• usd 468.56

  • eur 497.56

  • rub 7.3

  • cny 67.18

19 مامىر, 09:34:08
الماتى
+35°
وبلىستا توتەنشە جاعداي رەجيمىنىڭ جاريالانۋىنان جانە سۋ باسۋ قاۋپىنەن قورىققان اتىراۋلىقتار ءوز وتباسىلارىنىڭ قاۋىپسىزدىگى, جەكە باس اماندىقتارى ءۇشىن باسقا قالالارعا ءوز ەرىكتەرىمەن كەتۋدە.
كەشە قر كولىك ءمينيسترى مارات كارىمجانۇلى قاراباەۆقا حابارلاسىپ, اتىراۋ-استانا, اتىراۋ-الماتى, اتىراۋ-اقتاۋ جانە دە باسقا دا وڭىرلەرگە اۋە, تەمىرجول باعىتىندا قوسىمشا ۆاگوندار مەن قوسىمشا رەيستەر قوسۋ قاجەتتىلىگىن ايتتىم. سونىمەن بىرگە, اۋە, تەمىرجول بيلەتتەرىنىڭ قۇنىن قاراپايىم حالىققا قولجەتىمدى, ارزان باعادا ۇسىنۋ بويىنشا ءتيىستى مەكەمەلەرگە ۇسىنىس بەرىپ, مينيسترلىكتىڭ قاتاڭ باقىلاۋىنا الۋدى تاپسىردىم.
قازىرگى تاڭدا, اتىراۋ قالاسىنان 7 قالاعا 4 قازاقستاندىق اۆياكومپانيا سىيىمدىلىعى 12 756 ورىندىق اپتاسىنا 73 تۇراقتى رەيستى ورىندايدى.
سۇرانىسقا سايكەس, 9-11 ءساۋىر ارالىعىندا استانا, الماتى, اقتاۋ قالالارىنا "ەير استانا" (3 رەيس) جانە" fly arystan" (6 رەيس), سىيىمدىلىعى 1 617 ورىندىق 9 قوسىمشا رەيس ورىندادى.
سونىمەن قاتار, 11-20 ءساۋىر ارالىعىندا اتىراۋ قالاسىنان استاناعا (17 رەيس), الماتىعا (20 رەيس), اقتاۋعا (12 رەيس), شىمكەنتكە (1 رەيس), جالپى سىيىمدىلىعى 9 099 ورىندىق 50 قوسىمشا رەيس قوسىلدى. ولار تومەندەگىدەي باعىتتار بويىنشا جۇزەگە اسىرىلادى:
1. "ەير استانا" 11-17 ءساۋىر كەزەڭىندە سىيىمدىلىعى 1 917 ورىندىق استاناعا (4), الماتىعا (7), بارلىعى قوسىمشا 11 رەيس؛
2. "fly arystan" 11-17 ءساۋىر كەزەڭىندە اقتاۋعا (12), استاناعا (5), الماتىعا (5), شىمكەنتكە (1), سىيىمدىلىعى 3 780 ورىندىق قوسىمشا 21 رەيس؛
3. "scat" 12-20 ءساۋىر كەزەڭىندە سىيىمدىلىعى 3 402 ورىندىق استاناعا (9) جانە الماتىعا (9), قوسىمشا 18 رەيس.
قوسىمشا رەيستەر بيلەتتەرىنىڭ ءبىر باعىتتاعى قۇنى ەكونوم-كلاسستا 69 مىڭ تەڭگەگە دەيىن بەكىتىلگەن.
توتەنشە جاعدايعا سايكەس, اۋە بيلەتتەرىنىڭ قۇنىن, الماتى باعىتىن 35 مىڭ, استانا باعىتىن 30 مىڭ, اقتاۋ باعىتىن 20 مىڭعا تومەندەتۋ بويىنشا اۆياكومپانيالاردىڭ اكسيونەرى &ldquo؛سامۇرىق قازىنا&rdquo؛ كومپانياسىنىڭ باسشىلىعىنا حات جولداندى.
"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر