• usd 468.56

  • eur 497.56

  • rub 7.3

  • cny 67.18

19 مامىر, 09:01:52
الماتى
+35°

22 ءساۋىر, 2024 بارلىق ايماقتار

باتىس قازاقستان وبلىسىنا تاعى جۇزدەگەن اسكەري مەن قۇتقارۋشى بارادى

بوزىمباەۆ استانا مەن الماتىدان تاعى 500 اسكەري مەن قۇتقارۋشىنى بقو-عا جىبەرۋدى تاپسىردى.

فوتو: اشىق دەرەككوزدەن

"ۆيسە-پرەمەر قانات بوزىمباەۆ شارىقتاۋ شەگىنە جەتكەن سۋ تاسقىنىمەن كۇرەسۋگە ماڭعىستاۋ, اقتوبە وبلىستارىنان, استانا مەن الماتىدان تاعى 500 اسكەري مەن قۇتقارۋشىنى بقو-عا جىبەرۋدى تاپسىردى. ورالعا تجم جانە قورعانىس مينيسترلىگىنەن 200 ادام كەلىپ, جۇمىسقا كىرىسىپ كەتتى" دەلىنگەن ءباسپاسوز قىزمەتىنىڭ ؛حابارلاماسىندا.

بيلىكتىڭ مالىمەتى بويىنشا, قورعانىستى نىعايتۋ شارالارىنا وبلىستان 10 مىڭنان استام ادام جانە قالادان التى مىڭنان استام ادام, قازاقستاننىڭ باسقا وڭىرلەرىنەن اكەلىنگەن 2 مىڭنان اسا تەحنيكا جۇمىلدىرىلعان.

"تاسقىننىڭ شارىقتاۋ شەگى ۇزارادى دەگەن بولجام بار, وسىعان بايلانىستى ۆيسە-پرەمەر سۋ باسۋ ءقاۋپى بار ايماقتاعى وزەندەر بويىنا توپىراق بوگەتتەرىن تاعى بىرنەشە مەترگە كوتەرۋدى تاپسىردى" دەلىنگەن ءباسپاسوز حابارلاماسىندا.

ساۋىردىڭ باسىندا ۇكىمەت ەلدىڭ باتىس ءوڭىرىن تاسقىننان قورعاۋعا 10 مىڭنان استام اسكەري جۇمىلدىرىلدى دەپ حابارلاعان.

21 ءساۋىر تاڭەرتەڭ ورال قالاسىنداعى جايىق وزەنىندە سۋ دەڭگەيى 8,5 مەتردەن استى. سونىڭ سالدارىنان وزەنگە جاقىن ساياجاي ماسسيۆتەرىن سۋ باستى. جايىق پەن شاعان وزەندەرى ماڭىنداعى قالانىڭ شاعىن اۋداندارىنا دا سۋ جاقىنداپ قالدى.

ۇكىمەتتىڭ ءباسپاسوز قىزمەتى تاراتقان حابارعا قاراعاندا, بوزىمباەۆ ورالدىڭ پەريمەترى بويىنشا سۋ تاسقىنىنا قارسى قورعانىس قۇرىلىستارىن تەكسەرگەن.

"بقو اۋىلدىق ەلدى مەكەندەرىندە جاعداي تۇراقتى جانە باقىلاۋدا. تاسقىن باستالعالى وڭىردەگى جايىق پەن شاعان وزەندەرى بويىندا 136 شاقىرىمنان استام بوگەت سالىندى, ونىڭ 45 شاقىرىمى ورال قالاسىندا" دەپ حابارلادى ۇكىمەت.

قازاقستان ۇكىمەتى بۇعان دەيىن جايىقتىڭ جوعارعى بولىگى جانە ساقماردان باتىس قازاقستان وبلىسىنا سۋ ءساۋىردىڭ 15-ىنەن كەيىن كەيىن كەلەتىنىن ايتقان. كەيىن بۇل بولجامعا تۇزەتۋ ەنگىزىلىپ, توپان سۋ 20-ىنان كەيىن كەلەدى دەپ ايتىلدى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر