12 قىركۇيەك, 2024 news
كورنەكى سۋرەت
باس پروكۋراتۋرا ازاماتتاردى وڭتۇستىكتەن سولتۇستىك وڭىرلەرگە ەرىكتى تۇردە قونىس اۋدارۋ باعدارلاماسىن ىسكە اسىرۋدا 1 ملرد ؛تەڭگەدەن استام قاراجاتتى جىمقىرۋ فاكتىلەرى انىقتالعانىن حابارلادى.
جۇمقىرۋ دەرەكتەرى ازاماتتاردى جالعان قونىس اۋدارۋ جولىمەن جاسالعان.
"قونىس اۋدارۋشىلار بولىپ جالعان ادامدار ەسەپكە الىنعان, ال قۇجاتتار تومەن باعامەن ساتىپ الىنعان كورىنەۋ تۇرۋعا جارامسىز نەمەسە اپاتتى عيماراتتارعا راسىمدەلگەن. كەيبىر جاعدايلاردا ازاماتتار وزدەرىنىڭ قۇجات بويىنشا قونىس اۋدارىلعانىن بىلمەگەن دە. مۇنداي فاكتىلەر شقو, قاراعاندى, اقمولا, قوستاناي, اباي جانە ۇلىتاۋ وبلىستارىندا انىقتالدى. مىسالى, پاۆلودار وبلىسىنىڭ ۋسپەن اۋدانىندا «؛ەڭبەك موبيلدىلىگى ورتالىعى»؛ كمم-نىڭ قىزمەتكەرى ارزان ۇيلەردى تاۋىپ, قونىس اۋدارۋشىلارعا جوعارى باعامەن ساتۋدى ۇسىنىپ, مەملەكەتتەن الىنعان قاراجاتتىڭ ءبىر بولىگىن وزىنە قالدىرىپ وتىرعان. ءقازىر سوتقا دەيىنگى تەرگەپ-تەكسەرۋ جۇرگىزىلىپ, ورتالىقتىڭ قىزمەتكەرى ءۇيقاماققا الىندى. شقو-دا قونىس اۋدارۋشىلار مەن ساتۋشىلار اراسىندا ءسوز بايلاسۋ جاعدايلارى انىقتالدى, ولار مەملەكەتتىك كومەكتى الۋ ءۇشىن جالعان شارتتار جاساپ, ودان كەيىن بۇل قاراجاتتى بولىسكەن. ودان ءارى ازاماتتار بۇرىنعى مەكەنجايلارىندا تۇرا بەرگەن" دەلىنگەن پروكۋراتۋرا حابارلاماسىندا.
كۇدىكتىلەردىڭ ءبىرى الاياقتىق جاساعانى ءۇشىن كىنالى دەپ تانىلىپ, ءبىر جىلعا باس بوستاندىعىن شەكتەۋگە سوتتالعان. پروكۋرورلار جالپى 20 ؛سوتقا دەيىنگى تەرگەپ-تەكسەرۋ ءىسىن باستاعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر