17 ءساۋىر, 2024 بارلىق ايماقتار
الاياقتىق جاساعان نوتاريۋس سوتتالدى
شىمكەنتتە نوتاريۋس قىلمىستىق ءىس بويىنشا 9 جابىرلەنۋشىگە 47 ميلليون تەڭگە كولەمىندە شىعىن كەلتىرگەن
كورنەكى سۋرەت
سوتتا انىقتالعانداي, جەكە نوتاريۋس جابىرلەنۋشىلەردىڭ سەنىمىنە كىرىپ, ولاردىڭ وسال جاعدايىن جانە قىزمەتتىك وكىلەتتىگىن ءوز پايداسىنا قولدانىپ, نەسيە نەمەسە كەپىلشارتىن جاساۋدىڭ ورنىنا, ساتىپ الۋ-ساتۋ شارتىن كۋالاندىرعانى انىقتالعان. كەيىن ول ءۇشىنشى تۇلعالارعا مەنشىك قۇقىعىن بەكىتىپ, شىمكەنت قالاسىنىڭ ادىلەت ورگاندارىنا تىركەۋ تۋرالى كەلىسىمدى زاڭسىز جىبەرگەن.
قىلمىستىق ءىس بويىنشا 9 جابىرلەنۋشىگە 47 ميلليون تەڭگە كولەمىندە شىعىن كەلتىرىلگەن.
سوت الاياقتىق فاكتىسى بويىنشا نوتاريۋستى 4 جىل باس بوستاندىعىن شەكتەۋگە, ال ونىڭ سىبايلاستارىن 3 جىلعا جانە 3 جىل 9 اي مەرزىمگە شارتتى تۇردە باس بوستاندىعىنان ايىرۋعا ۇكىم شىعاردى.
پروكۋراتۋرا شىمكەنت قالاسىنىڭ تۇرعىندارىنا نوتاريۋستاردىڭ قاتىسۋىمەن جىلجىمايتىن مۇلىككە قۇجاتتاردى رەسىمدەۋ كەزىندە اباي بولۋ, قاجەت بولعان جاعدايدا زاڭگەرلەردەن كەڭەس الۋ قاجەتتىگىن ەسكەرتەدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر