نۇرلان سماعۇلوۆ سۋ تاسقىنىنان زارداپ شەككەندەرگە كومەك رەتىندە 6,1 ملرد تەڭگە جىبەردى

نۇرلان سماعۇلوۆ قورى سۋ تاسقىنىنان زارداپ شەككەندەرگە كومەك كورسەتۋ ءۇشىن 5,6 ملرد تەڭگە مولشەرىندە اقشالاي قاراجات بولىنگەنىن مالىمدەدى. قاراجات ومىرلىك ماڭىزى بار ينفراقۇرىلىمدى قالپىنا كەلتىرۋ جانە ۇيلەرى سۋ تاسقىنى ناتيجەسىندە بۇلىنگەن نەمەسە قيراعان ادامداردى تۇرعىن ۇيلەرمەن قامتاماسىز ەتۋ ءۇشىن باتىس قازاقستان وبلىسىنا جىبەرىلدى.

"قازاقستان وڭىرلەرىندەگى اۋقىمدى تاسقىن ەلىمىز ءۇشىن ناعىز سىن-قاتەر بولدى. قازاقستاندىقتار تج كەزىندە بىرىگىپ, قيىندىققا تاپ بولعان ادامدار مەن جانۋارلارعا كومەك كورسەتە وتىرىپ, وزدەرىن جاقسى جاعىنان تانىتتى. سۋ تاسقىنى جاعدايى مەملەكەت باسشىسى قاسىم-جومارت توقاەۆتىڭ ەرەكشە باقىلاۋىندا. ءبىزدىڭ كومپانيالارىمىزدىڭ توبى زارداپ شەككەن وڭىرلەرگە اقشالاي قاراجات اۋدارىپ, گۋمانيتارلىق كومەك جىبەرىپ, قيىن-قىستاۋ كەزەڭدە العاشقى كۇندەردەن باستاپ اتسالىستى. ءبىز جاڭالىقتاردى مۇقيات قاراپ ءجۇرمىز, ءقازىر سۋ شەگىنىپ جاتىر جانە جاعداي تۇراقتانادى دەپ ۇمىتتەنىپ ايتامىز. ءبىراق الدا ادامداردى قالىپتى ومىرگە قايتارۋ بويىنشا ۇلكەن جۇمىس كۇتىپ تۇر. ءبىز قورىمىز ارقىلى 5,6 ميلليارد تەڭگە ءبولۋدى شەشتىك. بۇل قاراجات قازاقستاندىقتاردىڭ يگىلىگىنە جۇمسالسىن", &ndash؛ دەدى كاسىپكەر ءارى مەسەنات نۇرلان سماعۇلوۆ.