• usd 468.56

  • eur 497.56

  • rub 7.3

  • cny 67.18

19 مامىر, 09:14:41
الماتى
+35°

10 مامىر, 2024 بارلىق ايماقتار

تەك ايەلدەردەن قۇرالعان: qazaq air تاريحي رەيس ورىندادى

اۋە كەمەسىنىڭ كومانديرى, ەكىنشى ۇشقىش جانە ەكى بورتسەرىك – ەكيپاجدىڭ بارلىعى تەك ايەلدەردەن قۇرالعان جانە بۇل اۋە كومپانياسىنىڭ تاريحىندا ءبىرىنشى رەت تىركەلىپ وتىر, - دەپ حابارلايدى qamshy.kz اقپارات اگەنتتىگى sputnik سايتىنا سىلتەمە جاساپ.

فوتو: اشىق دەرەككوزدەن

qazaq air ۇشاعى تاريحي رەيس جاسادى: de-havilland dash 8-q400 اۋە كەمەسىنىڭ ەكيپاجى تولىعىمەن ايەلدەردەن تۇرادى, دەپ حابارلادى اۋە كومپانياسىنىڭ ءباسپاسوز قىزمەتى.
كوماندير ەكاتەرينا سۆەرچكوۆا مەن ەكىنشى ۇشقىش اجار نەسىپباەۆانىڭ باسقارۋىمەن لاينەر استانا &ndash؛ پەتروپاۆل &ndash؛ استانا جانە استانا &ndash؛ ومبى &ndash؛ استانا باعىتتارىندا ۇشتى. اۋە كەمەسىنىڭ كومانديرى, ەكىنشى ۇشقىش جانە ەكى بورتسەرىك, ياعني ەكيپاجدىڭ بارلىعى تەك ايەلدەردەن قۇرالعان.
ەكىنشى ۇشقىش اجار نەسىپباەۆا الەۋمەتتىك جەلىدەگى پاراقشاسىندا كابينادا گەندەرلىك ايىرماشىلىق جوق دەپ جازدى.
"كوماندير بار, ەكىنشى ۇشقىش بار. اركىم ءوز مىندەتىن اتقارادى, ءوز جۇمىسىن بىلەدى. كەشە ءبىز سونداي ادەمى جانە قۋانىشتى كۇيدە جۇمىس ىستەدىك. اينالامىزداعىلاردى تاڭعالدىرىپ, تاعى ءبىر جۇمىس كۇنىن كوتەرىڭكى كوڭىلمەن وتكىزدىك", - دەپ ەموسياسىمەن جانە ادەمى سۋرەتتەرىمەن ءبولىستى.
 ؛
qazaq air كومپانياسىنداعى ءبىرىنشى ايەل ۇشقىش ەكاتەرينا سۆەرچكوۆا اۋە كومپانياسىنا 2018 جىلى نەبارى 21 جاستا كەلگەن. ونىڭ ۇلكەن تاجىريبەسى مەن بىلىكتىلىگى بار. ەكاتەرينا 16 جاسىندا العاش رەت ءوز بەتىنشە ۇشقان.
"اۆياسياعا دەگەن سۇيىسپەنشىلىگىم پاراشيۋتپەن سەكىرۋ ارقىلى ارتتى, مەن التى جىلدى وسى كاسىپكە ارنادىم. سول جەردە مەن اۆياسيا جانە ۇشاقتاردى جاقسى تاني باستادىم. مەن ءوزىمدى جەكە ۇشقىش رەتىندە سىناپ كورۋدى ءجون كوردىم دە, ازاماتتىق اۆياسيادا بۇل ماماندىققا دەگەن سەزىمىم الداماعانىن ءتۇسىندىم", - دەيدى ول.
ەكاتەرينانىڭ ايتۋىنشا, ول اۆياسيادا ەشقاشان گەندەرلىك ستەرەوتيپتەردى كەزدەستىرمەگەن.
"ارىپتەستەرىمە قاتىستى جولىم بولدى. بارلىعى بىر-بىرىمەن تاتۋ. مەن ەشقاشان ءازىل-قالجىڭ, كەمسىتۋ ەستىگەن ەمەسپىن", - دەيدى ۇشقىش.
ول ۇشقىشتاردىڭ جۇمىس كەستەسى قيىن ەكەنىن ايتتى. بوس ۋاقىتىندا ول تىنىعىپ, ۇيىقتايدى, يوگامەن اينالىسادى جانە جازعى كەشتەردە جاعالاۋدا سەرۋەندەگەندى ۇناتادى.
 ؛
"قامشى" سىلتەيدى
ىلمەك سوزدەر: تاريحي رەيس qazaq air

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر