قازاقستاندىقتارعا موپەد تىركەۋگە 6 اي ۋاقىت بەرىلەدى

سەنات كۋلۋارىندا ىشكى ىستەر ءمينيسترىنىڭ ورىنباسارى يگور لەپەحا بۇل نورما قاي ۋاقىتتان باستاپ قولدانىسقا ەنەتىنىن ايتتى.

- ءقازىر زاڭعا قول قويىلىپ, ول رەسمي جاريالانادى. ءتيىستى نورما زاڭ قابىلدانعان كەزدەن باستاپ 6 اي وتكەن سوڭ قولدانىسقا ەنگىزىلەدى, - دەدى يگور لەپەحا. ؛

باق وكىلدەرى موپەدتەردى مەملەكەتتىك تىركەۋدەن وتكىزۋ قاي ۋاقىتتا باستالاتىنىن ناقتىلادى.

- جارتى جىل ۋاقىت بەرىلەدى. مەملەكەتتىك تىركەۋدەن ءوتۋدى وسى ۋاقىت ىشىندە اياقتاۋىڭىز كەرەك. زاڭعا قول قويىلعان كەزدەن باستاپ تىركەۋدەن وتۋگە بولادى. ونى بىردەن جاساعان ءجون. ەگەر قاجەتتى قۇجاتتار بولسا, نەگە تىركەۋدەن وتپەسكە؟ 6 اي ۋاقىت بەرەمىز. التىنشى ايىندا بارلىعى تىركەۋدەن وتۋگە بارادى, سالدارىنان كەزەك بولاتىنى بەلگىلى. سوندىقتان دا زاڭعا قول قويىلعان كەزدەن باستاپ ءبىر اي ىشىندە ءتيىستى قۇقىقتىق بازانى رەتتەيمىز, - دەدى مينيسترلىك وكىلى.

ونىڭ ايتۋىنشا, زاڭ جاريالانىپ, جارتى جىل وتكەننەن كەيىن موپەد مىندەتتى مەملەكەتتىك تىركەۋدەن وتپەگەن جاعدايدا ول ايىپپۇل تۇراعىنا قويىلادى.