن وتكىزۋ جوسپارلانعان. بۇل تۋرالى قورعانىس ءمينيسترلى حابارلادى.
"وقۋ-جاۋىنگەرلىك تاپسىرمالاردى پىسىقتاۋ ماقساتىندا وقۋ-جاتتىعۋ وتەتىن جەرگە 18 قىركۇيەكتەن باستاپ بەلارۋس, قازاقستان, قىرعىزستان, رەسەي جانە تاجىكستاننىڭ اسكەري كونتينگەنتتەرى ارالاس تاسىلمەن كەلە باستايدى. الماتى جانە جەتىسۋ وبلىستارىنىڭ اۋماعى ارقىلى اسكەري قىزمەتشىلەردىڭ قوزعالىسى تەمىر جول جانە اۆتوموبيل كولىگىمەن جۇزەگە اسىرىلاتىن بولادى" دەلىنگەن مينيسترلىك حابارلاماسىندا.
مينيسترلىك وسىعان بايلانىستى, ازاماتتار مەن باق وكىلدەرىن الەۋمەتتىك جەلىلەردە تاراتىلاتىن قاۋەسەتتەرگە ءمان بەرمەي, تەك رەسمي اقپارات كوزدەرىنە سەنۋگە شاقىردى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر