• usd 468.56

  • eur 497.56

  • rub 7.3

  • cny 67.18

19 مامىر, 09:47:13
الماتى
+35°

18 ءساۋىر, 2024 بارلىق ايماقتار

قايىرىمدىلىق قورىنىڭ باسشىسى 30 ميلليون تەڭگە جىمقىرعان

ناۋقاس بالالار شەتەلگە ەمدەلۋگە بارۋ مۇمكىندىگىنەن ايىرىلدى, - دەپ حابارلايدى qamshy.kz اقپارات اگەنتتىگى كتك تەلەارناسىنا سىلتەمە جاساپ.

فوتو: اشىق دەرەككوزدەن

اقتوبەدە مۇگەدەك بالالارعا ارنالعان اقشاسىنا باسشىلارى قول سالعان. ەمدەۋ ءۇشىن ەلدەن اقشا جيناپ, ارتىنان ەرەكشە بالالاردىڭ اتا-انالارىن الداپ كەتىپتى. شەتەلگە اپارىپ ەمدەتپەك تۇگىلى, ءتۇرلى سىلتاۋ ايتۋمەن جۇرگەن.

اقتوبەلىك تەمىرحان ارۋن بالاسىنىڭ الماتىدا 11 حيميا تەراپياسىنان وتكەنىن ايتتى. الايدا قور ەمگە كەرەك قالعان اقشانى بەرمەي قويعان.

- الماتىدا 11 حيميا تەراپياسىنان وتتىك. ودان ماسكەۋدە وتتىك. سودان بىلتىر قىركۇيەك ايىندا "مورە لايفقا" حابارلاسىپ, كومەك سۇرادىق, وسىلاي بالامىزدى شەتەلگە اپارۋعا دەگەن. ءبىز بەس كۇندە 5 ميلليون جيناپ تاپسىردىق. ول اقشانىڭ تەك بىزگە جۇمساعانى 230 مىڭ تەڭگە. استاناعا بارىپ-كەلۋگە جۇمسالدى. قالعان اقشانىڭ ءبىر تەڭگەسىن دە قايتارعان جوق, &ndash؛ ؛دەدى تەمىرحان ارۋن.

- تەك اتا-انالاردان ۆيدەو ۇندەۋ جازدىرىپ, بالالاردى سۋرەتكە ءتۇسىرىپ الادى. ەڭ قىزىعى, اقشانى مۇگەدەك بالانىڭ وتباسى ءوزى جيناپ, ونى قولما-قول قورعا 5 ميلليونعا تولعاندا بەرىپ وتىرادى. اقىرى شەتەلدەگى ەم دە جوق, اقشا دا جوق, الداپ كەتەدى. ءقازىر قايىرىمدىلىق قورعا قاتىستى التى اتا-انا ارىز جازعان. قور باسشىسى قاماۋعا الىندى. كەلتىرگەن شىعىن &ndash؛ 30 ميلليون تەڭگە. قۇزىرلى ورگانداعىلار زارداپ شەككەندەر ودان دا كوپ بولۋى مۇمكىن دەيدى. ؛

ال اقتوبە پروكۋرورىنىڭ ورىنباسارى نۇرلان قالدىعوجين تەرگەۋ ارەكەتتەرى جۇرگىزىلىپ جاتقانىن ايتتى.

- تەرگەۋ ارەكەتتەرى باستالىپ كەتتى. سونىمەن قاتار كەشە, ياعني 16 ءساۋىر كۇنى وسى قايىرىمدىلىق قوردىڭ جەتەكشىسى قىلمىستىق پروسەستىك كودەكستىڭ 128 بابىنا سايكەس ۋاقىتشا ۇستاۋ يزولياتورىنا قامالدى. وعان قاتىستى كۇزەتپەن ۇستاۋ تۇرىندەگى بۇلتارتپاۋ شاراسىن قولدانۋ ماسەلەسى شەشىلىپ جاتىر, &ndash؛ ؛دەدى نۇرلان قالدىعوجين.

"قامشى" سىلتەيدى
ىلمەك سوزدەر: الاياق قايىرىمدىلىق

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر