• usd 468.56

  • eur 497.56

  • rub 7.3

  • cny 67.18

22 ءساۋىر, 18:54:12
الماتى
+35°

29 ناۋرىز, 2024 بارلىق ايماقتار

قىتايلىق كومپانيا قازاقستاندا قۇنى 1 ميلليارد دوللار بولاتىن جەل ەلەكتر ستانسيالارىن سالادى

قازاقستان پرەزيدەنتى قىتايعا جۇمىس ساپارى اياسىندا مەملەكەتتىك ەنەرگەتيكالىق ينۆەستيسيالىق كورپوراسياسى ديرەكتورلار كەڭەسىنىڭ ءتوراعاسى ليۋ مينشەنمەن كەزدەستى.

فوتو: اشىق دەرەككوزدەن

اڭگىمەلەسۋ بارىسىندا ەنەرگەتيكا سالاسىنداعى, ونىڭ ىشىندە جاڭارتىلاتىن ەنەرگيا كوزدەرىنە نەگىزدەلگەن ىنتىماقتاستىقتى ودان ءارى دامىتۋ پەرسپەكتيۆالارى تالقىلاندى.

قاسىم-جومارت توقاەۆقا «؛china power international holding»؛ كومپانياسىنىڭ ەنشىلەس ۇيىمى قازاقستاندا بەلسەندى جۇمىس ىستەپ جاتقانى تۋرالى حابارلادى. سوڭعى 5 جىلدا جاڭاتاستا جەل ەنەرگەتيكاسى جوباسى جاسالسا, قاراعاندىدا كۇن ەلەكتر ستانساسى سالىندى.

قىتايدىڭ ءىرى ەنەرگەتيكالىق كومپانيالارىنىڭ ءبىرىنىڭ باسشىسى بولجامدى ينۆەستيسيا كولەمى 1 ميلليارد دوللاردان اساتىن جامبىل جانە پاۆلودار وبلىستارىندا جالپى قۋاتى 1 گۆت جەل ەلەكتر ستانسيالارىن سالۋ بويىنشا جاڭا ينۆەستيسيالىق جوبالاردى جۇزەگە اسىرۋ تۋرالى ايتتى.

 ؛ليۋ مينشەن سونداي-اق قازاقستاندا اۋقىمدى گيدروەنەرگەتيكالىق جوبالاردى جۇزەگە اسىرۋ جانە ارالاس سيكلدى گاز تۋربينالارىن سالۋ پەرسپەكتيۆالارىن زەردەلەۋ نيەتىن مالىمدەدى.

پرەزيدەنت ءبىزدىڭ ەلىمىزدىڭ جاڭارتىلاتىن ەنەرگيا سالاسىنداعى ۇزدىك حالىقارالىق تەحنولوگيالار مەن تاجىريبەلەردى تارتۋعا مۇددەلى ەكەنىن اتاپ وتتى.

 ؛اڭگىمەلەسۋ سوڭىندا قاسىم-جومارت توقاەۆ ليۋ مينشەندى استانادا ماۋسىم ايىنا جوسپارلانعان حالىقارالىق فورۋمعا قاتىسۋعا شاقىردى.

"قامشى" سىلتەيدى
ىلمەك سوزدەر: قىتاي جەل ستانساسى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر