• usd 468.56

  • eur 497.56

  • rub 7.3

  • cny 67.18

19 مامىر, 10:03:53
الماتى
+35°

14 مامىر, 2024 news

ۇكىمەت باسشىسى اكىمدەرگە ەسكەرتۋ جاسادى

پرەمەر-مينيستر ولجاس بەكتەنوۆ ءورت قاۋىپسىزدىگىنە اسا ءمان بەرۋ كەرەگىن ايتتى,- دەپ حابارلايدى qamshy.kz اقپارات اگەنتتىگى اقورداعا سىلتەمە جاساپ.

فوتو: primeminister.kz

- جىل سايىن ەلىمىزدە مىڭعا جۋىق تابيعي ءورت ورىن الادى. ءتىلسىز جاۋ ادام ومىرىنە, مۇلكىنە, سول سياقتى قورشاعان ورتاعا دا وراسان ءقاۋىپ توندىرەدى. وتكەن جىلى 116 مىڭ گەكتاردان استام ورمان قورى ورتەنىپ كەتتى. ەلىمىزدەگى ورمان القاپتارى ونسىز دا وتە از, ولاردىڭ اۋماعى ءورت سالدارىنان جىل سايىن سيرەپ بارادى. ەكولوگياعا كەلتىرىلگەن زياندى ەسەپتەمەگەندە, ماتەريالدىق شىعىن 160 ملرد تەڭگەدەن اسىپ ءتۇستى. قازگيدرومەتتىڭ بولجامىنا سايكەس, بيىل جاز ايلارى ىستىق ءارى قۇرعاقشىلىق بولادى دەپ كۇتىلۋدە, - دەدى ولجاس بەكتەنوۆ.

سونداي-اق ول ەلىمىزدىڭ باتىسى مەن شىعىسىندا جانە وڭتۇستىگىندە اپتاپ ىستىق ۇزاق ساقتالۋى مۇمكىن ەكەنىن ايتادى.

دەمەك, ءورت ءقاۋپى كۇشەيە تۇسەدى. بۇعان دايىن بولۋىمىز كەرەك. بيىلدىڭ وزىندە 30-عا جۋىق ورمان ءورتى تىركەلدى. ماسەلەن, وتكەن جىلى ورتتەن قاتتى زارداپ شەككەن "سەمەي ورمانى" اۋماعى بيىل تاعى دا وتقا وراندى. اباي وبلىسىنىڭ اكىمدىگى باقىلاۋدى كۇشەيتۋى كەرەك. الماتى وبلىسىندا ىلە-بالقاش تابيعي رەزەرۆاتىنىڭ اۋماعىندا دا قامىس ورتەنىپ, ۇلكەن اۋماققا جايىلىپ كەتتى. اقتوبە, اتىراۋ, قاراعاندى, جامبىل جانە قىزىلوردا وبلىستارىندا قامىس پەن قۋراعان ءشوپ جانىپ, ورتكە ۇلاستى, - دەيدى ۇكىمەت باسشىسى.

 ؛

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر