• usd 468.56

  • eur 497.56

  • rub 7.3

  • cny 67.18

22 ءساۋىر, 20:57:17
الماتى
+35°

پەتروپاۆل قالاسىنىڭ اكىمدىگى ءبىر اپتانىڭ ىشىندە قۇنى 400 ملن تەڭگەدەن اساتىن ەكى تەندەردى ءبىر كومپانياعا اشىق كونكۋرسسىز بەردى. قوس تەندەردى «؛تىكەلەي ءبىر كوزدەن»؛ العان «؛دورسيگنال»؛ جشس پەتروپاۆل اكىمدىگىنەن العاش رەت كونكۋرسسىز تاپسىرىس الىپ وتىرعان جوق. مەملەكەتتىك ساتىپ الۋ پورتالىنىڭ مالىمەتىنشە, اكىمدىك 2016 جىلدان بەرى اتالعان كومپانياعا 22 مەملەكەتتىك تاپسىرىستى «؛تىكەلەي ءبىر كوزدەن»؛ بەرگەن.

410 ميلليوننىڭ مەمتاپسىرىسى

14 ناۋرىزدا پەتروپاۆل قالاسىنىڭ تۇرعىن ۇي-كوممۋنالدىق شارۋاشىلىعى, جولاۋشىلار كولىگى جانە اۆتوموبيل جولدارى ءبولىمى «؛دورسيگنال»؛ كومپانياسىمەن كەلىسىمشارت جاساستى. قۇنى &ndash؛ 199,6 ملن تەڭگە. وعان سايكەس, مەردىگەر كومپانيا پەتروپاۆل قالاسىنداعى باعدارشامدارعا اۆتوماتتاندىرىلعان باسقارۋ جونىندەگى قىزمەت كورسەتۋگە ءتيىس.

ارادا ءبىر اپتا وتكەن سوڭ, 20 ناۋرىزدا پەتروپاۆل اكىمدىگى مەن «؛دورسيگنال»؛ جشس تاعى دا كەلىسىمگە وتىردى. ونىڭ قۇنى &ndash؛ 211 ملن تەڭگە. بۇل قوماقتى قارجى «؛دورسيگنال»؛ كومپانياسىنا جول بەلگىلەرىن ورناتۋ ءۇشىن بەرىلىپ وتىر.

مەمساتىپ الۋ پورتالىنىڭ مالىمەتىنشە, اكىمدىك قوس كەلىسىمشارتتى جاساردا دا «؛تىكەلەي ءبىر كوزدەن ساتىپ الۋ»؛ دەيتىن ءتاسىلدى قولدانعان. ياعني, تاپسىرىس بەرۋشى تەندەر جەڭىمپازىن انىقتاردا ەشقانداي كونكۋرس وتكىزبەي, تاپسىرىستى تىكەلەي «؛دورسيگنال»؛ كومپانياسىنا بەرىپ وتىر.

تەندەردى بۇلاي وتكىزۋ ءۇشىن قانداي دا ءبىر نەگىز بولۋعا ءتيىس. پەتروپاۆل اكىمدىگى ەكى رەتتە دە مەملەكەتتىك ساتىپ الۋ تۋرالى زاڭنىڭ 39-بابى, 3 تارماعىنىڭ, 4-تارماقشاسى ارقىلى نەگىزدەگەن.

اتالعان زاڭ نورماسى ؛ توتەنشە جاعداي بولىپ, سونىڭ سالدارىن جويۋعا تۋرا كەلگەن كەزدە نەمەسە اپاتتى جاعدايدىڭ الدىن الۋعا ءماجبۇر بولعان كەزدەردە عانا قولدانىلادى. مىسالى, قالادا قاتتى جەل تۇرىپ, باعدارشامدار قيراپ قالسا, نەمەسە ءبىر عيمارات اپاتتى جاعدايدا تۇرسا, جوندەۋ جۇمىستارىن جەدەلدەتۋ ءۇشىن دەرەۋ ارادا تاپسىرىس بەرۋشى ءبىر كومپانياعا ۇسىنىس تاستاپ, سونىمەن كەلىسىمگە كەلەدى.

ال پەتروپاۆل اكىمدىگىنىڭ كەلىسىمشارتىنا قاراپ قانداي دا ءبىر «؛توتەنشە جاعدايدى بولدى»؛ دەۋگە نەگىز جوق. ويتكەنى جول بەلگىلەرىن قويۋ جانە باعدارشامداردىڭ باعدارلاماسىن ورناتۋ توتەنشە جاعدايدىڭ سالدارىن جويۋ دەگەن نورماعا نەگىز بولا المايدى.

بۇعان قوسا, قوس كەلىسىمدە دە مەردىگەرگە 2024 جانە 2025 جىلدار ارالىعىندا قىزمەت كورسەتىپ وتىرۋ جۇكتەلگەن. مۇنداي بىرنەشە جىلدىق, جىلدار بويى قىزمەت كورسەتىپ وتىرۋعا ءتيىس جۇمىستار توتەنشە جاعدايدىڭ سالدارىن جويۋعا ارنالعان دەگەنگە كەلمەيدى. نەگىزى مۇنداي جۇمىستار ءۇشىن تاپسىرىس بەرۋشى اشىق كونكۋرس وتكىزۋگە ءتيىس.

پەتروپاۆل قالاسىنىڭ تۇرعىن ۇي-كوممۋنالدىق شارۋاشىلىعى, جولاۋشىلار كولىگى جانە اۆتوموبيل جولدارى ءبولىمى «؛قامشى»؛ تىلشىسىنە تەندەر نە سەبەپتى اشىق كونكۋرسسىز وتكىزگەنىن تۇسىندىرمەدى. ءبولىم باسشىسى ەركىن ەلەۋسىزوۆپەن سويلەسۋ مۇمكىن بولعان جوق. ال مەملەكەتتىك ساتىپ الۋعا جاۋاپتى مامان ءبىر اي دەمالىستان كەيىن جۇمىسقا ەندى شىققانىن, تەندەرلەردىڭ نە سەبەپتى كونكۋرسسىز وتكەنىنەن بەيحابار ەكەنىن ايتتى.

پەتروپاۆل اكىمدىگىنىڭ «؛سۇيىكتى»؛ كومپانياسى

اشىق كونكۋرسپەن وتۋگە ءتيىس تەندەردى ەش باسەكەسىز العان «؛دورسيگنال»؛ جشس &ndash؛ پەتروپاۆلعا تانىمال كومپانيا. 2005 جىلى قۇرىلعان سەرىكتەستىكتىڭ سول كەزدەن بەرگى باسشىسى ءارى جالعىز قۇرىلتايشىسى &ndash؛ نيكولاي لازارەۆ دەگەن ادام.

كومپانيا پەتروپاۆلدا تىركەلگەن. 2019 جىلدان بەرى مەملەكەتكە 200 ملن تەڭگەدەن استام سالىق تولەگەن. كومپانيا نەگىزىنەن جول بەلگىلەرىن ورناتۋ, باعدارشام جوندەۋ سياقتى مەملەكەتتىك تاپسىرىستاردى ورىندايدى.

مەمساتىپ الۋ پورتالىنىڭ مالىمەتىنشە, «؛دورسيگنال»؛ جشس 2016 جىلدان بەرى 266 تەندەر العان. ونىڭ 179-ى «؛تىكەلەي ءبىر كوزدەن»؛ بەرىلگەن.

سەرىكتەستىك كوبىنە پەتروپاۆل قالاسىنىڭ تۇرعىن ۇي-كوممۋنالدىق شارۋاشىلىعى, جولاۋشىلار كولىگى جانە اۆتوموبيل جولدارى ءبولىمىنىڭ تاپسىرىسىن ورىندايدى. 2016 جىلدان بەرى اتالعان مەكەمەدەن 62 تەندەر العان. «؛دورسيگنال»؛ جشس ونىڭ 22-سىنە ەش كونكۋرسسىز, «؛تىكەلەي ءبىر كوزدەن»؛ قول جەتكىزگەن.

پەتروپاۆل اكىمدىگى كومپانياعا ءار جىلدارى ەڭ ءىرى تەندەرلەردى كونكۋرسسىز بەرىپ وتىرعان. اكىمدىك تاپسىرىستىڭ ءبىر كوزدەن بەرىلۋىن مەملەكەتتىك ساتىپ الۋ زاڭىنداعى «؛اۆتورلىق قۇقىق»؛, «؛توتەنشە جاعدايدىڭ سالدارىن جويۋ»؛ دەگەن نورمالار ارقىلى نەگىزدەگەن. الايدا ءبىر كوزدەن بەرىلگەن تەندەرلەردىڭ تەحسيپاتتاماسى ول نورمالارعا سايكەس كەلمەيتىنىن بايقاۋعا بولادى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر